ايهما افضل بى ام دبليو 318 مو 2002 او مو 520 مو 2001
ايهما افضل بى ام دبليو 318 مو 2002 او مو 520 مو 2001
لا وجه للمقارنة على الأطلاق. الفارق كالفرق بين السماء و الأرض. حضرتك بتقارن فئة ثالثة بفئة خامسة, هو الفارق الوحيد هيكون فى أسعار قطع الغيار, ال E39 قطع غيارها مولعة و بتحرق جامد جدا جدا, ال E46 قطع غيارها مولعة لكن ليست كال E39
1- سعة الموتور و كفاءة: 1800cc vs 2000cc
2- حجم السيارة و اتساعها: E39 > E46
3- كيمة البنزين المحترق: E39 > E46 . الفئة الخامسة تستهلك بنزين اكثر من الفئة الثالثة
4- الأمكانيات E39 > E46
تكون النتيجة إن ال E39 لا وجه للمقارنة بها مع ال E46. حضرتك إذا كنت شاب فأعتقد إن ال E46 تلائم حضرتك اكثر. وأسعار قطع غيارها غالية لكن مش هتقارن بأسعار قطع غيار ال E39
على ما أتذكر ال 520 سعتها اللترية 2200 cc
طبعا معروف ال 318 2000 cc
ال E39 في نظر الكثيرين أفضل سيدان في التاريخ و تتفوق في متعة القيادة و معايشة السائق على الفئة الخامسة الحالية ..
يعيبها إن شكلها outdated أو يظهر عليه عوامل السن عكس ال E46 التي مازالت تحتفظ برونقها أمام الفئة الثالثة الحالية ..
عربيتين تحفتين بصراحة و لكن أنا أميل للكبيرة 520
اولا يا باشا ال 520 من اسمها 5 نسبة للفئة الخامسة, 20 نسبة للسعة اللترية 2000 سى سى. يعنى هى مش 2200 سى سى. وكذلك الحال بالنسبة لل 318, 3 نسبة للفئة الثالثة اما ال 18 نسبة للسعة اللترية 1800 سى سى. لأن فيه 525 و 320 و 325 إلخ
ثانيا ال E39 مش outdated. هى صحيح يظهر عليها عوامل السن لكن شكلها جميل جدا
http://www.shailen-patel.com/540iM/1...d/IMG_2419.JPG
http://www.bimmerwerkz.com/forum/att...00-bmw-528.jpg
بعكس ال E46 شكلها شبابى أكثر
http://www.autoall.com/images_produc...20RaceMesh.jpg
http://www.felgen-man.de/zuverkaufen/Bauer/Bauer-1.JPG
معلش بس كلامك غلط
ال 520 بداية من سنة 2000 موتورها 2200 cc
ال 318 بداية من 2002 موتورها 2000 cc
طبعا رقم 3 بيرمز لإيه و رقم 5 بيرمز لإيه ده كلام كل الناس عارفاه ..
دي لينكات فيها معلومات مفيدة
http://en.wikipedia.org/wiki/BMW_5_Series_(E39)
http://en.wikipedia.org/wiki/BMW_3_Series_(E46)
اعتقد ال520 اوسع واريح فى السواقة لو انت بتسافر كتير او مشاويرك طويلة لكن لو انت اغلبية الوقت جوا البلد ال318 احسنلك معقولة و شبابية وسواقتها ممتعة جدا عن تجربة وبرضو استخير ربنا والى فية الخير هيبان انشاء الله:vctry:
جيت على الجرح....
الفئة الخامسة....دا من وجهة نظرى...
انا عن نفسي اختار الفئه التالته بدون تردد
انا بعشق العربيه دي واحلي شكل بيعجبني فيها هوا اوائل الالفينات يعني الشكل قبل الي موجود دلوتقتي علي طول
مشكور شباب بس انا كنت عاوز اعرف اسعارهم كام يعنى انا معايا 120 الف يجيبولى موديل ايه فى الفئة الخامسة ولو فى معارض فى القاهرة لانى اعيش فى البحر الاحمر ولو فى مراكز صيانة خارج التوكيل
120 يجيبولك الe39 فوق 2002 الفتيس الجديد وممكن تكون كاملة
(فتحة سقف - جنوط - فوجات اصلية - زينون)
بالنسبة للمعارض هو افضل واحد للبي ام منيب اللي في مصر الجديدة
ومراكز الخدمة اكتر من الهم علي القلب ....استخير وتوكل
هو فعلا مصر الجديدة فيها معارض بى إم دبليو كثير, فيه معرض كويس فى المرغنى لكن مش فاكر اسمه, عالعموم حضرتك هات جرنال يوم الجمع الأهرام و هتلاقى أسماء المعارض و أرقام تليفوناتها فى ملحق السيارات الموجود مع الأهرام فى قسم البى إم دبليو.
ال 120000 حضرتك ممكن تشترى e46 محترمة 2001, و ممكن 2002 الفتيس الجديد الأستبترونك ( مانيوال + أتوماتيك ) يعنى حضرتك ممكن تغير وضع الفتيس من قيادة مانيوال 100% الى قيادة اتوماتيك 100%. اما بالنسبة إن حضرتك تشترى e39 520 2002 بالمبلغ ده مستحيل لأن أقل سعر ممكن تلاقيه فى ال e39 520 2002 هيكون 150000 جنية, انا كانت امامى سيارة 520 موديل 2002 صاحبها طلب 180000 جنية. أنا و الله فيه عربية e46 2002 جميلة جدا, فتحة سقف كهرباء, مرايات كهرباء, فتيس ستبترونك, سى دى تشانجر 6 أسطوانات, تحفة والله الذى لا اله غيره. صاحبها كان بيتكلم فى 135000 جنية حضرتك ممكن تكلمه وتحاول تخلص معاه, وتقول له إن حضرتك هتدفع كاش أنا هكتب لحضرتك رقم التليفون و اسمه, هو اسمه الأستاذ أحمد على و رقم تليفونه 0123126563 العربية ما شاء الله عليها نظيفه لكن بالتأكيد حضرتك هتحتاج ميكانيكى بيفهم فى البى إم دبليو وشغال فيه و ده شرط أساسى و يكون كمان بيشتغل فى تصليح الفئة ده من السيارات عشان يكشف لحضرتك عليها حلو. و نصيجة نصيحة نصيحة ابعد عن سوق السيارات لأن كله تجار, هى السيارة ده صحيح أنا شوفتها فى الشوق لكن مش مع تاجر, و أنا والله العظيم إذا كان معايا المبلغ ده مش هستخسره فى السيارة ده لأنها فعلا حالتها نظيفه جدا جدا. ربنا يكرمك و بالتوفيق.
........................*
حضرتك دور فى المواقع ده على السيارات برده.
تنبيه بمخالفة القاعدة رقم 17
ممنوع وضع موضوع أكثر من مرة في أكثر من قسم أو وضع روابط لمنتديات أو مواقع أو أي وسيلة مقروءة أخرى منافسة.
الرجاء مراجعة قوانين المنتدى
مشرف الأوروبى 1
........................
520 ب120000
تنبيه بمخالفة القاعدة رقم 17
ممنوع وضع موضوع أكثر من مرة في أكثر من قسم أو وضع روابط لمنتديات أو مواقع أو أي وسيلة مقروءة أخرى منافسة.
الرجاء مراجعة قوانين المنتدى
مشرف الأوروبى 1
انا مش فاهم ازاي ال 120000 تجيب 318 مو 2002 او 520 مو 2001 المفروض فيه فرق ياجماعة او ان ال 520 فيها حاجة انا بجد مش فاهم الناس بتتكلم عالفئة الخامسة مو 95 في نفس السعر ؟؟؟؟؟؟؟؟
هى ال 120000 جنية تشترى e46 2000, 2001 و ممكن لكن صعب شوية ونادر 2002 عشان الفتيس الأستبترونيك. ده اكيد ممكن فى رنج ال 130000 جنية, بالنسبة لل e39 520 ال 120000 جنية تشترى حاجة فى موديلات ال 90, فوق ال 1995 لكن صعب و نادر فوق ال 2000, وعالعموم أنا شوفت اللينك الموجود فى احد الردود, لكن مش هتلاقى كثير بالرقم ده و نصيحة إذا كنت هتشترى يبقى لازم تأخد معاك حد بيشتغل فى النوع ده و فى الفئة ده من السيارات.
انا عن نفسى اجيب مرسيدس
من 2002 الموتور الجديد 2200 كل اللى ابل كده 2000 سى س 150 حصان وده الموتور القديم
الف مبروك وربنا يكفيك شرها ويديك خيرها
الف مبروك ياباشا :biggrin2:وربنا يبركلك فيها ويكفيك شرها وشر السواقين في بلدنا الحبيبة ....مصر :B4_048::B4_048:
وعايزين ناكل اللحمة بقي
:049::049::049::049::049:
ربنا يباركلك فيها ويكفيك شرها
مبروك .. كده بين البينين واختيار موفق