السلام عليكم يا فرداوية
بصراحة انتو حببتونى أوى فى فورد وانا قريت كل المواضيع المكتوبة وعجبنى احترام الأعضاء حتى وهما عندهم آراء مختلفة.. بصراحة مستواكم فى الحوار راقى جدًا ودى حاجة نادر انه الواحد يشوفها.. أخص بالشكر استاذ چوزيف اللى تحس انه الأب الروحى للفرداوية..
أنا قررت اشترى فورد يا رجالة، مش بقوللكوا حببتونى فيها جدًا..
وعاوز اجيب كا أو فيستا 1300 من 97 إلى 2000 عشان هما ماشيين مع الفلوس اللى معايا دلوقتى..
أنا نزلت شفت واحدة كا موديل 2000 بس مطلوب فيها 32 ألف جنيه وهى محتاجة شوية شغل بسيط وتغيير اكصدامات وشوية رش!! غير كدة هى تمام..
طبعًا رقم 32ألف ده حاسس إنه كتير خصوصًا إنى شفت هنا حالات أفضل من كدة بأسعار أحسن.. ولا إيه رأيكم؟؟
لو حد عاوز يبيع عربيته، أو عربية واحد صاحبه، أو يعرف عن أى كا أو فيستا، حبقى شاكر أوى.. يسيبلى بس رقمه عشان أكلمه..
مش قادر اقوللكم أنا متحمس قد ايه لموضوع الفورد ده.
تحياتى
خفاجة