الحقونى العربية بتبطل وانا ماشي
ازيكم يا جماعة
عربيتى ال 128 فيها مشكلة محيرانى جدا
وانا ماشى فى امان الله وفاتح على 100 ساعات الاقي العربية قطعت ونتشت وبعدين تبطل
اجى ادورها الاقيها زى متكون شرقانه مش بتدور الا لما ادوس بنزين جامد
المهم قلت جايز دى طرمبة بنزين او الرداخ زى ما بعض الناس بتقول عليه رحت غيرته عند الميكانيكى بواحد ايطالى
ماشاء الله العربية لقيتها انضبطت ورحت بيها مشوار 100 كيلو رايح جاى كانت زى الفل
لكن للاسف الحركة اتكررت تانى ولقيت العربية بطلت منى وانا ماشى تانى مرتين
وكمان على سرعة اقل مرة على 40 ومرة على 20
ولاحظت فى المرة الاخرانية دى انها زى متكون انكتمت يعنى بدوس بنزين وصوت الموتور مش بيعلى ولا كانى دايس حاجة وبعدها بطلت علطول جيت ادورها نفس القصة مدارتش الا لما دوست بنزين جامد معاها
الحركة دى مش بتحصل علطول هى بتيجى كده بظروفها او خلال السغر الطويل مرة او اتنين
بخلاف كده العربية فى الاوقات العادية مضبوطة جدا