أنا معجب جداُ بكيا سول ولكن بعض الناس قالت لي إذا اشتريت هات تيريوس الجديدة.
هل ممكن أن تفيدوني في هذه المقارنة المحيرة من غير سعر إعادة البيع ما يكون هو عامل التفضيل؟
عرض للطباعة
أنا معجب جداُ بكيا سول ولكن بعض الناس قالت لي إذا اشتريت هات تيريوس الجديدة.
هل ممكن أن تفيدوني في هذه المقارنة المحيرة من غير سعر إعادة البيع ما يكون هو عامل التفضيل؟
أنا معجبة جدا بالكيا سول
متابع ومنظر اعرف ايه مميزات الكيا سول
خليك في التيريوس انا اسمع انها بقت ياباني 100 % السنه دي
و اهي يعني احسن من الكوري برضه
متابع بإهتمام
دى عربيه ودى عربيه
التيريوس :
اعلى عن الارض
-ماتور 1500
-منها دفع رباعى
السول :
منخفضه عن التريوس
شكلها رياضى وشبابى اكتر
دفع امامى
ماتور 1600
أنا بتعجبني السول أكتر
السوول شيك اكتر
التريوس عملية اكتر
السول
افضل من التيروس كثيرا
كلام سليم..... احب اضيف الاتى من خلال امتلاكى للتيريوس..... و اتمنى حد برضه يوضح خبرته مع السول عشان الصورة تكمل.....
مع التيريوس يوجد احساس بالقوة و الثقة فى السيارة نتيجة العفشة القوية و الارتفاع عن الارض و الرؤية البانورامية و كلها عوامل تجعلك تثق فى السيارة و تحس بالقدرة معها بشكل افضل بكتير من السيارات السيدان مثلا..... ده لينك لموضوع فيه تقييم للتيريوس ممكن يفيد
http://www.nilemotors.net/Nile/132040-a.html
التريوس بلا نقاش افضل
ما عدا في الشكل تتفوق الرائعة كيا سول
بس التيريوس الكاملة بدون دفع رباعي ب 135 الف ,, والسول اقل من كده ,, عموماً المسألة أذواق وربنا يوفقك
انا أفضل السول
الشكل الداخلى والخارجى مميز
موتور قوى
كماليات كويسه
توكيل محترم ضمان 5 سنين او 100 الف
5 نجوم فى اختبارات الامان
التريوس 4 نجوم
السول افضل بس عندى احساس ان السول تمشى حريمى اكتر
رأي السول شكلها احلي كثيرو اعتقد اداءها احسن علشان هورس باور اعلي و العربية اوطي يعني هتكون اكيد اثبت من التيريوس,
بس التيريوس منتشرة اكثر يعني قطع غيار و سعر اعادة بيع احسن.
مع الاحترام لكافة من أدلى برأيه أنا لا أنظر إلى مسألة الياباني والكوري وأعتقد أن هذه المسائل أكل عليها الدهر وشرب، لأننا لا نقارن شيري بتيريوس بل نقارن كيا وهي عملاق كوري بدايهاتسو اليابانية التي هي شركة أصغر بكثير من كيا. وهذا التفكير ينبغي أن نتخلى عنه بصراحة لأن في تقييم جريدة يو إس نيوز للسيارات الصغيرة تأتي إلانترا وسيراتو (فورت) ضمن السيارات الخمسة الأولى لا يسبقها إلا منتجات هوندا بينما تأتي سيارات يابانية كثيرة بعدها في التقييم، ولا وجود للتيريوس هناك أصلاً. وإنما تقارن السول بتويوتا سيون. والسول تأتي في المركز التاسع في فئة السيارات الصغيرة على قائمة الجريدة على أي حال متقدمة على سيون نفسها وإن كانت أعتقد أن السعر الأرخص مع القيمة الجيدة هما العاملان الرئيسان في ترجيح سول على سيون أو غيرها من السيارات الصندوقية الشكل.
ثانياً مقارنة القوة الحصانية مسألة نسبية وليست مطلقة، وهناك عوامل مكملة مثل وزن السيارة وتسارعها وعزمها.
وهناك عنصر مهم لنا نحن المصريين وهو الاعتمادية المترتبة على كفاءة المكونات ونحن نريد أن نسمع كلمة من ملاك تيريوس في هذا لأن سول لا تزال سيارة جديدة في العالم كله لا في مصر فقط.
ثالثاً من ناحية الاتساع فسول تتفوق بكل تأكيد.
رابعاً من ناحية المناورة ستتفوق التيريوس لأنها أقل عرضاً.
من ناحية الجزء الداخلي من السيارة.. أيهما يتفوق؟
من ناحية الشكل الخارجي.. أيهما يتفوق؟
من ناحية القيمة مقابل السعر.. أيهما يتفوق؟
من ناحية التعليق الجيد المفضي إلى الراحة.. أيهما يتفوق؟
من ناحية الأمان.. أيهما يتفوق؟
من ناحية الكماليات.. أيهما يتفوق؟
وحيث إن الوكيلين جيدان، فلا مجال لأن يكون هذا عاملاً مرجحاً.
هيا يا سادة أفيدونا أفادكم الله.
ممكن احط نقطه زياده للنقاش
الكيا سول شكلها بيفكرني ب الماتيرا
(انا لسه مشفتش السول علي الطبيعه)
بس الماتيرا بتصميمها الثوري في وجهه نظري من دايهاتسو جت غلطه شنيعه علي مستوي العالم
تحس انها عربيه for you only و مش لحد تاني
و للاسف مع امكاناتها و سعتها و رحابتها و جوده التقفيل
مقابلتش استحسان الناس و ده باين قوي مش بس بره مصر ده بيبان في الشارع كمان
و مع اني مشفتش السول علي الطبيعه الا ان شكلها المشابه للدايهاتسو ماتيرا ممكن يؤدي بها لنفس المصير لعدم استساغه الناس للشكل ده في العربيات الملاكي