السلام عليكم
انا كنت مترش ضابط احتياط و بعد كدا روحنا الحلمية و كان عندي سكر و قولتلهم
و بعد كدا اخدنا ميعاد بالتحاليل ( منحنى سكر )
المهم عملنا منحنى و بعدها باسبوع سمعنا النتيجة و قالي غير لائق كنا حوالي 7
المهم اخدنا ملف ازرق كدا مكتوب علية عرض لجنة عليا و ورق كتير مليناه
المهم قالولنا نيجي يوم 30-3 و معانا فيش جنائي و هنتعرض على استشاري
السؤال بقى هل هناخد اعفاء و لا هننزل عساكر و لا اية اللي هيحصل
عشان بجد انا قلقان جداااا
يا ريت كل من مر بهذة التجربة يفيدني
انا كنت مترشح ظابط احتياط زيك بالظبط يا باشااقتباس:
المشاركة الأصلية كتبت بواسطة dr_abooody
عملت كشف (مخ و أعصاب) في مستشفى كوبري القبة العسكري والنتيجة كانت بعديها بكام يوم في حلمية الزيتون و قاللولي غير لائق طبياً و تيجي يوم كذا الساعة 7 الصبح و معاك فيش جنائي حديث و صور شخصية و الورق اللي معاك طبعاً (و الـ110)
عرض الإستشاري بتاعي كان مجرد كذا إمضاء من دكاترة التخصص (خلص الموضوع دا في 5 دقايق و للأمانة كانوا دكاترة ذوق جداً)
و بعد كدا غرفة التصوير و تمشي اخيراً بالإعفاء النهائي
يعني من الآخر احب اطمن سعادتك انك خلاص معفي ان شاء الله
لأن على حد علمي الغير لائق طبياً مش بيدخل خالص .. مش بينزل عسكري
95% اعفاء إن شاء الله
شكرااا على الردود
الحمد لله انا اطمنت كدا
بإذن الله إعفاء
بس هو بعد كشف الحلمية بتتحول كشف تاني
بعد كده عرض لجنة عليا الي هو كومسيون طبي عسكري بيكشف عليك رتبة كبيرة وبيكون في مستشفي القبة.
الفكرة ان بيعملوا كذا كشف وبين كل كشف والتاني مده (تعب اعصاب) .
انا حصل معايا كده ونظري كان سالب 5 كل عين (المجموع سالب 10) وفي أول كشف في الهياكستب كنت من اخر الناس الي كشفوا والساعة حوالي 6 مساءا والراجل عداني جدا لائق أ:)
بعد كده عشت القلق كلة من الهيئة للحلمية لكشف تاني ثم اللجنة العليا وخرجت .
القصة ان دخول الجيش سهل بس الخروج منه علشان يكتبوا غير لائق وانت كنت لائق في كشف سابق لازم فيه لجنة بتنقض الكشف السابق وطبعا لازم التأكد جدا وبيكون طبيب رتبة أعلى.
وبالتوفيق بس انت مش عايز تخش الجيش ولا ايه؟:) بهزر معاك
لا يا باشا خلى السلاح صاحي لصحابةاقتباس:
المشاركة الأصلية كتبت بواسطة ahmadalaaeldin
اصل احنا محدش قالنا انكم لائق عملنا تحليل سكر و بعدها قالوا غير لائق
ممكن النظر بيغلسوا فية عشان ممكن يدخلك على فرق درجة
لكن اعتقد ان السكر تحليل وواقع ادامهم و مفيش يا ابيض يا اسود
مش كدا بردو
اقتباس:
المشاركة الأصلية كتبت بواسطة dr_abooody
والله ساعات مبيعترفوش بأمراض كتير وبيدخلوا ناس وهخلاص واسأل اي حد دخل الجيش هيقلك كان معانا ناس ربنا يعافينا فيهم امراض الدنيا
عموما شفاك الله وعافاك .
ابقى طمنا عملت ايه
شوف يا باشا انا اخدت و لله الحمد اعفاء بعد كل ده و ده كان بسبب ان يدي بتعرق كتير جدا و مازالت حتي الأن بتعملي مشكلة في السواقه الدركسيون ساعات يتزحلق من ايدي انما ان شاء الله اطمن انت مش حاله عرضيه فطالما تحاليلك اثبتت كده كله حيمشي كويس ان شاء الله و مبروك مقدما
معلش انا كمان عاوز استفسر عن الموضوع دة...انا عندي حساسية في مناخيري و الجيوب الانفية..و برضه موضوع التعرق ده..ايه بقى اللي المفروض يحصل ؟
اولا هل الحاجات دي ممكن تبقى سبب للاعفاء؟
و بستخدم بخاخات كورتيزون..
ان شاء الله اعفاء وتعيش عيشة الحرية هههههه:36_1_34[1]:
اقتباس:
المشاركة الأصلية كتبت بواسطة ahmadalaaeldin
طيب انا عندى عين النظر فيها الحمد لله 6/6
و التانية فى أحسن الأحوال بتجيب لحد 3 متر و أحيانآ بيبقى التمييز بيها صعب بالليل
الحمد لله على كل حال
فأنا عايز أعرف إيه شروط ان الواحد يخرج بسبب النظر؟
انا المفروض هخلص السنة دى و ربنا يستر
شوف بقي يا باشا موضوع الحساسيه ده هما و كيفهم فيه ممكن يقعد يقولك اختبار حساسية و يزهقك انما موضوع التعرق ده بيطلعوا منه ناس كتير اوي اعفاء و اللي بيبص علي الموضوع ده دكتور الجلدية و ربنا معاك ان شاء اللهاقتباس:
المشاركة الأصلية كتبت بواسطة karmouty918
يعني انا مش محتاج اخد معايا اي حاجه تثبت الكلام ده ؟؟ولا هو بس بقول للدكتور انا عندي كذا و هو بيكشف ؟اقتباس:
المشاركة الأصلية كتبت بواسطة adhamsabry51
شوف يا باشا انا عندي حساسية في صدري ة كان معايا شهادات بس مبصوش فيهم انما موضوع عرق اليدين ده مكانش معايا حاجه بس الدكتور شاف و كتبلي غير لائق
شكرا يا باشا...و فعلا( وعسي ان تكرهوا شيئا وهو خير لكم)...الحجات اللي كانت قرفانه طول حيتنا ممكن تبقى هي طوق النجاه مالجيش..و ربنا يقدم اللي فيه الخير..اقتباس:
المشاركة الأصلية كتبت بواسطة adhamsabry51
طيب واللي عنده الضغط
ماهو طول ما بياخد الادوية يقى ضغطه مضبوط
ولو بطل مبيبقاش مقياس لانه يبقى عالي لو اتقاس بانتظام خلال شهر
يبقى بياخد اعفاء ولا ايه نظامه؟
يا باشا الضغط بيدي اعفاءاقتباس:
المشاركة الأصلية كتبت بواسطة dr.nemo
بيتعملك منحنى للضغط
انا سألت الدكتور قالي ان لازم الازمة الشعبية بتكون عندك و انت قدامهماقتباس:
المشاركة الأصلية كتبت بواسطة karmouty918
استحالة يعني دة بتيجي بظروفها
دة انا واحد صاحبي اخد اعفاء امبارح على سبب عبيط جدااا و هو ان اسنانة مش بتركب على بعض حاجة اسمها كلاس 1
طبعا على وصفك كده واضح ان نظرك مش ضعيف اوي وعندك قصر نظر بسيط في احد العينين. بس اعمل كشف نظر عموما علشان تعرف نظرك ناقص كام ولو محتاج نظارة عموما او لابس نظارة.اقتباس:
المشاركة الأصلية كتبت بواسطة amr mokhtar
بس معلوماتي ان لو مجموع العينين سالب 8 بتخرج من الجيش ده بالنسبة لقصر النظر.
والله اعلم
السلام عليكماقتباس:
المشاركة الأصلية كتبت بواسطة adhamsabry51
انا عديت من الكشف الطبي لائق أ مع اني ايدي بتعرق كتير جدا
وعندي كشف هيئه بعد 10 ايام في حلميه الزتون بس طبعا كشف الهيئه بيبقي الساعه 7 الصبح واحنا في الشتاء فبتبقي ايدي مش مبلوله فهل لما اكشف جلديه هناك الدكتور هيبص علي اليدي ولو لقاها مش مبلوله هيديني لائق ولا في فحص معين بيعمله عشان يتاكد ان ايدي بتعرق كتير