[justify]
السلام عليكم يا جماعه انا اسمى كريم مصصطفى ومعايا عربيه التو 2009 عامله دلوتى36000 ك م
والحمد لله عملت بيها كام حدسه صغيره كده واتعملت مع كذا حد من الصنعيه وعرفت شويه حاجات عن العربيه يشرفنى انى افيدكم بيها يا ريت لو حد احتاج حاجه يسالنى وان شاء الله ربنا يقدرنى وافيدكم.
نصيحه عامه اقراء الكتالوج كويس وخاصه الجزء الخاص بالفيوز واعرف مكان كل فيوز بيعمل ايه
والجهد بتاعه ايه واشترو كرت فيوز وخلوه معاكو علشان انا مره على الصحراوى فى الصيف فيوز مروحه التبريد فصل والعربيه سخنت اخر حاجه ونزلت الميه الخضرة على الارض وانا كنت هاتجنن ساعتها وفضلت اربع ساعات على الطريق لحد ما العربيه برده وداره ووصلت لكهربائى وجابلى فيوز بخمسين قرش .
نصيحه تا نيه ماحدش يعمل قفله لفيوز ويمشى بيه علشان ده ممكن لا قدر الله يحرق العربيه
معلومه : العربيه فيها علبيتان فيوز وحده قدام عند الموتور ديه الى فيها الحجات الاساسيه منها فيوز مروحه التبريد.
التانيه بتاعه نور الصلون والكاسيت وغيره وديه فى مكان رخم قوى فوق الدبرياج من جوه الطبلوه اقصى الشمال .
يا ريت تشترو زراديه تمساح علشان لو فيوز درب تعرفو تغيروه لانه صغير جدا وسحبه باديكم صعب قوى .
المفضلات