مع إحترامى لحضرتك سيبك من أى أرقاام مفيش كمبيوتر عارف ينافس ال xbox360 حتى الأن
بس أنا أصلا مليش فيهم عشان مستغليهم
عرض للطباعة
أنا طول عمري بلعب على ال-PC بس مرة واحدة لاقت الناس كلها بتقول playstation يا xbox
الظاهر اني حاعمل كدة كمبيوتر محترم لإني فعلاً لسة مش لاقي حد يقنعني ١٠٠٪ إن ال-playstation أو ال-XBOX أحسن من الكمبيوتر بالعكس لو حد غاوي strategy ذي حالتي مش حينفع يلعب على حاجة غير كمبيوتر
ولا إيه رأيكم
مع احترامي لحضرتك برده ... معلومات حضرتك خاطئة 100%
الXbox 360 هو عبارة عن جهاز كومبيوتر مدمج بنسخة خاصة من ويندوز و ال Xbox 360 طرح من سنتين تقريبا او اكتر ..
اي جهاز حالي بمعالج Quad او حتى Dual و رامات 3 GHZ و كارت شاشة محترم يعدي على الXbox وعلى ال Playstation رايح جاي !
كفاية انك ممكن تلعب على الPC برزيلوشن فوق ال 1920x1440 ! الي هي لو حاولت تعمل كدة في ال Xbox ( مفيش اختيارات اصلا .. بس لو حاولت يعني ) الXbox حيفرقع :P
المشكلة مش في قوة الجهاز .. المشكلة ان كل الشركات الان بتتوجه للConsoles بدل ال PC علشان القرصنة ... فبالتالي في لعب كتييير جدا منزلتش و مش حتنزل للPC وده عيبه الوحيد .
و ياجماعة نفسي شعب مصر يقتنع .. ان كارت الشاشة او ال VGA مش بالرامات نهـــــــــــــــــــــــ ــــائي !!!!
يافرحتي بسوزوكي ماروتي مركبة جنط 22 !
انا ممكن اجيلك كارت 256 ميجا يتف على اي كارت 2 جيجا من ابو 400 جنيه دول ..
كروت الشاشة " SERIES " يعني زي الموبايلات كدة ... في نسخ رخيصة معمولة للاستخدام العادي مثل :
Nvidia : 9400 - 9500 - 9600
8400 - 8500 - 8600
7300-7600
GT210 - 220 etc
---
ِATi : HD34xx - 36xx
46xx -46xx
54xx
دي كروت كلها BUDGET تمنها لا يتعدي ال 600 جنيه مصريمهما كانت 1 جيحا ان شاء الل 10 جيجا ! هي لا تصلح ان يطلق عليها كارت شاشة الالعاب .. الى الحاجات القديمة شوية او مش حتشغلها بكامل المواصفات .
الكروت المحترمة ...حتلاقي الرقم بتاعها اعلى مثل :
9800 - 9900
8800 - 8900
7800 - 7900
او HD48xx
49XX
و اسعارها في مصر تبدا من ال 900 فما فوق ... ممكن توصل 2500 جنيه
وخلافه ... و برده حتكون 1 او 2 جيجا رامات مش اكتر .. .
تحت امرك يا باشا , و الله على حسب اولا احتياجك , ثانيا فلوسك , ثالثا مستقبلك :)
بمعنى ,
نوع الالعاب الي بتلعبها ايه ؟
Strategy او ONLINE معظم الوقت ؟
FPS ( زي Medal Of Honor مثلا او Unreal Tournament )
يبقى خليك في ال PC . بس PC PC ... حاجة حتفدع فيها تقريبا اكتر من تمن ال Xbox .
مش فارق معاك ال Strategy اوي .. و ملكش نوع معين بتحبه , و مش عايزتصرف كتيير ادام ... يبقى الXbox على انه ممكن يعدل و ممكن تنزله العاب من غير ماتشتريها .
راجل فييس .. و مش فارق معاك اي حاجة في الدنيا ..PS3 و ادفع بقى ( او لحد ماينزله تعديل .. وده شكله كدة بعيد شوية ) .
--
انا شخصيا مقتنع بال PC , و بفكر اشتري Wii جنبه حاليا .. لانه مسلي و فكرته جديدة و اورجينال فعلا .. و العابه رخصية و مضروبة كمان :P
جدير بالذكر ان Sony نزلت حاجة اسمها MOVE وهو دراع زي بتاع ال Wii بالظبط و بيعمل بنفس الطريقة .
ال xbox خرافي
غلبتنى يا باشا
زى ما habiko قال أستاذ ورئيس قسم و ماأقدرش غير أنى أرفعلك القبعة
أنا كنت عارف حوار الكروت و إنها series كلها و كده
بس أنا باستخدم لابتوبات من زمان و مشوفتش بصراحة كارت من الكروت الغالية
و طبعا كروت الdesktop ولا حاجة جنب الابتوب
أنا كارتى 9600 512M والله أنا باقول الناس من زماان أنها عمرها ما كانت بالرامات
ممكن شوية سؤال أخيرة :
إزاى أعرف كارت الVGA بتاع لابتوب معين جامد ولا لأ ؟؟
باتكلم عن الجديد زىّ GT130M , GT230M
لو عن طريق الbenchmark و الحوارات ديه ياريت تقولى اسم برنامج مثلا
و كمان إنت بتجيبلوه تعريفات modded ولا بتاعته الofficial
و شكرا لذوقك و على فكرة أنا متابعلك مواضيع و ردود كتيرة فى المنتدى