للاسف الحرامي انواع فيه الجبان اللي لو شافك مش همك هيسيبك
وفيه اللي مستقطع اللي ممكن يموتك علشان الموبيل ... ومفيش حد يقدر ينسى حادثة الطالب بتاع الاكاديمية البحرية اللي دفع حياته تمن موبيل !!
فانت ايه اللي ضمنك الحرامي اللي هيقبلك هيكون من اي نوع .... لان معظم الناس دي مش بيكونوا في وعيهم يعني ممكن يموتك عادي جدا
انا اتسرق مني مرة 10 جنيه وانا في ثانوي بنفس الطريقة اللي حكاها الاستاذ Mostafa_Elhussain انه عمل انه يعرفني وازيك وانت مش فاكرني وفي لحظة كانت ال 10 جنيه طايرة من جيب القميص طبعا ده بعد ما طبطب على اساس انه صحبي بيفكرني بنفسه ههههههه
والمرة التانية موبيل n82 كنت في مكروباص والمكروباص عمل حادثة وانا كنت قاعد جنب الشباك فمن قوة الصدمة طار من الشباك نزلت من العربية ملقتهوش طبعا حد علقه اول ما وقع ... بس الحق يقال زعلت عليه جامد كنت لسه جيبه ب 2500 اول ما طلع تقريبا ومن ساعتها وانا قررت مش هشتري موبيلات غالية اخري النوكيا ابو 200 جنيه
ربنا يسترها وربنا يكملها على خير لان المواقف ده بتبقى مش سهلة