مفيش غيركم الى هيحللى المشكله بتاعتى
بعد ما وضعت اكثر من موضوع فى قسم الصوتيات بخصوص طقم صوت يعنى قلت اكيد هلاقى ردود كتيره خاصه انى مبسالش عن حاجه صعبه ده نوع سماعات و تمنها و حاجات كده المهم محدش بيرد او الى بيرد يقلى كلام مياكلش عيش قلت مفيش غير اعضاء القسم الحبيب الى قلبى هما الى هيفيدونى و انا بعتذر جدا للاداره عن وضع موضوع لا يخص القسم لكن ده عشمنا فى القسم بتاعنا برضه و ان شاء الله بعد الرد ياريت مشرف القسم ينقله للصوتيات او ممكن نتحايل تحايل بسيط كده و نقول طقم صوت لسياره ميتسوبيشى !!!!! لانسر 99
و ده كان الموضوع
انا خلاص زهقت من طقم الصوت التعبان الى راكب فى العربيه و عايز اغير و محتاج المشوره
اولا الكاسيت الى فى العربيه Pioneer DEH 2950 وهوا شغال كويس ولا انوى تغيره فى الحقيقه
السماعات زفت بمعنى الكلمه نوعها Pioneer 50 watt وبتعمل اصوات غريبه و بتزن و تعلق و مشخننه (سورى فى اللفظ )
المطلوب ايه بقا
اولا سماعتين محترمين وياريت النوع و السعر عشان الميزانيه
ثانيا :انا عايز gm بس يكون حلو برضه ويقوم السماعتين تمام
ثالثا :مبدئيا انا عايز بازوكا تكون معقوله او كويسه مع السماعتين و الجى ام
ياريت الاقتراحات و السعر و هل الكاسيت هيقدر يقوم بالشغل ده ولا هحتاج اغيره انا الاول عايز اظبط السماعات و خلافه و فى انتظار تغير الكاسيت و هجيب ديفى دى بس ياريت النصيحه ضرورى جدا عشان انا مش عارف حاجه فى موضوع الصوت ده وهل ممكن مثلا لو نزلت بور سعيد الاقى الحاجات دى استيراد و تكون كويسه و سعرها حلو ولا فكنى من بور سعيد و هتضيعوا علينا اكله سمك حلوه
سلام و منتظر ردودكم
