حد يقنعني أشتري الساجا

**amr1973** · 31-03-2010 08:40 PM

اولا شكرا على الرد اولا العربية 8.5 لتر لكل 100 كيلو على متوسط سرعه 110 و طبعا انت عارف ان السرعة لما بتعلى بيزيد الاستهلاك و كمان العربية اوتوماتيك مش مانيوال و ده بيفرق طبعا كمان الموتور بتاع الساجا 2 كامة مش واحد كامة زى اللوجان و ده اللى مخلية اعلى فى الباور هورس كمان الساجا اتقل من اللوجان بحوالى 100 كيلو و بحسبة بسيطة قوى لو العربية على متوسط سرعه 90 و الار بى ام فى حدود ال 3000 هايبقى المعدل حوالى من 6 الى 7 لتر لكل 100 كم و اعتقد معدل 250 الى 270 كيلو لكل 20 ليتر معدل كويس جدا جدا

اما بخصوص اللوجان اوروبى فدى فى النسخة الاولى الرومانى و اتفقنا ان قطع غيار النسخة الرومانى مختلفة تماما عن المغربى حتى فى الكماليات مواتير رفع الزجاج على الاقل اما بخصوص النسخة الرومانى افضل بكتير من المغربى بشهادة كل اللى معاهم الللوجان
و ده طبيعى امال التوكيل هايكسب ازاى و طبعا الموضوع كلة ازواق يعنى فى ناس كتير شكل اللوجان عاجبهم و ناس تانية شكل الساجا عاجبهم و انا من النوع التانى اللى شايف ان الساجا افضل من اللوجان و لكن فى النهاية توجد نقاط ضعف فى اللوجان اعتقد انها تتفق مع نقاط الضعف اللى فى الساجا مع فرق ان الساجا بالكامل من بلد منشاءها ام اللوجان فموتور تكنولوجى نوعا ما قديم بالاضافة الى التقفيل المغربى اللى على ما اعتقد انة مش عالى انما معقول

**zkralla** · 01-04-2010 03:46 AM

المشاركة الأصلية كتبت بواسطة amr1973

اولا شكرا على الرد اولا العربية 8.5 لتر لكل 100 كيلو على متوسط سرعه 110 و طبعا انت عارف ان السرعة لما بتعلى بيزيد الاستهلاك
الاستهلاك الامثل للوقود بيكون تقريبا عند 97 كيلو/ساعه وكل 10 كيلو بعد كده بيزيد الاستهلاك 10% معنى كده أن الاستهلاك عند 97 كيلو هو 7.5 لتر/100 كيلو فى حين أن اللوجان عند نفس السرعه ديه استلاكها 5.7 فى المتوسط وأنا شخصيا بعمل باللوجان معدل اقل من كده بقياده موفره فى البنزين رغم أن اللوجان 1600 وبالرغم من فارق الحداثه لماتور الساجا لكن فى النهايه استهلاك الاثنين للبنزين معقول
و كمان العربية اوتوماتيك مش مانيوال و ده بيفرق طبعا كمان الموتور بتاع الساجا 2 كامة مش واحد كامة زى اللوجان و ده اللى مخلية اعلى فى الباور هورس كمان الساجا اتقل من اللوجان بحوالى 100 كيلو
اللوجان وزنها اقل من الساجا 30 كيلو للمانيوال والوزن واحد بينها وبين الساجا الاوتوماتيك 1065 كيلو

و بحسبة بسيطة قوى لو العربية على متوسط سرعه 90 و الار بى ام فى حدود ال 3000 هايبقى المعدل حوالى من 6 الى 7 لتر لكل 100 كم و اعتقد معدل 250 الى 270 كيلو لكل 20 ليتر معدل كويس جدا جدا

اما بخصوص اللوجان اوروبى فدى فى النسخة الاولى الرومانى و اتفقنا ان قطع غيار النسخة الرومانى مختلفة تماما عن المغربى حتى فى الكماليات مواتير رفع الزجاج على الاقل
الاختلاف فى الشكل فقط ولا يتعدى 5% زى المرايا الجانبيه وفيه كمان اجزاء مشتركه بين لوجان وكليو زى تيل الفرامل مثلا وبينها وبين الميجان زى فلتر الزيت
اما بخصوص النسخة الرومانى افضل بكتير من المغربى بشهادة كل اللى معاهم الللوجان
اشك بس مش هقدر احصر اراء الناس كلها
و ده طبيعى امال التوكيل هايكسب ازاى
و طبعا الموضوع كلة ازواق يعنى فى ناس كتير شكل اللوجان عاجبهم و ناس تانية شكل الساجا عاجبهم و انا من النوع التانى اللى شايف ان الساجا افضل من اللوجان
و لكن فى النهاية توجد نقاط ضعف فى اللوجان اعتقد انها تتفق مع نقاط الضعف
أيه نقاط الضعف المشتركه ؟
اللى فى الساجا مع فرق ان الساجا بالكامل من بلد منشاءها ام اللوجان فموتور تكنولوجى نوعا ما قديم
صحيح الماتور ماتور ميجان 1 موديل 99
بالاضافة الى التقفيل المغربى اللى على ما اعتقد انة مش عالى انما معقول
صحيح

**amr1973** · 01-04-2010 01:05 PM

اخى العزيز النقاط الضعف اللى تعتبر موجوده فى الاتنين ان العربيتين من الفئة الاقتصادية يعنى لازم يكون فى رخص شوية فى الخامات مثلا مش نقدر نقارن الساجا بالبيرسونا لاختلاف الفئة كذلك اللوجان بالكيليو مثلا او الميجان و اعتقد ان نقاط الضعف مقبولة جدا و عادلة جدا فى العربيتين زى مثلا ان خامات التابلوة فى الاتنين مش عالية و طبعا عشان التكلفة

**aelhossan** · 01-04-2010 07:41 PM

شكرا للتوضيح
واكرر العربيتين حلوين
ولولا اختلاف الاذواق لبارت السلع
تحياتي ليك وللاستاذ ذكرالله

**zkralla** · 01-04-2010 10:40 PM

المشاركة الأصلية كتبت بواسطة amr1973

اخى العزيز النقاط الضعف اللى تعتبر موجوده فى الاتنين ان العربيتين من الفئة الاقتصادية يعنى لازم يكون فى رخص شوية فى الخامات مثلا مش نقدر نقارن الساجا بالبيرسونا لاختلاف الفئة كذلك اللوجان بالكيليو مثلا او الميجان و اعتقد ان نقاط الضعف مقبولة جدا و عادلة جدا فى العربيتين زى مثلا ان خامات التابلوة فى الاتنين مش عالية و طبعا عشان التكلفة

كلام تمام يا باشا وفعلا العربيتن كويسين جدا كقيمه مقابل نقود واعتقد - أن شاء الله أن الفتره الجايه هتكون ليهم وكأنهم الفيرنا واللانوس

المشاركة الأصلية كتبت بواسطة aelhossan

شكرا للتوضيح
واكرر العربيتين حلوين
ولولا اختلاف الاذواق لبارت السلع
تحياتي ليك وللاستاذ ذكرالله

ربنا يكرمك يا باشا وتحياتى لحضرتك

**mo7hamedemad** · 02-04-2010 12:08 AM

يا جماعة لازم ناخد ف الاعتبار ان اللوجان ماشية بقالها سنتين ع الارض انما الساجا بقالها شهرين بس!!!
وبالنسبة لاستهلاك الوقود بيبقى عالى بس فى اول 1000 كيلو وبعد كدة بيتظبط (ع لسان كل ملاك الساجا)
والعربيتين حلوين بس لازم تاخد بالك كمان ان الساجا مش معمولها اعلانات خاااااالص ومع ذلك ف ضغط عليها طب الناس عرفتها منين وهتشتريها ليييية!!!!!
واللوجان اعلانتها مغرقة الدنيا!!

**maxayma** · 02-04-2010 02:53 AM

انا ياجماعة عندى استفسار تانى هى حاجة كنت قريتها هنا على المنتدى من واحد مشترى الساجا بس مش فاكر كان ايه الوموضع علشان اهمل اقتباس كان بيقول ان الساجا الاوتو الفتيس بتاعها مش بينور مع نور التابلوه فهل الوضمع ده صح ولا دى كانت مشكلة فردية

**amr1973** · 02-04-2010 11:56 PM

بص اخى العزيز الفتيس فعلا مش بينور مع تدوير العربية زى الهيونداى الاكسنت مثلا لانى كنت امتلكها من قبل النسخة الخليجى و لكن فى التابلوة اول لما تدور هاتلاقى علامة الفتيس يعنى مثلا لو انت واقف على الدى هاتلاقى مكتوب حرف الدى و بالتالى انت مش محتاج نور عشان تبص على اية الغيار اللى وخداة العربية

**elkhouli** · 03-04-2010 01:11 AM

أستهلاك الساجا عالي للبنزين فعلا

**bassemali** · 22-04-2010 09:10 PM

أخويا أشترى الساجا من شهرين تقريبا أول مانزلت وبيقول عليها ممتازه وماحصلش عنده أي مشكله في علبة الدركسيون ولا بيشتكي من إستهلاك البنزين مع أن مشيه بيها كل يوم ع الدائري من المعادي لأكتوبر مكان شغله وعلى سرعه لا تقل عن ال100 كيلو ..... وأنا اللي نصحته بيها لأن أنا مش مقتنع باللوجان اللي جايه من المغرب وداخله من غير جمارك ونص كماليات ب 63000!!!!!!أمال الساجا اللي جايه أصلي من بلدها بجمارك وكماليات زياده وكامله ب 64000 دي جت إزاي .... واضح طبعا أن الموضوع في سرقه من توكيل رينو العربيه دي تمنها هنا في السعوديه والنسخه الروماني 32000ريال =46000 جنيه تقريبا !!!!!!!!! والكامله كمان.

الموضوع: حد يقنعني أشتري الساجا

LinkBack

أدوات الموضوع

عرض

-

-

-

-

-

المواضيع المتشابهه

تقرير عن الساجا بعد 45000 كملسلام عليكم أحب أن أوضح لكم أخبار الساجا بتاعتى بعد ما عد

اهم عيوب الساجا ......... من مالكى الساجا

أشتري ولا لأ

أشتري 318 الجديدة

أشتري أيه بالمبلغ ده

الكلمات الدلالية لهذا الموضوع

المفضلات

المفضلات

ضوابط المشاركة