ينفع اشيل الكاسيت خالص واشتغل بوصلتين usb & aux..

انا عندى استفسار طاقق فى دماغى بقالة فترة

هوة ينفع اشيل الكاسيت خالص واحط مكانة وصلة aux ومخرج usb

يعنى مكان الكاسيت يكون فاضى خالص وطالع منة وصلتين بس ؟؟؟؟

بس هاينفع يشتغلوا على ال4 سماعات عادى ؟؟؟ واية الى هاحتاجة غير الوصلتين ؟؟

والصوت هايبقى نقى ولا اى كلام مع العلم ان الى يهمنى هو نقاء الصوت بس ...

والطريقة دى لو نفعت هانقدر نشغل عليها الاىبود والفلاشة والmp3 بدون كاسيت خالص ..اية رأيكم .

انا عارف انة فية موضوع عن جهاز كاسيت زى كدة بس انا قصدى انة التوصيل يكون مباشر وبدون جهاز كاسيت خاللص ونوفر مكانة لحاجة تانى ... حد عندة فكرة

مينفغش
بالعقل كده
الايبود او لافلاشة بيشغل سماعة ودن يادوب عليها
هيشغل ازاى سماعة عربية ؟

اقتباس:

---

مينفغش
بالعقل كده
الايبود او لافلاشة بيشغل سماعة ودن يادوب عليها
هيشغل ازاى سماعة عربية ؟

---

ما دة الى انا كنت متأكد منة ... شكرا لرد حضرتك

اعتقد لو كهربه السماعات مش بتاخد طاقه من الموبيل لييه لا ؟؟؟ انا بقوم سماعات في البيت عندي 7000 وات بالموبيل و الصوت بيبقي تمام انا معايا سوني اريكسون واكمان w810 و البيز بيبقي قوي و كل حاجه ..

اقتباس:

---

المشاركة الأصلية كتبت بواسطة kazzaz

اعتقد لو كهربه السماعات مش بتاخد طاقه من الموبيل لييه لا ؟؟؟ انا بقوم سماعات في البيت عندي 7000 وات بالموبيل و الصوت بيبقي تمام انا معايا سوني اريكسون واكمان w810 و البيز بيبقي قوي و كل حاجه ..

---

يعنى ممكن اعمل حاجة زى كدة فى العربية ؟؟؟

انا علي فكره بفتي هههه ... بس انا معرفش ازاي او كده انا اللي بقوله ان الموبيل و الايبود بالذات ممكن يقوم سماعات مادام مش بتاخد الطاقه من الموبيل بتاعه مش منه ..

اقتباس:

---

انا علي فكره بفتي هههه ... بس انا معرفش ازاي او كده انا اللي بقوله ان الموبيل و الايبود بالذات ممكن يقوم سماعات مادام مش بتاخد الطاقه من الموبيل بتاعه مش منه ..

---

شكرا لصراحتك

واحب اكون صريح معاك

المنتدى هنا بجد الناس تعبت جدااا علشان توصلة للمكان الى هوة فية ...ومحدش هايوافق على ان المنتدى ينزل خطوة لتحت بسبب
رد عبارة عن ؛ فتى؛
فياريت تتأكد من المعلومة قبل ماتقولها
لانك ممكن تخلى حد يعمل كارثة فى عربيتة بسبب كلمة الى كتبها مش عارف صح او غلط
...
ماتزعلش منى ...بس حضرتك الى حطيتنى فى الموقف دة

اقتباس:

---

المشاركة الأصلية كتبت بواسطة kazzaz

انا علي فكره بفتي هههه ... بس انا معرفش ازاي او كده انا اللي بقوله ان الموبيل و الايبود بالذات ممكن يقوم سماعات مادام مش بتاخد الطاقه من الموبيل بتاعه مش منه ..

---

الراجل بيتكلم على كاسيت عربية
ايه دخل سماعات الكمبيوتر بالكلام ده ؟

اقتباس:

---

ماتزعلش منى

---

انا بس كنت بحكيلك تجربه عملتها اني شغلت نظام صوت 7000 واط علي موبيل و كان قصدي اني معرفش تنفع في عربيه او لا ... و انت لما سالتني تنفع قلت لك معرفش و فهمتك انا قصدي ايه بالرد ... انا مجرد بقول حاجه نفعت في كذا طيب لييه لا ماتنفعش في العربيه بس كده ... بحكيلك تجربه يمكن تفيدك في حاجه لا قلت لك وصل كذا بكذا ولا اعمل كذا بكذا عشان الصوت يبقي كذا .... و قلته كمان لان الاخ كوداك كان بيقول ازاي الايبود يقوم سماعات عربيه فبقول اذا كان موبيلي بيقوم سماعات 7000 وات بوصله aux طيب لييه لا ممكن يقوم سماعات عربيه يعني ؟ اعتقد لما هو يرد وانا ارد سواء هو غلط او انا غلط انت هاتستفاد وانا و هي دي فكره المنتدي بندي بعض معلومات اللي بنعرفها لعل و عسي نوصل لحاجه ... و علي العموم اسف يا سيدي

اقتباس:

---

ايه دخل سماعات الكمبيوتر بالكلام ده ؟

---

ممكن اعرف ايه الفرق بينهم مش دي سماعه و دي سماعه و علي فكره دي مش سماعات كمبيوتر لا ده صب بنظام صوت 7000 وات و كنت بوصلها بالكهربه و بوصل السماعات لاموبيل و بتقومها فلييه لا لما الراجل اللي بيسال لو عرف يوصل وصله aux مثلا للسماعات من غير كاسيت و وصلها لاايبود مايشغلاهاش لييه ؟ ... و واحد صاحبي مره حطها في جيب رانجلر و كان شغال زي الفل ( اخد فرده اللي فيها الصب و حطها في الشنطه الصغيره ورا بس كان مشغله علي الكاسيت يعني ) .. بس فلييه لا انا مجرد بحكي تجربه يمكن تفيد السائل

اقتباس:

---

المشاركة الأصلية كتبت بواسطة kazzaz

ممكن اعرف ايه الفرق بينهم مش دي سماعه و دي سماعه و علي فكره دي مش سماعات كمبيوتر لا ده صب بنظام صوت 7000 وات و كنت بوصلها بالكهربه و بوصل السماعات لاموبيل و بتقومها فلييه لا لما الراجل اللي بيسال لو عرف يوصل وصله aux مثلا للسماعات من غير كاسيت و وصلها لاايبود مايشغلاهاش لييه ؟ ... و واحد صاحبي مره حطها في جيب رانجلر و كان شغال زي الفل ( اخد فرده اللي فيها الصب و حطها في الشنطه الصغيره ورا بس كان مشغله علي الكاسيت يعني ) .. بس فلييه لا انا مجرد بحكي تجربه يمكن تفيد السائل

---

اديك قولت بالكهربا
حصل خير

اقتباس:

---

الايبود بالذات ممكن يقوم سماعات مادام مش بتاخد الطاقه من الموبيل بتاعه مش منه ..

---

وقلته فوق كمان ان لو السماعات بتاخد الطاقه من البطاريه مثلا ايه المشكله .. ؟ بس هو اصلا ينفع اوصلها بالبطاريه

حصل .......خير

الفكرة دى مش راضية تطلع من دماغى ...معلش اصلى ماعرفش اى حاجة فى الكترونيات الصوت غير الزرار الى بيعلى ويوطى ....

طيب هوة الامبليفاير (جى ام) بينقى الصوت وبيجيب اقصى اداء للسماعات صح ؟؟؟


طيب هوة الجى ام ممكن هوة يدى الباور والصوت للسماعات
يعنى انا اجيب ايبود محترم وجى ام و4 سماعات ؟؟؟

والجى ام فية وصلة aux للاى بود صح ؟؟
وال اى بود يبقى الهيد يونيت بتاعى واعمل زرار فى التابلوة علشان اشغل واطفى بية ال جى ام


الفكرة دى تنفع ولا اختراع فاشل ؟؟؟


انا عارف ان تمن ال اى بود يجيبلى كاسيت محترم بس انا عاوز اعمل حاجة مميزة

اقتباس:

---

المشاركة الأصلية كتبت بواسطة eng.octooo

الفكرة دى تنفع ولا اختراع فاشل ؟؟؟


انا عارف ان تمن ال اى بود يجيبلى كاسيت محترم بس انا عاوز اعمل حاجة مميزة

---

الفكرة تنفع وقديمة بس مفيهاش حاجة مميزة

وانت رديت على نفسك
ان بتمن الايبود تجيب كاسيت افضلك

اقتباس:

---

الفكرة تنفع وقديمة بس مفيهاش حاجة مميزة

وانت رديت على نفسك
ان بتمن الايبود تجيب كاسيت افضلك

---

شكرا لردك ..ومعلش لانى طولت عليكم

طيب معلش سؤال تانى ( اخر مرة هههه) اصل سألت السؤال دة قبل كدة ومحدش رد عليا :

اقتباس:

---

..انا عندى العربية فيها 4 سماعات 2 فى التابلوة و2 فى الرف الخلفى بس مش عارف مقاساتهم
هما الى فى الطابلوة مدورين وقطر الواحدة فيهم 10 سم
والى فى الرف الخلفى بيضاوى وطولهم 25 سم

بس نوعهم عجيب وصوتهم اعجب من العجب

فكنت عاوز اعرف مقاساتهم او لما اروح اجيبهم من محل اقولة عاوز سماعة مقاس كام وكدة وهوة احسن صوت نقى فى السماعات هوة البايونير صح ؟؟

---

ممكن اعرف مقاسات السماعات دى الدارجة فى السوق ب السم ولا الانش علشان مش هاخد العربية معايا فكنت عاوز اقول للمحل عاوز سماعتين بيضاويتين مقاس كذا و2 تويتر مقاس كذا نوع بايونير ..

- عاوز اجيب امبليفاير يشغلى ال 4 سماعات دول لانى عاوز صوت نقى جداااا ومش مهم عالى او بيز او كدة ف اجيب السماعات الى ورا كام وات والى قدام كام وات والامبلافاير كام وات ؟ واسعارهم فى حدود قد اية

وبجد اسف على الاطالة بس انا ماليش خالص فى السماعات دى ولما نزلت محل لقيت اسعار غررررريبة زى 2 سماعات بايونير 350 وات عاديين مش دبل بيز ولا حاجة ب 1000 ج وانتوا بتقولوا انهم مايعدوش ال 400 ج

سماعات الابواب 10سم-13سم-16سم
وطالما متاكد من بتوع التابلوه انهم 10 يبقة كويس هاتهم بايونير او كينوود
والسماعات البيضاوى فى مقاسين 6*9 بوصة
و 7*10 بوصه ودى سعرها اغلى

انت كده كده هتفك السماعات خد وحدة وحدة وهات مقاساتهم بالظبط
وسماعات التابلوه مش هتحتاج امبلفاير هتتوصل ع الكاسيت
هات للسماعتين اللى ورا بس امب واحد 400 وات 2 تشانل

بجد والله حضرتك افدتنى جدااااااااااااااااااااا
جزاك الله كل خير

انا ان شاء الله هاروح واخد السماعاتين معايا ( واحدة وواحدة)

واجيب مقاساتهم بالظبط ...
ان شاء الله هايكونوا بايونير او كين وود

وكدة كدة انا عاوز اغير البوردة الى ورا ...لانى هاعمل فيها تعديلات ف ممكن اشوف سماعات غيرهم واقصلهم على مقاسهم فى البوردة الجديدة ...



وبجد متشكر جداااا ليك وبجد انت من الشخصيات المحترمة...

اقتباس:

---

المشاركة الأصلية كتبت بواسطة eng.octooo

بجد والله حضرتك افدتنى جدااااااااااااااااااااا
جزاك الله كل خير

انا ان شاء الله هاروح واخد السماعاتين معايا ( واحدة وواحدة)

واجيب مقاساتهم بالظبط ...
ان شاء الله هايكونوا بايونير او كين وود

وكدة كدة انا عاوز اغير البوردة الى ورا ...لانى هاعمل فيها تعديلات ف ممكن اشوف سماعات غيرهم واقصلهم على مقاسهم فى البوردة الجديدة ...


وبجد متشكر جداااا ليك وبجد انت من الشخصيات المحترمة...

---

:S_thum1[1]::S_thum1[1]:

ربنا يعزك :)

فى جهاز صغير يمكنك من تشغيل الموبيل أو MP3 مباشرة على السياره بدون كاسيت وحجمه فى حدود 10 سم فى 5سم وبيتوصل بكهربة السياره وفيه مكان توصل فى اسلاك سماعات السياره ومفتاح للصوت ومفتاح للbass و treble وسعره فى حدود 40 جنيه

اقتباس:

---

المشاركة الأصلية كتبت بواسطة moody_omar

فى جهاز صغير يمكنك من تشغيل الموبيل أو MP3 مباشرة على السياره بدون كاسيت وحجمه فى حدود 10 سم فى 5سم وبيتوصل بكهربة السياره وفيه مكان توصل فى اسلاك سماعات السياره ومفتاح للصوت ومفتاح للbass و treble وسعره فى حدود 40 جنيه

---

وهل لو جبت mp3 ;,ds كويس وسماعات بيونير هايطلع صوت زي الcd pioneer ولا لاء علشان انا عندي كاسيت الدايو مشغلة علي fm modulator وصوتة مس عاجبني و مكسل اغيرة...لو الجهاز دة هايدي صوت اجمد ممكن استغني عن العك اللي عندي؟؟؟؟

اقتباس:

---

المشاركة الأصلية كتبت بواسطة bakkarahmed

وهل لو جبت mp3 ;,ds كويس وسماعات بيونير هايطلع صوت زي الcd pioneer ولا لاء علشان انا عندي كاسيت الدايو مشغلة علي fm modulator وصوتة مس عاجبني و مكسل اغيرة...لو الجهاز دة هايدي صوت اجمد ممكن استغني عن العك اللي عندي؟؟؟؟

---

والله انا مركبه من حوالى 9 شهور ومبشغلش كاسيت السياره مع انه بتاع وكالة مرسيدس الاصلى والصوت كويس ومفيش اى مشاكل

طيب اسمة اية وبيتجاب منين؟؟؟

اقتباس:

---

طيب اسمة اية وبيتجاب منين؟؟؟

---

+1111111

اقتباس:

---

المشاركة الأصلية كتبت بواسطة moody_omar

فى جهاز صغير يمكنك من تشغيل الموبيل أو mp3 مباشرة على السياره بدون كاسيت وحجمه فى حدود 10 سم فى 5سم وبيتوصل بكهربة السياره وفيه مكان توصل فى اسلاك سماعات السياره ومفتاح للصوت ومفتاح للbass و treble وسعره فى حدود 40 جنيه

---

ما اسمه ويباع اين وهل يمكن تشغيل فلاشه عليه ويعطى صوت نقي ام لا؟؟؟؟؟
علما بان لدي كاسيت واريد تشغيل عادى فلاشه عليه
ارجو الافاده فى اقرب وقت شباب

moody_omar

نرجو الرد


او ياريت اسمة او ماركتة

اقتباس:

---

المشاركة الأصلية كتبت بواسطة bakkarahmed

طيب اسمة اية وبيتجاب منين؟؟؟

---

+111111111111111

مش لاقى حاجة امبارح كنت انا و3 اصحابى فى التوفيقية وكل واحد فينا قعد يدور على جهاز بالمواصفات دى ...بس محدش يعرف عنة حاجة كا ما نسأل حد يقولنا انتوا قصدكم على ال جى ام ( امبلفير) نقولة لا .. دة تمنة فى حدود 50 ج بس .يقولنا لا والله ماسمعتش عنة قبل كدة

والى يقولك مفيش غير الموديلوتر ............

محدش عرف حاجة ؟؟؟؟؟؟

اقتباس:

---

المشاركة الأصلية كتبت بواسطة moody_omar

والله انا مركبه من حوالى 9 شهور ومبشغلش كاسيت السياره مع انه بتاع وكالة مرسيدس الاصلى والصوت كويس ومفيش اى مشاكل

---

السلام عليكم
هو فى حل بس انا كمان عايز اخد رايكم فيه
انا برده عندى كاسيت عادى بس صيني شريط وكنت عايز احوله لفلاشه
فى واحد بتاع كاسيتات قالى انه فى جهاز محول بيركب على الكاسيت العادى وبيشغل فلاش وميمورى وبياخد كهربته من الكاسيت وتمنه 60 ج وكمان بريموت ممكن تسال عليه عند محلات الالكترونيات
ياريت حد يقةلى مدى كفائته مع العلم انه حل حقيقي من مصدر محل تصليح كاسيتات سيارات وليس من تاليفي انا بس حبيت اطرح الفكره لنستفيد كلنا وربنا يوفق الجميع ومستنى ردودكم

معمد عزت باشا لقى الجهاز فى اللينك دة

http://www.nilemotors.net/Nile/140859-cd.html

كلام جميل ... بس هل ده افضل ام الكاسيت اللى اصلا بفلاشه ارجو الافاده
عشان انا عندى كاسيت صيني عادى يشريط وفيه مخرج يشغل جاك الصب ( هل هذا ما تقصده عن aux )وكنت عاوز احوله لفلاشه زى ما حضرتك قولت فهل اعدله ام الافضل اجيب جهاز بفلاشه جديد حيث ان الفرق فى السعر بسيط فى حدود 50 ج ؟ ارجو الافاده

اقتباس:

---

كلام جميل ... بس هل ده افضل ام الكاسيت اللى اصلا بفلاشه ارجو الافاده
عشان انا عندى كاسيت صيني عادى يشريط وفيه مخرج يشغل جاك الصب ( هل هذا ما تقصده عن aux )وكنت عاوز احوله لفلاشه زى ما حضرتك قولت فهل اعدله ام الافضل اجيب جهاز بفلاشه جديد حيث ان الفرق فى السعر بسيط فى حدود 50 ج ؟ ارجو الافاده

---

الاحسن الكاسيت الى فية مكان للفلاشة طبعاااا

اقصد بفتحة ال aux انها فيها وصلة علشان توصل بيها جهاز اغانى زى ال mp3 او التليفون بالكاسيت ( بتكون زى الجاك بتاع الهيد فون بس من الناحيتين )

لو هاتجيب كاسيت مدمج فية فتحة للفلاشة يبقى اتكل على الله ....لانة اكيد هايطلع صوت انقى من الجهاز دة

شكرا جزيلا
انا الحمد لله جيبت جهاز بيحول الكاسيت العادى لفلاشه والحمد لله شغال كويس وبيتوقف على قوة الكاسيت والسماعات اللى راكبه وكان تكلفته 60 ج
وربنا يوفق الجميع يارب

اقتباس:

---

المشاركة الأصلية كتبت بواسطة wael6

شكرا جزيلا
انا الحمد لله جيبت جهاز بيحول الكاسيت العادى لفلاشه والحمد لله شغال كويس وبيتوقف على قوة الكاسيت والسماعات اللى راكبه وكان تكلفته 60 ج
وربنا يوفق الجميع يارب

---

ياريت توضيح أكتر من كدة يا أستاذ و ائل يعني أية بيحول الكاسيت لفلاشة:11:

اسال عليه محلات تصليح كاسيتات السيارات او محلات الالكترونيات لقطع الغيار علما بانى من المنصورة ولست من القاهره والحمد لله شغال كويس
طريقة توصيله ( كابل كهربا من كهربة الكاسيت وكابل 1فى 1 فى aux )
وهنا صورته

http://www.nilemotors.net/Nile/140859-cd-4.html (جهاز جديد يغنى عن ال cd)
معلش معرفتش ارفعه من عندى ولكن يوجد هنا فى هذا الموضوع وربنا يوفق الجميع