مشكلة تانى ظهرت فى السيفيك 1991 بعد ماتحلت مشكلة غيارات الفتيس من حوالى اسبوع لاقيت العربية بتسخن على غير العادة قلت يمكن الراداتير عاوز يتسلك روحت سلكتة لكن وهو بيشغل ويحط مياة قلى العربية فيها جوان وش سلندر طبعا سبتة ورحت للميكانيكى ولما وصلت لاقيت بخار شديد وغليان طالع من الراداتير علشان الباشا مقفلش الرادتير كويس رجعتلة تانى وفكة وعملة كويس وبالمناسبة غطاء الرداتير كان فية حيتة جلد مقطوعة ولحسن الحظ كان معايا غطاء تانى بس لاقيت العربية اتظبطت نوعا ما من ناحية الحرارة لكن حسيت بلخبطة وبرجلة فى الماتور ورحت للميكانيكى تانى وقال لى ان العربية متلتة والبوجية رقم 3 مش شغال وقاطع حاول يغي بوجية مكانة لكنة مشتغلش بردة وانتهى التشخيس انة فى صباب منفس وطبعا لازم حل وش سلندر وتغيرطقم صباب وجلد صباب المهم قلتة ظبط العربية بس كدة علشان اعرف امشى بيها المهم هو قرط على وش السلندر لما فك غطاء التاكيهات وحاول يظبط العربية من الكربراتير لكن للاسف معرفش يظبطها كويس على السلانسية العربية الان مبرجلة وتعلى وتوطا لوحدها وبطلت منى مرثين وانا واقف وفى اليومين اللى فاتو لاحظت نقصان مياة يوميا بكمية مش قليلة حوالى لتر وامبارح بلليل سخنت تانى مع ضغط بخار فى القربة تانى ولما بحط مياة فى الرداتير بلاقى فقاقيع هواء مش عارف اعمل اية علما باننى مقيم بشرم الشيخ ونازل احازة بعد 5 ايام وهنا فى شرم كل الميكانيكية على قد حالهم اسف جدا على الاطالة ولكن محتاج رودود سريعة علشان انا فعلا مش عارف اعمل اية انا دايما بسافر بالعربية ومعايا الاولاد ومش عاوز اى مواقف محرجة على الطريق