المشاركة الأصلية كتبت بواسطة thebuccaneer
أنا من رأيى بلاش تبيع ما دام العربية مع حضرتك كويسه و مش بتشتكى منها. ثانيا, بيع ال bmw مش سهل, ثالثا وده الأهم إن حضرتك هتسمع أرقام غريبة و أسعار غريبة من ناس ولا تفهم اية شىء و أنا قولت لحضرتك قبل كده إن العربية إذا سعر بيعها كان أقل من 63000 جنية بالكثير يبقى بلاش تبيع لأن حضرتك هتكون بتظلم نفسك بالأمانة, و لأن اللى أنا اكتشفته بعد 5 مرات فى السوق إن اللى بيفهم فى النوع ده من السيارات مش موجود بالسوق اساسا و نادر أن حضرتك تلاقيه, و 90% من السوق تجار و دول دواهى. المشترى فى النهاية عاوز يأخد السيارة تكون واقفه مثل الأسد و مش هيدفع فيها ثمنها اللى تستحقه لكن لازم ينزل فى سعرها. نصيحة بلاش تبيع.