أسئلة عن تقفيل أبواب العربية و رش الأكر

السلام عليكم:Y_hi_3[1]:
أنا عملت حادثة من فترة و العربية اتصلحت الحمد لله, المشكلة بقى ان السمكرى ما قفلش الأبواب كويس و للأسف مارجعتش زى الأول و النتيجة:
لما الباب يتقفل جامد بيرزع بصوت مستفز و عالى
المشكلة التانية و دى بقى مضيقانى أكتر ان السماعات فى البيبان بتزن مع صوت البيز , ربطت مساميرها كويس و الزنة قلت بس حاجة بسيطة:unhappy:
دلوقتى بفكر أفك الأبواب بنفسى لأنى شوفت السمكرى و هو بيركبها و أركبها بنظافة من أول و جديد
و بالمرة أرش الأكر الداخلية فضى باسبراى عندى من زمان لأن الباب كل حاجة فيه لونها اسود من جوة:vctry:
هل فى مادة معينة بتترش قبل الاسبراى الفضى علشان تثبته؟
هل فى مادة عازلة زى السيليكون أو القطن مثلا أبطن بيها الباب كويس ؟ ودة هايخلى الزنة تروح ؟
شكرا مقدما

وعليكم السلام ورحمة الله.....علي مااعتقد يامو باشا ان هو لما كان بيسمكر العربية لو دي اول سمكرة ليها وعالسخن يعني شغال باللمبة ويضرب بالشاكوش عالأبواب وكده بص ياسيدي الأبواب من جوه بيبقي ملصوق عليها بلاك بيقلك ده بيقوي الصاج ويكتم الصوت ويدي صلاده للأبواب وده بيتنطر ويتكسر وينطر لبره لما يضرب بالشاكوش خصوصا مع السمكرة بالسخن فانت شوف سمكري نضيف يكون لسه بيشتغل بالطريقة دي ويجيبلك البلاك ده ويلزقهولك ولي طريقة معينة فلزقه برده اللي سمعته انو بيتلزق عالسخن بحيث يمسك في الصاج من جوه.....والله اعلم

متشكر جدا على مشاركتك
و مستنى برده رأى باقى الأعضاء