-
مساعده عاجله فى طقم صوت
السلام عليكم و رحمه الله و بركاته
انا خلاص زهقت من طقم الصوت التعبان الى راكب فى العربيه و عايز اغير و محتاج المشوره
اولا الكاسيت الى فى العربيه Pioneer DEH 2950 وهوا شغال كويس ولا انوى تغيره فى الحقيقه
السماعات زفت بمعنى الكلمه نوعها Pioneer 50 watt وبتعمل اصوات غريبه و بتزن و تعلق و مشخننه (سورى فى اللفظ )
المطلوب ايه بقا
اولا سماعتين محترمين وياريت النوع و السعر عشان الميزانيه
ثانيا :انا عايز gm بس يكون حلو برضه ويقوم السماعتين تمام
ثالثا :مبدئيا انا عايز بازوكا تكون معقوله او كويسه مع السماعتين و الجى ام
ياريت الاقتراحات و السعر و هل الكاسيت هيقدر يقوم بالشغل ده ولا هحتاج اغيره انا الاول عايز اظبط السماعات و خلافه و فى انتظار تغير الكاسيت و هجيب ديفى دى بس ياريت النصيحه ضرورى جدا عشان انا مش عارف حاجه فى موضوع الصوت ده وهل ممكن مثلا لو نزلت بور سعيد الاقى الحاجات دى استيراد و تكون كويسه و سعرها حلو ولا فكنى من بور سعيد و هتضيعوا علينا اكله سمك حلوه
سلام و منتظر ردودكم
-
يا جماعه بجد مستنى ردكم انا مش فاهم ليه القسم ده فى نايل موتورز المساعده ضعيفه جدا فيه رغم انى من رواد اقسام تانيه لكن بجد مكنتش اتوقع كده فى الصوتيات عامه الف شكر انا هحط المشاركه دى فى قسم تانى و ان شاء الله الاقى المساعده
-
لو بصيت بس على اول صفحة فى القسم هتلاقى الرد موجود اكتر من مرة
-
ياباشا الف شكر على ردك وده مش غريب عليك لانى قريت مشاركات كتيره فى القسم و حضرتك اكثر الناس ردا و افاده بس حضرتك مش فاهمنى برضه اسمحلى اوضح الى عايزه و الى مش لاقيله اجابه
اولا انا عندى كاسيت بايونير 2950 فهل الكاسيت ده كويس ينفع معاه سمعتين ولا لا ؟؟
تانى حاجه انا عايز سماعتين حلوين معرفش انا فى الوات و الكلام ده عشان كده عايز ترشحلى نوع السماعه يعنى بايونير و لا كينوود وياترى كام وات
ثالث حاجه لو هجيب سماعتين كويسن او الوات بتاعها كبير بيتهيئلى من خلال قرائتى لمواضيع كتيره ان لازم لها gm الى هوا امبلفير كده صح ولا انا غلطان فعايز اعرف لو جبت سماعتين كويسين هجيب لهم امبلفير ايه و فى النهايه الاسعار الرنج يعنى عشان اعمل حسابى
حضرتك انا قريت مواضيع كتيره بس محتاج لبعض النقاط الى مش عارف اوصلها من خلال المواضيع دى
وفى النهايه الف شكر لسعه صدرك ومعلش انا مبفهمش حاجه فى الموضوع ده و مش بحب امشى ورا كلام اى حد من الصنايعيه و يشتغلنى و فى الاخر اصرف ومفيش نتيجه
-
مفيش اى كاسيت يقدر يشغل سماعة بيضاوى كويس
هيشغل ربع قوتها تقريبا
لازم امبلفاير علشان بقوم السماعة
بالنسبة للسماعات انا جايب كينوود 400 وات اندونيسى ممتازة
والبايونير ممتازة بردو
ولو هتجيب امبلفاير تجيب بايونير 330 وات او كينوود 350 وات
البايونير افضل
Content Relevant URLs by
vBSEO 3.6.0 PL2