رينو سيمبول ولا جين تو بالصور ارجوكم
عرض للطباعة
رينو سيمبول ولا جين تو بالصور ارجوكم
من غير صور اكيد رينو
انا اسف يا جماعة انا بعشق الجين تو بس الصراحة حلوة
أنا دخلت فى المقارنة دى لما جيت أفكر فى العربية و دى الخلاصة اللى وصلتلها
لو عايز عربية تريحك فى شكلها الداخلى + توفر معاك فى البنزين + فيها شنطة مساحتها كويسة ... بس عوامل الأمان فيها قليلة يبقى عليك و على السيمبول.
لو عايز عربية عوامل الأمان فيها كويسة + سحبها و ثباتها كويس + شكلها من بره تحفة ... بس إستهلاك بنزينها أعلى شوية و عفشتها ناشفة شوية يبقى روح على الجين تو.
و على فكرة الإتنين بنفس السعر تقريبا.
و أنا شايف إنك برده صلى إستخارة و شوف الإتنين بنفسك .. و ربنا يوفقك للى فيه الخير.
(دى آخر عربية قارنتها بالبرسونا قبل ما أشتريها مباشرة)
أنا بقى و الناس كلها هتفتكرنى متعصب عشان جايب برسونا بقوللك الجين أولا بالعقل كده لو كانت السيمبول أفضل من الجين كانت مسحتها لأن إمكانياتها عالية و سعرها أقل ييجى 5000 جنيه.
أولا الرينو السيمبول كديزاين شكلها حلو بس الجين مالهاش حل
السيمبول موتور 1400 و موتور الجين 1600
السيمبول تقفيل تركى مش فرنساوى و على فكرة لو عملت عليها سيرش على النت هتلاقيها كتير طالعة باسم رينو كليو 2 أو سيمبول كليو يعنى هى عبارة عن تحديث لشكل الكليو بس.
بالنسبة لعوامل الأأمان السيمبول فيها وسادة هوائية للسائق بس و الجين فيها للسائق و الراكب بجواره
و حسب البروشور بتاع الرينو و و أنا بكلمك وهو فى إيدى دلوقتى ما فيهاش فرامل abs أو epd على الرغم من إنى سمعت من مندوب بيع فى معرض رينو إنها فيها abs بس ده مش مكتوب فى البرشور بتاعها و الاتنين موجودين فى الجين.
فرق الصاج لصالح الجين و بشدة أنا فاكر كويس قوى المقارنة دى بس للأسف مش متذكر الأرقام و ممكن تتأكد بنفسك من المعلومة.
أنا معرفش حاجة عن ثبات الكليو أو السيمبول عموما بس طبعا الجين فى النقطة دى غنية عن التعريف.
غلو قطع الغيار اللى هى من عيوب الجين لا تقارن بغلو قطع غيار السيمبول.
ميكانيزم الجين أسهل فى التعامل من السيمبول بكتير اللى كلها سينسورز و مضطراك أكتر إنك ترتبط بتوكيل مش رخيص بالمرة.
سعر إعادة البيع فى الاتين مش حلو بس اتحسن كتير فى الجين
الميزة الجامدة فى السيمبول أعتقد نظريا استهلاك البنزين فيها أحسن من الجين.
و تزيد الجين عن السيمبول فى الأأوبشنز إن فيها أربع سماعات للسى دى مش اتنين و مالتى فانكشن استيرينج ويل و باركينج سينسورز.
جين 2
وعلى فكره برضو كانت معايا في المقارنه قبل ماجيب الجين 2 , اول ماشوفتها في المعرض وقعدت في الكنبه ورا السائق كانت ديقه جدا
,لازم تروح وتركبها وتتاكد من الحته دي بنفسك وبعدين تشوف باقي الحاجات اللي عايز تقارن بيها (( انا عن نفسي ضيقها دا كان السبب في خروجها من مقارنتي ))
وربنا يوفقك للاختيار الافضل
الجين 2 شبابية
السيمبول عائلية
تفرق معاك ؟؟
جين 2 احسن