الف مبروك مقدما وتستلم على خير ان شاء الله
1-في موضوع قريت ان الشنطه بتتفتح من الريموت , الكلام ده موجود في الموديلات الجديده ولا لا ؟؟
موجود
2-مفتاح العربيه مشفر ولا لا ؟؟؟
مش مشفر
3-صوت الكاسيت ايه اخباره؟؟؟
كويس
3-عزل الصوت داخل العربيه كويس ولا ؟؟؟
كويس
4-قريت ان ناس اشتكت ان النور بيضعف مثلا لما نشغل سخان الحراره , هل دي شكوي عامه ولا فرديه ؟؟
اول مره اسمع الحكايه دى بس الموضوع مش عندى
5-اخيرا ايه الحاجات الي اشيك عليها و انا بستلم ؟؟
تبص على العربيه كويس من برا وجوا عشان لو فى تجريحات او خبطات
تجرب كل حاجه الكاسيت والازاز الكهربا والمرايات والمساحات والكلاكس
تأكد من وجود الولاعه وطاسات العربيه والاستبن والعده ( مفتاح عجل وكوريك ومفك )
هاتستلم مفتاحين واحد بريموت والتانى عادى
6-طريقة التلين و نصائح ما بعد الاستلام؟؟
الكتالوج والضمان هاتستلمهم من فرع منصور بعد ما ترخص , هاتروح بصوره الرخصه تستلمهم
التليين بيكون لمدة الف كيلو تقريبا
ماتحرقش خالص على الغيارات او تعمل كيك داون او تفرك ولا تشد ولا الكلام دا خالص طبعا
ماتخليش ال Rpm يعدى 3 ويفضل ماتعديش سرعة 100 او 120 بالكتير
ماتمشيش بسرعه ثابته لفتره طويله
ماتدورش العربيه على طول لف المفتاح على تانى تكه فى الكونتاكت واستنى 5 ثوانى وبعد كدا دور
تسخن العربيه قبل ماتمشى
ماتفرملش جامد او تقفش فرامل مره واحده
شغل التكييف عادى لو عايز
ظبط ضغط الهوا بتاع الكاوتش على 30 عشان بيبقى منفوخ جامد جدا
انا عارف ان الاسئله كتير اوي بس معلش اصلي معنديش خبره ف قلت اسأل اهل الخبره
تحت امرك فى وقت
المفضلات