+1
عرض للطباعة
مفيش حد فاهم بنسبة 100% وان الكمال لله وحدة ,,لما بتكون فية مشكلة لازم الواحد ما يسلمش دماغة كلها لشخص واحد (مش عملية ثقة) بس مجرد توقع لاحتمال وقوع خطأ(يعني تكلفة وقت وفلوس وتعب) علشان كدة لازم الوحد يسأل اكتر
عباره صائبهاقتباس:
علشان كدة لازم الوحد يسأل اكتر
ومع كثرة السؤال
وأجتماع الآراء على رأى واحد
بتزيد نسبة نجاح التشخيص
وهو ده المطلوب
المشكله الاكبر لما يكون الصنايعي نفسه مش فاهم سبب مشكله معينه وانت اللي فاهم عالاقل جزء من سببها وبتحاول تقنعه بالسبب وتقوله الحل بس كبرياؤه يمنعه كصنايعي انه ياخد برأيك انت , لانك متعلم ومتنور وخريج مدارس وجامعات واكيد مش هتفهم اكتر منه في صنعته , وده بيخلي الصنايعي (يشطح) بأفكاره واقتراحاته عشان يحاول يثبتلك انك كنت غلطان ويبعدك عن اللي في راسك خالص , وطبعا انت الخسران الوحيد في العمليه دي لانك متعطل وبتدفع فلوس و وقتها لازم تنقذ نفسك وتروح لحد تاني خالص لا يعرفك ولا تعرفه وتشوف هيعمل ايه
انا حقول رأيى فى موضوع الصنايعية انا معايا دايو اسبيرو 94 و طبعا الناس عارفة صعوبة صيانة وغلاسة العربية دى بس انا بتعامل مع مهندس اسمة فهد فى كوبرى القبة خطير واللى معاة اسبيرو مدوخاة لازم يروحلو انا فى ناس بتقولى انو غالى شوية بس انا مش حاسس دة اوى يعنى مثلا الاسبوع اللو فات غيرلى 4 طبب مية وعمل دورة غسيل رادياراتير و فك القربة و غسلها ونزلو بلاوى وغير زيت و فلتر و ظبت موتور مية المساحات مكنش بيطلع مية وسلك خرطوم الفايظ بتاع تانك البنزين وظبطلى العفشة الامامية وركبلى غطاء لقربة المية من عندة و اخد 100 جنية مصنعية فى ناس ممكن تستكترهوم بس انا بتبسط من الشغل اللى بخدو عندو وعلى فكرة هوا بيشتغل فى الكورى كلو ما عدا الالنترا 94 ومش عارف اشمعنى بس هوا قاللى كدة
دة يعتبر استغلال والله ...انا الشغلانة البسيطة باخلي واحد عادي يعملهالي وبكون واقف علي دماغة بردة اما الحاجات اللي باحس انها مهمة مش بسترخص فيها (وربنا يبعد عنا المشاكل الكبيرة(
عنوان المهندس فهد بجانب جامع جمال عبد الناصر كوبرى القبة ورقم موبايلة 0100205205 عشان اللى عاوز يروحلو يكلمو الاول عشان سعات مش بيكون فى الورشة وهو مش بيشتغل بايدة كتير بس الصنايعية عندة فاهمين اوى برضو و عندهم ضمير ودة رقم موبايلى انا عشان لوحد مش عارف يوصل و حب انى اوصفلو 0125282768 د/احمد مصطفى