هوا مقسط علي 5 سنين تقريبا
عرض للطباعة
هوا مقسط علي 5 سنين تقريبا
شروطه
تحويل المرتب للبنك
وضامن لايتم تحويل مرتبه
بشرط ان يغطى المرتب قيمه القسط وهنا موقع البنك
http://www.nsb.gov.eg/NasserSocialBa...يارات.htm
بالفعل هو من أغنى الموضوعات في المنتدى عن البيع بالتقسيط وبه كلام عن التأمين أيضاً:
http://www.nilemotors.net/Nile/showthread.php?t=5618
شوف يا سيدى الموضوع له شقين
الشق الاول التقسيط نفسه وده حسبته سهل وحقولهلك
1 ـ تشوف سعر العربية بكام وتشيكل منه المقدم اللى معاك والفرق تضربه فى نسبة الفائدة وهى غالبا تدور ما بين 8 الى 9 % والناتج تضربه فى عدد السنين .
2 ـ تجمع الناتج السابق مع الفرق بين المقدم وسعر العربية والناتج تقسمه على عدد سنين التقسيط المضروب فى 12.
مثال للتوضيح :
نفترض سعر العربية 70 ألف جنيه والفائدة 8,5% والمقدمة 20ألف جنيه وعاوز تقسط على 5 سنوات
المبلغ المراد تقسيطه = 70000 -20000 =50000جنيه
الفائدة=50000×8,5%×5=21250 جنيه
القسط الشهري=(50000+21250)÷5سنوت×12=71250÷6 0شهر=1187,5جنيه
ده طبعا بخلاف التأمين وده بيختلف حسب منشأ العربية يعنى اليابانى غير الاوربى وعلى ما اعتقد بين سنويا ما بين 2 الى 4 % من سعر العربية يعنى لو العربية بـ 70 ألف وكان التأمين مثلا 3% فيكون المطلوب سنويا2100 جنيه وبالقسمة على 12شهر فيكون القسط الشهرى 175 جنيه.
ويمكن تسهيل الحسبة السابقة كلها بالرجوع لموقع كونتاكت
اما الشق الثانى من الموضوع فهو سعر العربيات فى الاعلانات وده اللعبة الكبيرة علشان الموضوع عبارة عن جذب للزبون والضحك عليه وبصفه عامة فان سعر الاعلانات هو عبارة العربية باقل مواصفات لها ولما تروح تسأل عليه لن تجدر سيارة بمثل بأقل اوالمواصفات يعنى مثلا يعلن عن سعر العربية ويكون ده سعرها بدون اى اضافات ولما تسأل لن تجدر السيارة متوافرة ولكن ستجد السيارة بكافة مواصفاتها.
على العموم ربنا يوفقلك لما فيه الخير
وعذرا للاطاله
متشكر اوى يا جماعه لكل اللى ردوا
و متشكر على اللينك بجد فيه كل حاجه
ربنا يوفقك للخير بس ضرورى تحسب حاجه وانت بتشترى قسط انك مش معاك تمن السيارة اصلا يعني مش تقول العربية وقفت عليا 77000 مثلا وهي 60000 لان ال 60 مش معاك ارجو تكون الصورة وضحت ثانيا بالنسبة لنسب البنوك
1- البنك التجارى شركة كونتكت فايدة 7.75 % + تامين 3.5% من قيمة السيارة والمقدم 25 % قسط خمس سنوات
2- اجرى كول مقدم 20 % او 30 % بفايدة 8.40 % بدون تامين لو مقدم 40 % الفايدة 7.75 % قسط خمس سنوات
وهناك بعض البنوك بتقبل بمقدم 10 % بشرط وجود ضمانات مثل الودائع وخلافة
3- توكيل شفروليه تقسيط بفايدة 12 % شاملة التامين ومقدم 30 % قسط علي اربع سنوات