اسئلة عن الجيتار ؟!

**semsem_uno** · 27-03-2010 01:22 AM

المشاركة الأصلية كتبت بواسطة kirolloskamal

بص يا باشا اولا التاب اللي انت جايبه ده صعب جدا علي حد مبتدء لانه بيحتوي علي بار كورد و نظام في العزف اسمو اربيجيو و هو انك بتدرب علي اكتر من وتر في فريتات (خانات ) مختلفه و لكن عموما طريقة قرأة التابس بتبقي بأنك بتشوف الوتر اللي مكتوب عليه اول رقم و بتضربوا و الرقم ده بيشير للفريت (الخانه)اللي المفروض تدوس عليها في الوتر ده و لو الرقم zero يبقي بتضرب الوتر فاضي و بعد كده تشوف تاني تون و هكذا
ياريت اكون عرفت اوضح لحضرتك هو الموضوع بيبقي صعب يتشرح بالكلام لازم تشوف بعينيك و تسمع بودنك و تحاول مع نفسك كتييييييرررر و انت و شاطرتك لأن الموسيقي عامة عالم تاني بتفضل طول حياتك بتتعلم و تعرف حاجات جديده
و لو في اي حاجه اسألني و انا تحت امرك

للأسف معرفس في الألكترك لأني بعزف كلاسيك و فولك )acoustic(

في اماكن كتير بتعلم جيتار دلوقتي ممككن تروح تسأل في ساقية الصاوي في الزمالك بيدوا هناك كورسات بس لازم تحجز من قبلها بشوية و في كمان محل في اول شارع الهرم اسمه الاستاذ فيه بردو تعليم جيتار و في اماكن تاني كتير اوووي
قولي انت ساكن فين و انا هحاول اشوفلك مكان يكون قريب منك

الله يكرمك يا باشا
انا ساكن في مدينة نصر (تحديدا عمارات عثمان)

يرجى تحري الدقة في كتابة لفظ الجلالة

مشرف الإجتماعي 2

**kirolloskamal** · 27-03-2010 08:23 PM

المشاركة الأصلية كتبت بواسطة kareem_a

متشكر جدا يا باشا

طب ايه افضل جيتار اكوستيك للمبتدئين ؟

بص هو في اكتر من نوع لو عايز حاجة كده اكوستك و سعرها يكون حنين تتعلم فيها برحتك هتلاقي حجات
1- خشب : في عندك سوزوكي ده كويس بس الاكوستك الخشب بيبقي ضخم اوي و رخم في العزف عليه من ضخامته بس لازم حد ينزل معاك بيفهم و انت بتشتري علشان ميكنش فيه اي عيوب علشان في جيتارات بتبقي فيها بعض الفريتات بتزن شوية و لعلمك كلو صيني الا بقي لو هتجيب حاجة معاديه ال 700 جنية
2- اكوستك ضهر فيبر : زي اللي معايا و عايز ابيعوا و ده بردوا كويس لانو بيكون شبه الالكتريك في الرفع بتاعو فبيبقي سهل انك تمسكوا او تعلقوا علي كتفك و تعزف و انت واقف و صوتوا بيبقي بيرن اكتر و اعلي من الجيتار الخشب و ده بردوا هتلاقي المعقول منوا بيبتدي من 600 و اللي اقل من كده بيبقي تعبان
3- لو عايز بقي ماركات ممكن تشوف ياماها بس هتلاقي الاكوستك فيه غالي

المشاركة الأصلية كتبت بواسطة semsem_uno

الله يكرمك يا باشا
انا ساكن في مدينة نصر (تحديدا عمارات عثمان)

[/color]

ماشي يا باشا هسألك علي مكان يكون قريب منك

**Kareem_A** · 28-03-2010 12:51 AM

المشاركة الأصلية كتبت بواسطة kirolloskamal

بص هو في اكتر من نوع لو عايز حاجة كده اكوستك و سعرها يكون حنين تتعلم فيها برحتك هتلاقي حجات
1- خشب : في عندك سوزوكي ده كويس بس الاكوستك الخشب بيبقي ضخم اوي و رخم في العزف عليه من ضخامته بس لازم حد ينزل معاك بيفهم و انت بتشتري علشان ميكنش فيه اي عيوب علشان في جيتارات بتبقي فيها بعض الفريتات بتزن شوية و لعلمك كلو صيني الا بقي لو هتجيب حاجة معاديه ال 700 جنية
2- اكوستك ضهر فيبر : زي اللي معايا و عايز ابيعوا و ده بردوا كويس لانو بيكون شبه الالكتريك في الرفع بتاعو فبيبقي سهل انك تمسكوا او تعلقوا علي كتفك و تعزف و انت واقف و صوتوا بيبقي بيرن اكتر و اعلي من الجيتار الخشب و ده بردوا هتلاقي المعقول منوا بيبتدي من 600 و اللي اقل من كده بيبقي تعبان
3- لو عايز بقي ماركات ممكن تشوف ياماها بس هتلاقي الاكوستك فيه غالي

ماشي يا باشا هسألك علي مكان يكون قريب منك

متشكر جدا للمعلومات القيمة دي

طب ايه افضل مكان اجيب منه ؟