بجد موضوع هايل وتسلم ايدك يأكتو عليه.....
بجد موضوع هايل وتسلم ايدك يأكتو عليه.....
ايه الروعة دى
موضوع جميل جدا وشجعنى انى افكر فى تربية الاسماك بجد
ربنا يباركلك
انت سختنى على الحوض بس بجد انا زهقت من كتر السمك كان بيبقى عندى اكتر من 500 او 600 سمكة و بجد كنت ببقى عاوز اتخلص منهم انت عارف القواقع الصفراء دى كنت بجيبها و فرخت و فقست كنت برميهم من كترهم كانو بالمئات و الحوض كان بيتوسخ الانواع الولادة عندى كانت المةلى بأنواعة جميعا حتى الجين مولى ابو شراع عالى و طولة حوالى طول الصباع كدة كبير مش العادى و البلاك و السيلفر و الماربل و السورد تيل بانواعة ابو سيف واحد و البل سورد ودة كان مستورد مش مصرى و الجوبى الموجود حاليا مصرى مش المستورد كان بيبقى عندى منة بالمئات كنت بسيبة يولد فى الحوض علشان السمك ياكل و الجولدن مولى برضو ولد عندى بس هو حساس و مش بيولد كتير زى الماربل و السلفر و لسة دلوقت قعدت ادور لقيت عندى حاجات عجب من عدة حوض السمك لقيت موتور رينا بتاع زمان و علب اكل تترا شكلك حا تخلينى اجيب سمك تانى ههههههه:b4_388::b4_388::b4_388:
انا فعلا نفسي في حوض سمك بس انت خوفتني مكنتش فاكر الموضوع صعب كدة بحسبني هروح المحل وارجع بحوض سمك للاولاد
ونفسي اعرف متوسط التكلفه
معلش مكنتش قريت كل المشاركات عرفت السعر خلاص
ايه الحلاوة دي يا اكتو
دا الموضوع ده لاااازم يتثبت
انتا كده جبت الكلام من الاخر
برنس اكتوووووووووووووووووووووو وو
وفعلا السمك دة جميل خصوصا وانت مظبط الحوض والاضائة
للاسف شحت الحوض
انا لو هسافر في الويك اند اعمل ايه وميين هياكل السمك
موضوع رائع بجد وجميل جدا
الف شكر عليه
أنا كان عندي حوض من فترة 70 سم بس اللوح اللى تحت بتاعه إتشرع وسرب مية ومن ساعتها وأنا مكسل أغيره عشان عملية شيل السليكون ولصقه من جديد على اللوح الجديد مخلياني ماليش مزاج أعمله ... وللأسف كمان أنا من النوع اللى مابحبش أودي حاجة لحد يعملهالي طالما أقدر أملها أنا
باللا خلتوني والله نفسي أعمله تاني
جزاكم الله خيرا
شكرا يا شباب على كلامكم الجامد دة ....
لو على السفر فية اكل للسمك بيكون عبارة عن كتلة حجرية (قوالب) دة مخصص للسفر
مكتوب على كل قالب عدد السمك الى ياكل منة وعدد الايام الى بيقعدها
فية من 3 ايام لحد 10 ايام وانا جربتة وحطيت 3 قوالب 10 ايام وكنت مسافر 25 يوم ولما رجت لقيت السمك تمام
بس مش كويس انك تستخدمة على طول خلية فى السفر بس احسن
السلام عليكم ..عاوزه اسال حضرتك بما انك مربى لاسماك الزينة ..هل حوض السمك ممكن نخلى حد بتاع زجاج يعمله بمقاسات تتناسب مع المكان اللى هيتحط فيه فالبيت ولا لازم نشترى من الاحواض الجاهزةبس....ولو ممكن بتاع الزجاج يعمله اقوله سمك ومواصفات ونوع الزجاج ايه؟؟؟
شكراً جزيلاً موضوع جميل جداً :)
موضوع جميل وفيد للمبتدأ
ومن التعليقات الناس بتستعجل فعلا فى تشغيل الحوض.... مع ان فى الموضوع مكتوب 3 ايام لازاله الكلور... والصح طبعا لاكتمال الدوره البيلوجيه الصحيحه حوالى 15 يوم بنسيب الحوض شغال فلتر واضاءه بعدد ساعات معينه .. ونضع اكل سمك بسيط جدا كل يوم ..او لتسريع العمليه قطعه سمك صغيره..وبعد اكتمال الدوره البيلوجيه ... نبدأ بسمكتين على سبيل المثال جوبى لرخص ثمنهم وبعدها نجيب السمك اللى يعجبنا ولكن يجب توافر التوافق للاسماك............. انا عندى احواض من اكتر من 25 سنه....... وعشقى تربيه اسماك الزينه وبالذات الايام دى السمك الشرس............... امتع هوايه وكمان ديكور عالى فى البيت.... والاحواض المستورده الصينى تحف فنيه
إياك والغلطة دي
لحام احواض السمك ليها اصول معينة وانواع خاصة من السليكون لو الي بيعمل الحوض مش متخصص في الأحواض وليه خبرة سابقة فيها حاتقابلك مشكلة من 2
1- لحام السليكون حايفك والحوض يسرب مايه او يتفكك من بعضه تماماً
2- ممكن اي جانب من الجوانب تلاقيه اتكسر في اي لحظة لأن ماتحسبش ضغط المياه على الجوانب صح
انا والدتي كانت بتربي سمك من زمان جدا و بدأت بالفايتر لانه بيتنفس من الهواء و بعد كده وضبت حوض كبير و ربت الجوبي مرورا بالمولي و الجولد فيش و الانجيل و انواع اخري كثيرة ووصلت لاربع احواض و اجمل سمك ال lion head .كان رائع . تنظيف الحوض يحتاج الي مجهود و نقل السمك لحوض اخر او حتي طبق بلاستك كبير مؤقتا بنفس الماء اللي كان فيه السمك.اما الكلور فكانت بتشتري من محل الاسماك نفسه ما يسمي بمزيل الكلور بيكون سائل كانت بتحط كمية قليلة علي الحوض بس مش فاكرة الكمية تحديدا و بعد مدة قصيرة بيكون الحوض جاهز.
لكن مرة الكهرباء قطعت (من زمان علي فكرة و ليس هذه الايام) لمدة طوية و للاسف سمك كثير مات .
لازم اللي ناوي يربي سمك يعمل حساب مشكلة الكهرباء لان الoxygen بيفضل مدة في الحوض و بعدين بيخلص طبعا.
مشكله الكهرباء ممكن تتحل بموتور هواء يعمل بالبطاريه موجود كتير عند محلات السمك.......... وممكن لو الكهرباء قطعت كل ساعه او اتنين نشيل من الحوض بكوب كبير مياه ونرجعها تانى بكده هنحرك المياه وهتختلط بالاكسوجين
لكن موضوع مزيل الكلور بجد هو ملوش لازمه لكنه اكل عيش لبياعين السمك
الحل الافضل مياه مركونه من يومين لتلاته الكلور هيروح
تسلم إيدك
موضوع فوق الرائع
تسلم ايدك ياباشا موضوع رائع جدا
ان شاء الله بعد ما قرأته قررت اعمل حوض سمك
بس مش عارف ابتدي ازاي ومنين
ان شاء الله جبت الترابيزة وحددت ابعاد الحوض اللي تناسبني هيكون 100سم*40سم والارتفاع مش عارف يبقي كام نقول60مثلا ولا اية
وبعد ما اجيبه هبدأ اظبطه ان شاء الله بس المهم ابدأ
وكنت عايز نصايحكم يا جماعه ابتدي ازاي ومنين انا معدوم الخبرة في المجال ده
لو الميزانيه تسمح انصحك بالحوض الصينى شكله رائع جدا منه بترابيزه وبدون......جاهز بالاضاءه الجرولوكس الصحيه للسمك وجاهز بفلتر سطحى بيلوجى....... وجاهز بغطاء واصلا بدون لحامات اماميه ومنه اشكال جميله واسعاره ال 100 بدون ترابيزه ممكن يوصل ل1000 تقريبا
لان عندى المتر بترابيزه عامل 2000 تقريبا دلوقتى
شكرا لصاحب الموضوع كلام جميل ومفيد جدا وجای فی وقته
وانا كنت بافكر اعمل حوض بس المشكلة انی ساعات باقعد بره البيت يوم واتنين وساعات تلاتة فهل ينفع احطله اكل يكفيه فترة غيابی ولا اللی هاحطه ملوش لازمة وهيموت؟ وكمان الناس اللی اعرفها عندهم بيقولوا ان كل شوية سمكة بتموت فهل ده علشان هما مهملين فی نضافته ولا إيه؟
فيه حاجه اسمها اكاله اوتوماتيك بتباع عند محلات الاسماك ممكن تستخدمها
وطبعا المهم اولا حضرتك تكون على يقين ان الاسماك روح ويجب الحفاظ عليها بقدراستطاعتك
من ناحيه الاسماك اللى بتموت اغلب المبتدأين بيشتروا الحوض جديد وبيستعجل نزول السمك ودى اكبر مشكله مع انها بتنجح مع ناس كتير لكن بيحصل خسائر مع الوقت
المهم اكمال الدوره البيلوحيه للماء....... اختيار الاسماك القويه المتمتعه بالصحه وليست المريضه
المواظبه على تغيير ربع ماء الحوض على فترات معينه حسب نوع الاسماك وطريقه التغذيه
سأكمل الردود بعد اذن صاحب الموضوع لعدم تواجده
ولخبرتى المتواضعه 25 سنه فى تربيه اسماك الزينه................
وتحت امركم فى اى استفسار... على قدر علمى فقط
جزاك الله خيرا
طيب الاكالة الاوتوماتيك دی جهاز يعنی بحط فيه الاكل ولا ايه ممكن توضح؟وانا سمعت ان فی اكل ممكن يكفی فترة طويلة ايه صحة الكلام ده؟ولو حوض 80*50*40 ممكن ياخد كام سمكة حجمها متوسط اقصد ان فيه حد معين علشان ميبقاش زحمة ولا هی عملية تقديرية ؟ومتوسط سعر اكل السمك كام ؟وايه هی الحاجات اللی هتحتاج عناية بصفة دورية زی تغيير ربع الماء كل 3 شهور؟
انا عارف الاسئلة كتير بس انا مبتدأ بقی
الاكاله جاهزه والاكل جاهز... وطبعا ممكن اكل ب 10 جنيه يكفيك 3 شهور واكتر كمان
مقاسات الحوض دى يعنى حوضك هيكون 160 لتر... طبعا موضوع السمك ده مينفعش فيه زحام ومينفعش احدد لك كم سمكه لاختلاف الاحجام يعنى لو هتربى جوبى ومولى او تايجر كل دى اسماك صغيره الحجم.... لكن لو هتربى فانتيل حجم متوسط كبيرك 6 سمكات علشان الجولد فش بياكل كتير وبيخرج كتير فبيرفع نسبه الامونيا فى الحوض بسرعه رهيبه... هتحدد هتجيب سمك ايه واحجامه ايه ونسبه التوافق فى تربيه اكثر من نوع مع بعض
وتغيير ربع ماء الحوض مش كل 3 شهور لااااااااااااااااااا
مع الجولد فيش او الفانتيل كل 3 ايام او 4 بالكتير............ لو سمك ولود صغير مثل ممكن كل اسبوع او اتنين
ومفيش حاجه محتاجه عنايه دوريه ولا حاجه غير انتظام الاكل وتقليله ومراقبه السمك لو مرض وتغيير ربع الماء
بعد اذن استاذ طارق دي شكل الاكالة الأتوماتيكية او auto feeder
http://www.cargpsdvd.com/images/prod...ges/32_0_3.jpg
وممكن تظبطها بوقت معين تنزل الاكل فيه جوه الحوض
فى محلات اسماك الزينه وممكن تسئلهم عن اكل الاجازه دا بيقعد بالاسبوع بس انا لاافضله
الاكاله مميزه وممكن بردوا تجيب موتور هواء ببطاريه تحسبا لانقطاع التيار
وللعلم ممكن السمك يفضل بدون اكل ليومين تلاته عادى جدا بس مش على طول......... اصلا انا بعمل لاسماكى الاوسكار يوم بدون اكل كل اسبوع لانى باكلهم حى ومجفف فلازم يوم صيام اسبوعى للحفاظ على صحه السمك
جزاك الله خيرا على الرد ....لكن المشكله انه حسب كلام الاعضاء هنا فالموضوع ان سمك الاحواض الجاهزة اقصاه 4م وخايفه كده يكون ضعيف
انا حددت مقاسات الحوض اللى انا عاويزه اعمله ان شاء الله 80 *50 والارتفاع 40
وهاخلى كل الاسماك جولد وممكن معاها انجل ومعاهم الكات فيش للتنضيف
الاسئلة بقى
حجم الحوض كده هيكون كبير على سمك 4 وممكن ضغط الماء يكون عالى عليه صح؟
ايه نوع وسعر الفلتر الكويس اللى يناسب الجولد فيش ؟
هل لازم السخان ولا عادى وهل بيفرق بين الشتاء والصيف؟
اكبر مشكله عندى الحوض فهل لو هاجيبه جاهز على الحجم ده هل ممكن الاقى زجاج 6م؟ولو مالقيتش وعملته عموله ازاى اتاكد من ان الصانع محترف وعارف السيليكون بتاع الاحواض...هل السيليكون ده معروف بالاسم؟
معلش على الاسئلة الكتيره
وفيه مشكلة تانيه...المنطقىة اللى انا فيها بتوصلها مياه الشرب يمكن مرة فالشهر بس بالصدفه فبنعتمد على المياه الجوفيه ودى فيها نسبة من الاملاح طبعا ..لكن مياه الشرب بنخزنها ...واللى فهمته ان الحوض هيستهلك مياه كتير بسبب انى هاغير ربعه كل اسبوع او اكتر. هل المياه الجوفيه دى تنفع ولا نعمل ايه؟
لا ابدا الاحواض الجاهزه مش زجاج 4 مم وعندى حوض صغير جاهز وعندى حوض كبير جاهز..... وافضل بكتير جدا جدا من العموله.......... لكن لو هيتعمل عند بتاع زجاج اطلبى منه يعمله 6 مم او اكثر حسب الطلب.. وحجم الحوض مناسب ولا قلق من ضغط المياه القلق الوحيد هو وضع الحوض نفسه على ترابيزه غير مستويه وده يكسر اى حوض فالافضل وضع فلين اسفل الحوض ...................
طبعا الانجل لا ينسجم مع الجولد فيش ووجوده غير مستحب اطلاقا مع الجولد يزيد على ذلك ان الانجل وهو من فصيله السيكلد الامريكى انه يحتاج درجه حراره مختلفه عن الجولد......... ممكن الكات فيش وبليكو ستوماس مع الجولد.. وممكن كوى....
والفلتر....... طبعا مع الاحواض الجاهزه بتيجى بفلتر واضاءه لكن مع العموله يفضل شراء فلتر باور هيد حسب سعه الحوض
السخان مع تربيه الجولد مش محتاجينه............... لكن مع اى نوع آخر بنحتاجه فى الشتاء فقط
من ناحيه السيلكون لو ردىء سيظهر فى اول اختبار للحوض وسيحدث تسريب
لو القصد مياه زى مياه الطلمبات الحبشيه ............ انا بربى اسماكى وبستخدم نفس المياه وبدون كلور طبعا وبدون ركن............ ومربى بيها اوسكار وباروت واسماك مسالمه طبعا دى فى حوض منفصل
واستهلاك المياه هيكون بالاكثر مع الجولد لان الجولد بياكل كتير جدا وفضلاته اكتر...........
دى اشكال الاحواض الصينى المستورده وانا افضلها
تقريبا ده حوضى
https://encrypted-tbn3.gstatic.com/i...0DPWoxMgjVoSQJ
واشكال تانيه جميله جدا وديكور رائع
http://www.alkherat.com/vb/imgcache-new/7646.imgcache
احواض صغير لاستغال المساحه الصغيره
http://aquarium-s.ru/products_pictures/fa400.jpg
واشكال تانيه كتير وافضل من العموله بتيجى بالغطاء والاضاءه والفلتر ومنها بترابيزه ومنها بدون
ماشاء الله يا جماعه انتوا شجعتوني وعملت حوضي الجديد
عملت الحوض وسبت الميه فيه يومين وبدأت احط معلقة اكل في تالت يوم وسبتة شغال4ايام وبعدين جبت 3سمكات جولدن ونزلتهم الحوض وبقالهم3ايام الان
المفروض لمدة21يوم هغير 1/4 المية يوم ويوم علشان الدورة البيولوجية والنهارده جه معاد تغيير ربع المية كما نصحوني
من يوم السبت كنت مجهز 15 لتر ومخزنهم في قزايز وعاينهم جبت شفاط تغيير الميه وبدات المشية علي الجرش من تحت لحد ما فضيت من الحوض شوية وابتديت احط المية الجديدة بشويش وكلة تمام الحمد لله
ملاحظاتي ان بعد تغيير المية السمك بقي انشط تقريبا بقي بيعمل حركات جميلة جدا مخليني قاعد قدامه استمتع بيه حاجه جميلة والله
المية اتعكرت تقريبا شوية عن قبل تغيير المية
هل الإضائة اشغلهالهم ليل نهار ولا اوقات ما اكون قاعد بس؟؟؟؟
الأكل اللي البياع مديهولي ده حلو ليهم ولا اية؟؟؟
http://imageshack.com/a/img538/4766/tzp1RK.jpg
هل اأكلهم مرة واحده في اليوم ولا مرتين؟؟
اسيبهم ال21يوم اجرب فيهم ولا أبدأ اجيبلهم سمك تاني؟؟
بالنسبة للألوان هل السمك ده مفيهوش غير اللون ده فقط ولا ليه الوان تانية؟؟
فيديو لأخر ما توصلت اليه اليوم بعد تغيير المياة
https://youtu.be/bacQ7zyKfRc
هل تعكر المياة بدرجة بسيطة ده حاجه كويسة ولا وحشة وازاي اقدر اتغلب عليها؟؟
منتظر نصائحكم واقتراحاتكم وشكرا لكم علي المساعده
ماشاء الله حوضك جميل ومبروك عليك البحر الصغير فى بيتك
ومتعه مراقبه السمك وقمه الهدوء
رأيت الفيديو ولم استطع فتح الصوره ولى بعض الملاحظات الصغيره
اولا الجرش شيله فى اقرب فرصه وبدله بزلط صغير (انا افضله) او كسر جرانيت لانهم لايتفاعلوا مع الماء
ثانيا الاضاءه الموجوده داخل الحوض تفسد الطبيعيه وتزعج السمك ارفعها عند الغطاء او شيلها من الحوض
ثالثا ارفع مستوى المياه قليلا
من ناحيه الاسماك منها الوان كتير الاسود والنحاسى والابيض والبرتقالى والشبنكين... لكن يكفيك
سمكه او ثلاث اسماك حجم اصغر مع كات فيش وسمكه بلاك استوماس
من ناحيه الاكل مره واحده فى اليوم فقط والاضاءه 8 ساعات يوميا تقريبا
عكاره الماء هتتظبط واكد على ان الفلتر محكم وسحبه للماء جيد
متشكرة جدا استاذ طارق على الرد والافادة
عموما اللى فهمته كده ان مياه الطلمبات دى اوكى اجربها توفيرا لمياه الشرب عندنا
وهنخلى الحوض كله جولد مع كات فيش وانواع من اللى حضرتك قلتها ومفيش انجل
وممكن اشترى الحوض جاهز عادى من غير قلق..وهنجهزه بفلتر قوى وجهاز الاوكسجين ..ولا هنحتاج اكتر من جهاز؟والسخان هنحتاجه فالشتاء بس...وهاجيب جهاز اكسجين بالبطاريه احتياطى لان اكيييييد هيكون فيه انقطاع كهرباء يومى لاننا دخلين عالصيف ...الحصى يكون كسر جرانيت ابيض مثلا وكده خلاص...ولا انا نسيت حاجه؟
لكن الاحواض الصينى برغم انها تحفه لكن غاليه قوى عليا ..بتكون فيه احواض تانيه عاديه صح؟واكيد ارخص
العفو لاشكر على واجب
المياه شغال بيها من سنين مفيش قلق ان شاء الله
تجهيزات الحوض فلتر باور هيد..... موتور هواء.. لو حابه تشغلى سكريه لكن ملوش اى لازمه مع وجود الباور هيد......... لكن ممكن موتور هواء ببطاريه فى حالات الانقطاع الطويله... يعنى ساعه ولا اتنين مش قاتله للاسماك
السخان ... لو هتربى جولد فقط مش محتاجينه لان الجولد سمك مياه بارده
لكن اى نوع تانى .. لازم سخان ولكن فى دخول الشتاء ...الايام دى رفعنا السخانات خلاص
فرش الارضيه ممكن كسر جرانيت ..... لكن ممكن زلط حجم صغير ده طبيعى جدا وانا بعد تجربه جميع فرشات الارضيه وبكل الوانها استقريت على الزلط الصغير واظن متواجد فى كل حته حتى مرمى فى الشوارع ويغسل جيدا..
من ناحيه الاحواض العموله............. ممكن اى حد بتاع زجاج... يطلب منه عمل حوض بمقاساتك المطلوبه.......
وتحت امرك فى اى استفسار
طيب انا ان شاء الله انزل اخد جولة ميدنيه بقى عالمحلات واشوف المعلومات اللى جمعتها دى كلها على الطبيعه
لما ان شاء الله اجيب الحوض وانضفه كويس بدون صابون بالماء بس و هاغسل الفرش كويس واحطه وان شاء الله اجيب الزلط الصغير ...واملاه مياه واشغل الاجهزة واضع فيه قطعة سمكة مثلا او اكتر واسيبه كده فترة قد ايه قبل ما اجيب سمك؟
وهل خلال فترة الاعداد دى هيتم تغيير ربع الماء برضه ولا التغيير ده بس لما نجيب السمك؟
شرح مبسك للدوره البيلوجيه منقول من وليس من كتابتى يفيدك فى الموضوع مبدأيا
غلطة كبيرة يقع فيها الهاوي المبتدأ عند شراء حوض جديد وترك الحوض وبه الماء والفلاتر والأكسجين مع وضع حبيبات إزالة الكلور لمدة 48 ساعة ومن ثم وضع السمك الجديد
وبعد ذلك بفترة نلاحظ موت الأسماك واحدة تلو الأخرى مع ظهور حبيبات بيضاء عليها وغيرها من الأعراض المرضية .
.................
أخي الكريم لا تستعجل في وضع الأسماك فهذا يعرضها للخطر لعدم اكتمال الدورة البيولوجية وعدم جاهزية البيئة المناسبة لها وبالتالي تفقد أسماكك كلها لا سمح الله .
.................
ولذلك أحببت أن أفيد الجميع بشرح بسيط جداً جداً وبدون مصطلحات علمية ليسهل على المبتدئين فهمها وتطبيقها بدون أي تعب أو تعقيدات .
بسم الله نبدأ
................
الدورة البيولوجية (النيتروجينية)
تعريفها :
هي تحول الأمونيا إلى نتريت ومن ثم إلى نترات , وكل تحول مسؤول عنه نوع معين من البكتيريا وفترة التحول وإكتمال الدورة البيولوجية تأخذ بين الثلاث أسابيع و الشهر.
.................
الهدف من تطبيقها :
محاولة محاكاة البيئة الطبيعية والمناسبة للأسماك من توافر البكتيريا المفيدة وضبط كيمياء الماء عموماً , ومحاربة الأمراض التي من الممكن أن تصيب الأسماك لعدم تأقلمها مع الحوض الصناعي .
..................
خطوات العمل :
3 خطوات مختلفة
الخطوة الأولى : ضع الماء من الصنبور (الحنفية) برفق في الحوض بدون مزيل كلور ولا ملح طعام ولا أي شئ سوى الماء بعد وضع الاضاءة والديكورات والجرش والفلاتر والأكسجين كأنك ستستقبل الأسماك واتركهم شغالين لمدة 3 أيام (ما عدا الاضاءة شغلها واطفيها براحتك) وهي فترة تطاير الكلور طبيعياً وبدون أي كيمياء تضر الأسماك .
ملاحظة : من المتوقع ظهورة تعكير في الماء في اليوم الثاني , فلا تقلق سيختفي تدريجيا في خلال يومين بإذن الله تعالى .
.................خطوة الثانية : قم بوضع مقدار ملعقة طعام صغيرة من أي نوع طعام أسماك مجفف واتركها لكي تتحل وتساهم في إنتاج البكتيريا لمدة 4 - 5 أيام مع التأكد من عدم انقطاع الأكسجين عن الماء ودرجة حرارة الماء لا تقل عن 20 ولا تزيد عن 30 درجة مئوية لكي لا تموت البكتيريا .
.................
الخطوة الثالثة : قم بشراء سمكتين بليكوستوماس أو بلاك ستوماس (الزبال) واتركهما لمدة 3 أسابيع مع مراعاة تغيير ربع ماء الحوض كل 3 أيام بماء جديد يكون مركون لمدة 3 أيام (لكي يتطاير الكلور)
ملاحظة : يفضل أن تكون البليكوستوماس من الحجم الصغير وابتعد عن الحجم الكبير لكي لا يقوم بإيذاء الأسماك الجديدة التي ستحضرها بعد إكتمال الدورة البيولوجية .
.................
ملخص للخطوات الثلاث :
1) قم بملئ الحوض بالماء وتجهيز الأدوات كاملة وتشغيلها لمدة 3 أيام .
2) بعد إنتهاء مدة الخطوة الأولى قم بوضع مقدار ملعقة طعام صغيرة من أي نوع طعام أسماك مجفف واتركه لمدة 4 أيام .
3) بعد إنتهاء مدة الخطوة الثانية قم بوضع سمكتين زبال واتركهما لمدة 3 أسابيع .
................
الأن وبعد إنتهاء جميع الخطوات الثلاث ( بعد حوالي شهر ) أصبح الحوض جاهز لإستقبال السمك الجديد وبإذن الله البيئة مناسبة جداً وصحية لها .
.................
عزيزي الهاوي أعرف انك لا تستطيع الإنتظار هذه المدة الطويلة وتريد أن تستمع بمنظر الأسماك في الحوض ولا تستطيع أن تصبر .... ولكن لكي تستمتع بهذه الهواية الجميلة وتستمتع بمنظر الأسماك وتكون بصحة جيدة وتعيش لفترة طويلة بإذن الله يجب أن تصبر وتهيأ لها البيئة المناسبة وتقدم لها العناية اللازمة فيما بعد لكي تحافظ عليها لأطول مدة ممكنة .
:verygood::verygood::verygood: علم وينفذ
جزاك الله كل خير استاذطارق
السمك هيدعيلك ان شاء الله
ربنا يدينا طولة العمر ونشوفه بقى
هاحاول بمشيئة الرحمن اجيب الحوض والمعدات كلها وابدا عملية تخليق البيئة دى والله المستعان
ومتشكرة جدا جدا جدا للافادة ..انا فعلا والله مش بحب اعمل حاجه من غير دراسة وبحث الاول
فمتشكرة جداااااااا