السلام عليكم ورحمة الله وبركاته
ياجماعه محدش يعرف حد بيبيع عدادات السيارات اللى هى بتبقى مدوره زى دى كده علشان عاوز اركبها فى الشاهين واشيل العدادت الاصليه
http://www13.0zz0.com/2010/03/26/07/120190086.jpg
عرض للطباعة
السلام عليكم ورحمة الله وبركاته
ياجماعه محدش يعرف حد بيبيع عدادات السيارات اللى هى بتبقى مدوره زى دى كده علشان عاوز اركبها فى الشاهين واشيل العدادت الاصليه
http://www13.0zz0.com/2010/03/26/07/120190086.jpg
انا شوفتهم عند بتاع الاكسسوارات
بس انت كده هتعدل فى الطابلوه ولا هتغيره
متااااااابع
هتغير في الطابلوه ولا هتعمله قاعده ؟؟
هي دي عدادات عربية ايه بالظبط ؟
انزل الحرفين وشوف فية واحد يمشى مع العدادات بتاعتك ولا لا
انت جايب الصوردة دة منين
انا شايف انها مش هااتكون كويسة الا لو غيرت التابلوة كلو
بحاجة تمشي مع العربية
بص مبدئيا ً لو هاتجيب العدادات الصينى الى بتتباع فى محلات الكماليات اقتنع ان عمر ما هتلاقى القراية سليمة وهتلاقى نفسك كلفة نفسك على الفاضى
عن تجربة فى عربية واحد صحبى 132
شكرا ياجماعة على الردود
دى ياجماعه مش محتاجه انى اغير التابلوه كل اللى بعمله انى افصل وش فيبر مكان قطعة الكرتون وتتركب على كده فى اى عربيه
وياترى الشاهين هاتوصل 300 كم فى الساعة.........
انا عندى نفس عداد ال rpm دة وكنت جايبة ب150 تقريبا وكان 7 لون وشكلة شيك اوى بس عيبة انة فى الشمس مش باين زى بليل
بص ياباشمهندس محمد
بالنسبه لطقم العدادات ده انا شوفته
عند محل اكسسوارات فى شارع احمد ذكى
اللى بين المعادى ودار السلام
اسم المحل الزعيم وهو مشهور جدا هناك
لكن بصراحه انا ماسالتش عن سعره
وماخطرش على باللى وقتها انه ينفع للشاهين
وياريت لو جربت الموضوع ده تصورلنا النتيجه زى ماصورتلنا تعديل رف السماعات
وربنا يوفقك
هو أحنا ممكن نغير في العدادات ولا ايه ؟
انا اقصد عداد الrpm اللى على الشمال فقط هو اللى انا اشتريتة لوحدة بحوالى 150 جنية
وهو جميل جيدا فى الليل ومش باين فى الشمش مش عارف لية تقريبا عايز كاب على طرف العداد تقريبا بس الموضوع اللى انت عايز تعملة دة حيكون مكلف ممكن يعدى ال500 جنية
متابع ياريت توصل لحل باشا انت منين من عين شمس انا من منشيه التحرير
انا هقولك رائي ياباشا وياريت مش تزعل منه
اصل احنا كان عندنا شاهين
وبجد الشاهين عربية حلوة بتستحمل وكنت بجيب بيها 160 وشديت بيها مع حاجات كتير
وكفاية انها دفع خلفي
بس عارف هي العدادات دي شكلها حلو
بس علي الشاهين مش هتبقي حلوة خالص
مش هيبقي في توافق بين الشكل الخارجي والداخلي للعربية
ومن رائي دي حاجة مهمة ناس بتهملها في تعديل عربياتهم
وبرضه مش هتبقي لايقة مع التابلوه ولا صالون العربية ككل
وهتحس انك بوظت في العربية وشكلها بقي مش حلو
الحل الوحيد ان ممكن نفك وش العدادات نفسة و تلزق علية مثلا استيكر لون ابيض ده علشان عربيتى لونها ابيض و ترسم على الستيكر ده الارقام باللون الى انت عاوزة و ممكن يكون فسفورى بحيث انك لما تشيل الكفر الاخضر الى على اللمض و غير كمان ان النور بيكون ضعيف شوية اللون الفسفورى يبان معاك و يعمل شغل لو ياسرم لو حد عرف يعمل ليدات صغيرة بس كتير ورا العدادات و يفرغ الارقام هتكون فكرة كويسة بس انا مفكتش التابلوة قبل كده علشان كده خايف اجرب افكة و اجرب و افشل
يا حلاوه يا حلاوه! هوا الزعيم اسمه اتزكر على النت كمان! و الله انا فاكر اول ما فتحوا من كلم سنه! محل حلو و اسعاره مهاوده بس مش للتعديلات الديناميكيه زي فلاتر الهوا السبور و التيربو و النيتروز و الكلام ده! اخره عدادات و ستيكرات و فوانيس شبوره و مؤخرا جايب تشكيلة كاسيتات حلوه
متابعك يا باشمهندس .. عشان كل اللى حضرتك بتعمله ده أنا كمان عايز أعمله وحعمله إن شاء الله ..
وبالذات موضوع العدادات والتابلوه ده ..
أنا سمعت عن الـ 28 اللى بيتركبلها تابلوه كورسا عشان نفس الأبعاد .. بس الشاهين إيه اللى مناسب ليها ؟! ربنا يوفقك وتلاقي حاجة مناسبة .. ومتابع زي ما قلتلك :)