انا اتفصلت من شغلى النهاردة...(مش وقتها خالص)...

سبحان الله والحمد لله ........
مش معقول يا جماعة دة انا لسة خاطب يوم الثلاثاء.....

انا مش عارف بس ايه الللى حصل...الشركة فصلت ناس وانا كنت منهم..
يعنى انا داخل على مسؤلية وبيت ولاوى وعفش بيت وتوضيب شقة ومصاريف ....استغفر الله العظيم.....
يا جماعة لو حد قدامة شغل ليا يار يت يقولى انا رقم تليفونى 0115120140
0105185389
يا جماعة انا خريج نظم معلومات دفعة 2006...
وكنت شغال فى الشركة دى وهى شركة (اريكسون السعودية) .....
وكنت من فترة اصلا بدور على شغل فى شركة عربيات.....لانى بحب المجال دة وكنت عارف انهم هايمشونا فى اى وقت.....
ويا جماعة انا معايا كمان دبلوم صناعى تخصص سيارات.....وبفهم كويس اوى فى المجال دة ......وممكن اشتغل فى السيلز او خدمة العملاء...فى اى شركة عريبات.....وياريت لو فى العبور كمان يبقى ربنا كرمنى قوى لانى هاروح هناك قريب............
انا عارف انكم حاسين بيا لان ناس كتييييييييييير مرت بالمواقف دى .....

وخير الناس انفعهم للناس...........

قدر الله وما شاء فعل ربنا يكرمك وان شاء الله تلاقى شغل افضل من اللى كنت فيه بسرعه

لا حول ولا قوة الا بالله انا لله و انا اليه راجعون ربنا يرزقنا و اياك ان شاء الله لا تقلق رزقك ان شاء الله موجود و مكتوب ربنا سبحانه و تعالى كريم جدا

علمت أن رزقى لا يأخذه غيرى فاطمأن قلبى
ماتقلقش إن شاء الله رزق محفوظ في مكان أحسن منه

بص يا باشا اولاً الحمد لله على كل حال قدر الله وماشاء فعل
تانى حاجه اتحاد الصناعات كان عامل إعلان فى جريدة الأخبار يوم السبت الى فات على برنامج تدريبى تابع ليه مع شركة منصور للسيارات لمدة سنه ونص وده طبعاً نظام مكافئه مش مرتب يعنى هيبقى مبلغ قليل وبعد فترة التدريب بيوظفو الناس الى اتدربت عندهم فى الشركه لو حابب تقدم فى الموضوع ده هما كاتبين انهم بيستقبلو الطلبات لحد يوم الأثنين القادم 10 ايام من تاريخ الإعلان بس بالبريد مش باليد يعنى تبعته بالبريد بس والورق الى طالبينه
1- شهادة دبلوم قسم سيارات
2- شهادة الجيش او الموقف من التجنيد
3- شهادة حسن سير وسلوك
4- عدد 4 صور شخصيه
5- صورة رخصة القياده
7- صورة البطاقه الشخصيه
8- شهادة خبره فى المجال إن وجد ( مش شرط اساسى )
وهتبعت الورق بالبريد على عنوان 1195 كورنيش النيل مبنى اتحاد الصناعات - الدور 4 - مجلس التدريب الصناعى قطاع الصناعات الهندسيه.
والله الموفق

طيب يا باشا متنزل تشوف التوكيلات اللى فى العبور عندك هناك نيسان وتويوتا وبرضة خدلك لفة فى جسر السويس عندك اسكودا ورينو ومودرن سيرفس ومركات كتير
انزل دور وربنا يكرمك

زيد من الإستغفار لعل الله يفرج كربك

ابعتلى ال cv
على MOHAMED.ELASHRY@CIBEG.COM

(وبشر الصابرين)

اسال الله ان يرزقك عمل افضل منة

خير ان شاء الله...
ربنا يكرمك فى شغل احسن...

ربنا هيكرمك ماتقلقشي رزقك عند الله مش عند حد في الارض
نفس الموقف ده حصلي بس ما كنتش خاطب كنت لسه مخلص اجازة العسل يعني اتفصلت من الشغل بعد الدخله بأسبوعين بس صدقني شفت بعيني حكمة ربنا في الارزاق

قدر الله ما شاء فعل
علمت أن رزقى لا يأخذه غيرى فاطمأن قلبى

الرواس قرب يفتح في العبور امام شركة المياه وعامل معرض ومركز علي مستوي ممكن تيجي تسأل فيه.

ربنا معاك وحيكرمك بالأحسن والأفضل قريبا بأذن الله.

ان شاء الله ربنا يكرمك بشغل افضل من اللي كنت فيه

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

و أعلم أن رزقك لا يأخذه غيرك

قدر الله وما شاء فعل
بس عايز اقول حاجة زي ما الاخ قال انة خريج نظم معلومات
يعني قواعد بيانات او شبكات

وحضرتك مقولتش التخصص بظبت

ربنا يوفقك إن شاء الله

بس ياريت حضرتك تقول تخصصك أيه بالظبط، وكنت بتشتغل أيه في اريكسون؟

اقتباس:

---

المشاركة الأصلية كتبت بواسطة emsadeck

ربنا يوفقك إن شاء الله

بس ياريت حضرتك تقول تخصصك أيه بالظبط، وكنت بتشتغل أيه في اريكسون؟

---

انا كنت شغال فى ايريكسون خدمة عملاء.....وكان مرتبى كويس والحياة زى الفل واجازة جمعة وسبت ......والدنيا لذيذة .....منهم لله ........

اقتباس:

---

المشاركة الأصلية كتبت بواسطة ابو الوليد المصرى

الرواس قرب يفتح في العبور امام شركة المياه وعامل معرض ومركز علي مستوي ممكن تيجي تسأل فيه.

---

يا ريت يا ابو وليد حتى هاتبقى جنب البيت لقنى انا خلاص هانقل فى المنطقة الترفيهية .....لو حد عرف حاجة يقول علشان اقدم فى الرواس.......انا كمان رايح العبور يوم السبت الصبح علشان اركب عداد الكهرباء......
يا رب استرها........

اقتباس:

---

المشاركة الأصلية كتبت بواسطة medo980

بص يا باشا اولاً الحمد لله على كل حال قدر الله وماشاء فعل
تانى حاجه اتحاد الصناعات كان عامل إعلان فى جريدة الأخبار يوم السبت الى فات على برنامج تدريبى تابع ليه مع شركة منصور للسيارات لمدة سنه ونص وده طبعاً نظام مكافئه مش مرتب يعنى هيبقى مبلغ قليل وبعد فترة التدريب بيوظفو الناس الى اتدربت عندهم فى الشركه لو حابب تقدم فى الموضوع ده هما كاتبين انهم بيستقبلو الطلبات لحد يوم الأثنين القادم 10 ايام من تاريخ الإعلان بس بالبريد مش باليد يعنى تبعته بالبريد بس والورق الى طالبينه
1- شهادة دبلوم قسم سيارات
2- شهادة الجيش او الموقف من التجنيد
3- شهادة حسن سير وسلوك
4- عدد 4 صور شخصيه
5- صورة رخصة القياده
7- صورة البطاقه الشخصيه
8- شهادة خبره فى المجال إن وجد ( مش شرط اساسى )
وهتبعت الورق بالبريد على عنوان 1195 كورنيش النيل مبنى اتحاد الصناعات - الدور 4 - مجلس التدريب الصناعى قطاع الصناعات الهندسيه.
والله الموفق

---

ربنا يكرمك يا باشا.......

انا فعلا قدمت وبعت لهم مرتين......مرة بشهادة البكالريوس ومرة بشهادة الدبلوم.....بس لسة ماحدش رد عليا....

معلش ياباشا معاك ان شاء الله
ماضاقت الا لما فرجت ان شاء الله

عادى جدا يا باشا
ممكن ربنا عمل كده عشان يرزقك بشغل وحاجه احسن
حتى ازا كانت اقل فى المرتب بس تكون شغل ثابت
كده احسن دلوقتى قبل متبقى فاتح بيت ومسؤليه واولاد وتلاقى نفسك قاعد فى الببيت

انا حصل معايا حاجه زى كده بعد الجواز بشهر واحد عادى الدنيا مبتقفش
ودوام الحل من المحال

يا جماعة مافيش جديد مافيش اخبار..........:b4_556:

قدر الله و ما شاء فعل و بإذنه تعالى يرزقك الرزق الحلال

(و فى السماء رزقكم وما توعدون) وما من مسلم اذا وقعت له مشكلة وقال (الهم اجرنى فى مصيبتي واخلف لى خيرا منها)الا عوضه الله خيرا منها.:ask::ask::ask:

ربنا يوفقك لحاجة احسن

ربنا هايكرمك ان شاء الله

رجاء مراعة كتابة لفظ الجلالة
مشرف الاجتماعى3

أنا بعتلك رسالة على الخاص، أرجو الرد وإن شاء الله ربنا يعمل اللي فيه الخير

الإعلان ده كان نازل في الأهرام امبارح، مش عارف وظيفة منسق مبيعات تناسبك ولا ايه، عموما شوف كده لو فيه حاجة مناسبة ابعت وجرب:

http://www.alhnuf.com/up/pics-gif/up...e5087ea7ed.jpgرفع صور سريع

ربنا هيوفقك ان شاء الله

و عسى ان تكرهوا شيئا و هو خيرا لكم

ممكن حضرتك تتابع الموضوع دا و ان شاء الله تلاقى حاجة تناسبك
http://www.nilemotors.net/Nile/90959-a.html

اقتباس:

---

المشاركة الأصلية كتبت بواسطة mragh

أنا بعتلك رسالة على الخاص، أرجو الرد وإن شاء الله ربنا يعمل اللي فيه الخير

---

انا بعت لحضرتك الc.vعلى الميل..............

يا جماعة الرواس بيفتح فى العبور ......حد يعرف اروح اقدم فين او يعرف حد هناك .....

وعسي ان تكره شياء وهو خير لكم وعسي ان تحبو شياء وهو شر لكم
لعله خير

ربنا يكرمك بوظيفة افضل يارب

اقتباس:

---

المشاركة الأصلية كتبت بواسطة i_Am_Legend

سبحان الله والحمد لله ........
مش معقول يا جماعة دة انا لسة خاطب يوم الثلاثاء.....

انا مش عارف بس ايه الللى حصل...الشركة فصلت ناس وانا كنت منهم..
يعنى انا داخل على مسؤلية وبيت ولاوى وعفش بيت وتوضيب شقة ومصاريف ....استغفر الله العظيم.....
يا جماعة لو حد قدامة شغل ليا يار يت يقولى انا رقم تليفونى 0115120140
0105185389
يا جماعة انا خريج نظم معلومات دفعة 2006...
وكنت شغال فى الشركة دى وهى شركة (اريكسون السعودية) .....
وكنت من فترة اصلا بدور على شغل فى شركة عربيات.....لانى بحب المجال دة وكنت عارف انهم هايمشونا فى اى وقت.....
ويا جماعة انا معايا كمان دبلوم صناعى تخصص سيارات.....وبفهم كويس اوى فى المجال دة ......وممكن اشتغل فى السيلز او خدمة العملاء...فى اى شركة عريبات.....وياريت لو فى العبور كمان يبقى ربنا كرمنى قوى لانى هاروح هناك قريب............
انا عارف انكم حاسين بيا لان ناس كتييييييييييير مرت بالمواقف دى .....

وخير الناس انفعهم للناس...........

---

ممكن حضرتك تبعتلى ال CV غلى الميل . pico_nabilhussein@yahoo.co.uk وربنا يوفق

يا جماعة انا ان شاء الله هاروح اقدم c.v فى (هوندا) التجمع الخامس

(وتويوتا) حد يعرف حد هناك او عايزين حد ولا لاء............
:11: