بصي يا علا
انا اتعلمت من التجارب الحياتية السواقية الاخلاقية التعاملاتية الانسانية المصرية القاهرية ...
اتعلمت اني ما احكمش على اي بني آدم من طريقة سواقته
الانسان بيتحول الي شخص آخر بمجرد ان يقود سيارته
وفي احيان كتير بتكون طريقة السواقة مجرد تنفيس عن كبت مجنون في الشغل والبيت والطريق والحياة ... والكل كليلة
حكاية السرعة والبطأ دي مسألة نسبية حتى بالنسبة لنفس الشخص
انا مثلا لاحظت على نفسي اني لما باكون مستعجل لسبب ما بأتخيل ان الناس كلها حولي بيتلكعو وماشيين زي الحلزون المائي ...... مع ان لما باشوف الامر بدون نرفزة بالاقي الناس ماشية طبيعي وانا اللي مستعجل ..... والعكس صحيح .... لما اكون بأفسح العيال ومدام شوماخر بابقى ماشي رايق جدا ولما الاقي واحد ماشي مستعجل بابقي متضايق منه علشان ماشي باستهتار وبسرعة اكتر مما ينبغي
والله اعلم الراجل ده كانت ايه ظروفه .... رايح يلحق ميعلاد مهم ... رايح يلحق طيارة ... رايح يلحق حالة حرجة .... الله اعلم
الخلاصة ...... ممكن يكون الراجل ده مستعجل ومتنرفز ..... والنظرة دي علشان انتي في تقديره ماشية ببطأ .... وواخدة الحارة الشمال ....
عموما انا ليا نصيحتين
الاولى انك ما تمشيش في الشمال بدون داعي .....وده لأني اعتقد انك اكيد مش بتمشي بسرعة مقارنة بباقي الوحوش اللي حواليكي ... يعني طالما تقدري تمشي في الحارة الوسطى يكون افضل ... وخاصة في الطرق الطوالي زي الكورنيش وصلاح سالم والخليفة المأموص
الثانية ان لما حد يبصلك كدة اعتبرية بيقولك شكرا يا افندم .... وردي الشكر بإيماءة بسيطة واستمري في سواقتك كأن شيئا لم يكن
المفضلات