من اغرب المناظر - واحنا السبب فى الفوضى
انا دايما اسال نفسى وانا سايق من كتر اللى بشوفه احنا بنسبه كام السبب فى سوء حاله المرور والفوضى اللى لاتوصف اللى فى الشوارع وكنت بقول انه بنسبه 40% على الاقل الناس السبب
لغايه النهارده الصبح ماشوفت منظر معتقدتش ممكن يكون فى اى بلد غيرنا ولا حتى دوله بادنجوا ( على راى ناديه الجندى )
الساعه 9.45 صباحا كنت رايح شغلى وجاى من الكورنيش فى اتجاه التليفزيون وطلعت مطلع كوبرى مايو متجه الى المهندسين لقيت تاكسى هيونداى اكسنت وتاكسى شاهين ( الاتنين ابيض واسود ) واقفين فوق كوبرى مايو على جنب السور فوق النيل وجابين جرادل وبيغسول العربيات بالمياه والصابون
تخيلوا الموقف تخيلوا احنا بنعمل ايه ولولا انى كنت سايق واتفاجأت بالموضوع كنت صورته
صدقونى مش لاقى اى تعبير يوصف اللى شوفته ولا اى تعليق
