ممكن اعرف الفرق بين الجنوط الاسبور والعادي بالنسبه للقياده والثبات
عرض للطباعة
ممكن اعرف الفرق بين الجنوط الاسبور والعادي بالنسبه للقياده والثبات
على حد علمى الجنط الاسبور أفضل من العادى من حيث الثبات بالذات لو نفس المقاس ، يعنى الجنط الاسبور مقاس 15 احسن فى الثبات من نفس المقاس بس الجنط العادى. لو ركبت الجنط الاسبور و ركبتله الرينجات المناسبة حتحس بثبات أكبر فى العربية و ده عن تجربة شخصية اما لو ركبته من غير الرينجات حتلاقى الدركسيون بيرعش على السرعات العالية ، من 120 و انت طالع.
الجنط الاسبور أكتر حاجة بتدى شكل كويس للعربية بالذات لو اخترت شكل كويس.
الجنط الاسبور بيدخل هوا اكتر على الفرامل و ده بيساعد فى تبريد الطنبورة و بيطيل عمرها.
مشاكله : لو جبت مقاس غلط ( أكبر أو أصغر ) بيضر عفشة العربية. لو خدت تقرة جامدة و اتعوج لا قدر الله و معرفتش تصلحه يبقى لازم تشترى طقم كامل جديد أو فرده واحدة مستعملة من نفس الشكل و طبعاً ده مش مضمون، بعكس الجنط العادى اللى ممكن تشترى فرده واحدة.
لو بتركن جنب رصيف و خدشته بيبقه شكله وحش اوى و بتتعب عشان تصلحه.
ده كل اللى فاكره دلوقتى
والله هو كده كويس واهم حاجه انا عاوزها الثبات علي الطريق
الجنط السبور
ثبات ، شكل ، بيضر العفشه وعداد السرعه لو متغير بمقاس كاوتش غلط
الجنط الفابريكه
قوى وصعب انو يتكسر او يتنى ، بيحافظ على العفشه
انا من راى هات طاسة بلاستك ال شبه الجنوط وحطها وسيبها على الله ومش هتحس بفرق خالص وهتريح دماغك:36_1_1[1]:
وبرضه الجنط الاسبور اخف من العادى فبيريح العربيه اكتر من الجنط الحديد
لتصحيح معلوماتك عكس كلامك هو الصحيح الجنط الأسبور اثقل من العادى بتاع الفبريقه غير انه هو المقاس المظبوط للعربيه وما افتكرش انه بيضر العفشه وإلا كان المصنع محطهوش فى العربيه من الأساس تانى حاجه الجنط الأسبور دائماً بيكون اثقل فى الوزن من الجنط الحديد وده الى بيدى ثبات للعربيه ولكن على حساب العفشه لأنه بيضر جلب المقصات والمقصات ولو عريض زياده عن اللزوم بيصف عمر علبة الدريكسيون ونادراً لما تلاقى جنط سبور بنفس وزن العادىاقتباس:
وبرضه الجنط الاسبور اخف من العادى فبيريح العربيه اكتر من الجنط الحديد
مش فاهم حاجه
طيب ماهو الجنوط الاسبور لو وحشه مكنش حد ركبها وكانت هتتباع ببلاش
يعني الواحد يجيب ولا لأ
ياريت لو حد يشرح للافاده
ويجعله عامر
الجنط الفابريكة مطابق لكل معاملات السيارة الفعلية
(عفشة سرعة احتكاك فرامل ثبات)
علشان كدة بيبقى فى اوبشن جنوط اسبور لانها محسوبه
وشوف فرق السعر قد ايه
لكن الجنوط الصينى والتايوانى طبعا مجرد مقاسات فقط بدون حساب للتحميل يعنى نفس المقاس من عربية 128 لمرسيدس لهونداى لدايو عادى
يبقى فين الحساب والتناسب بين الجنط والسيارة