لمبة زيت الموتور لما تنور والواحد ماشي بالعربية معناه ايه ؟
هل معناه انك لازم تطفي العربية فورا وتركن على جنب زي ما بنسمع ؟
ولا معناه اشارة تحذير زي لمبة البنزين ولما تنور يعني تحذير بقرب نفاد الزيت وبالتالي الواحد يكمل لاقرب غيار زيت والمسافة دي بتبقى كام كيلو؟
اسأل هذا السؤال بعد ما سمعت حكاية من واحد صاحبي متعرفوش ان لمبة الزيت عنده نورت فمشي بالعربية لحد اقرب واحد بتاع غيار زيت وبيقول ان الصنايعي لما فك الطبة نزل شوية زيت ما تملاش علبة تونة صغيرة ومحصلش حاجة
وحصل معايا اني كنت حاطط زيت اسو للعربية بتاخد 3كيلو الصنايعي قالي تغيرو بعد 1000 كيلو ومسمعتش كلامو وفضلت ماشي 1500 ك ولما كشفت على مؤشر الزيت لقيتو صفر يدوب شوية نقط صغيرة على نهاية المؤشر تحت العلامتين ولما غيرت الزيت نزلت حوالي كيلو ونص زيت مع العلم ان العربية في الفترة دي كانت ولازالت في احسن احوالها ولم الاحظ اي شئ غير عادي
ولمبة الزيت ما نورتش ...
ممكن حد يفهمني الموضوع ده؟