ايه أغبى حاجة عملتها بعربيتك

ساعات الواحد بيعمل حاجة غبية او تركيزه بيقل وعاوزين نستفيد بالحاجات دى عشان نتعلم منها ونساهم فى تقليل الحوادث . بالنسبة ليا أنا هابدأ بنفسى واحكيلكم عن حاجة غبية حصلتلى
أولا انا فى الأمارات وعارفين ان فيه التزام بقواعد المرور المهم كنت داخل على اشارة وخلاص هتقفل عليا بصيت ورايا مالقتش حد جاى المهم فرملت ووقفت بس كنت معدى الخط الأبيض والخطوط هنا مقدسة المهم رجعت العربية بس الغباء انى سبت العربية على الr طبعا العربية اوتوماتيك المهم اما الإشارة فتحت بتزود بنزين وتطلع لقتنى بارجع لورا المهم ربنا سترها لأن لو الراجل اللى ورايا لو كان اتحرك كان لبس فيا .

انا حصللى الموقف ده مرة
توقفت اسال على عنوان وكنت رجعت ورا شوية علشان اسال واحد واقف
وجيت اطلع لقيتنى بارجع وكان واقف ورايا تاكسى
الراجل جاله انبهار من اللى بيحصل بس طبعا الموضوع مش بياخد اكتر من ثانية وبتاخد بالك
بس طبعا فضلت اضحك ييجى ساعة
لا الموقف اللى بجد كان بشع
فى شارع مصطفى النحاس كنت ماسكة اليمين وامامى بمسافة كدة عربية واقفة وجانبى على طول عربية نقل من شمالى
انا قلت انا لسة هاستنى وقمت شادة بالعربية علشان اطلع من النقل
مش عايزة اقولك ان ربنا سترها معايا علشان كنت لسة جديدة فى السواقة
اللى هو نظام غشيم ومتعافى

طيب لزومها إية الفضايح بس

من نحيه الغباوه ... اطمن علي الاخر استغبيت كتير
مره باخد غرزه بالفيرنا و انا بتكلم في الموبايل قمت داخل بوش العربيه من الجنب اليمين في ضهر عربيه نص نقل بس الحمد لله عربيته متهمستش و الا كنت هتسوح و طبعا الجنب اليمين معدلوش ملامح

حاجتين .

كنت في العين السخنة ,, و كنا عايزين نخش بالعربية في حتة على الرمل شوية .. للاسف اعتمدت على المدام .. و خليتها تنزل تديني اتجاهات علشان مغزرش ..

كانت النتيجة ان بعد 5 دقائق بالظبط .. غرزت .. لدرجة ان الكاوتش الامامي مبقاش باين منه حاجة !

و استنين 4 ساعات عقبال وصول سيارة اخرى لصديق لي .. و ساعتين حفر و ردم و استخراج العربية .. و انتهى اليوم الاجازة الوحيد :).


و :


اول ماكنت بتعلم سواقة ... واحد طلع من Uturn قدامي بعربية شاهية و خمس في ال Uturn و حرق و طلع !

قلت انا مش اقل من الشاهين ... و رحت عامل زيه .. بس طبعا متوقعتش رد فعل السيارة و النتيجة اني لفيت نصف لفة و كنت حكمل في الرصيف .. علشان تاخر رد فعلي في رد الدركسيون .. و طلعت ,, و الناس ضحكت عليا .. و بطلت الف من ال U-turn ده من ساعتها :)

انا بقى عملت زى احمد حلمى لما كانو داخلين على لجنة وهو راجع بضهره ويقول لجنة تااااااانى
انا بقى كنت واقف على الكورنيش بس كورنيش بنها قامت خناقة وكانو قريبين من العربية فقلت انا اوسعلهم ياخدو راحتهم رحت راجع وانا عمال ابص على الخناقة والعربية ماشية وانا مش حاسس انا كل تركيزى ع الخناقة لقيت واحد جاى يقولى من الشباك انت خبطتنى رحت نازل بس الحمد لله ما حصلش حاجة بس ما كنتش قادر من الضحك

يوه كتييير ايام الشقاوة كنت باخد الغرزة و انا مغمض عينى و ادعى انها تيجى من كتر ما هى ديقة

مرة قفشت معايا اعدى قبل الاتوبيس و يارتها ماكنتش قفشت اعمل ايه بقة فى الدماغ الصعيدى

في حاجات كثير غبيه الواحد عملها بس من أكثر الحاجات مرة زمان داخل بنزينة وكان فيه مياة على الأرض ورحت مخمس والعربية ماشية بالعرض المهم جيت عشان أقف لقيت العربية بتزحلق جامد ومافيش تحكم وخلاص داخله في طرمبات البنزين والحمد لله ربنا ستر وقفت قبلها بالظبط نزلت لقيت المياة اللى كانت على الأرض مليانه زيت وجاز

عندنا في الجراج الـ 128 جوا والتويوتا برا

فمرة بطلع التويوتا .. بدل ما أجيب الـ R جبت الـ D ، قمت داخل في الـ 128 :Ta_clap[1]:

طبعاً الـ 128 يا دوب صحت من النوم ، والتويوتا اكصدامها اتشرخ جامد

اول عربيه اوتوماتيك سوقتها كانت سيفيك من عشر سنين تقريبا
وكنت بجربها عشان واحد صاحبي كان بيشتريها وكنا اربعه فى العربيه
وعند كل ملف كنا انا واللى جنبي نلزق فى القزاز واللى قاعدين ورا يتخبطو فى الكراسي اللى قدام
اكتشفت بعد ما نزلت من العربيه اني كنت بدوس فرامل برجلي الشمال ههههههههههه

لسة من قريب كنت بجرب اقرص جامد علي العربية وكنت بنقل قبل ما تفصل علي طول وقعدت حوالي ساعة ونص ال rbm مبينزلش عن 4000 و جبت الخامس علي 160
لدرجة بعد الحكاية ده العربية بقت بتجيب بالدبرياج بس من 25 ل 40
العربية اوبترا
بس خلاص اتظبطت دلوقتي

كنت فى اشارة الجلاء بالدقى وواقف ولقيت التاكسى ورايا عمال يدى كلاكس ومش بس كدة ده بيزقنى بالعربيه رحت نازل ازعق لقيت الناس كلها بتقولى ايه يا بك ايه ياحاج
انت عمال تريح بضهرك على الراجل وهو يكلكس ولا انت هنا طبعا وشى جاب الوان وسكت ومش عارف ارجع العربية ولا اتأسف ولا اعمل ايه
مرة تانيه فى اول الهرم فى شارع بينفذ على خاتم المرسلين وفى تقاطع والناس الى فى التقاطع مصرين يخشوا برغم ان طريقهم واقف وقفلوا على بصراحة اتجننت لانى كنت متاخر على الشغل وبوصل المدام قمت متنرفز وقافل على الكل وشادد الهاند وساحب المفاتيح ونازل من العربية وبزعق ومتنرفز وانا ضغطى عالى المهم من النرفزة معرفتش اقول ولا كلمه صح من الزعيق والتهديد بعدم المشى
وطبعا الناس ضحكوا والمدام ضحكت
وواحد قالى ياحاج انت راجل طيب صلى على النبى وامشى وحقك على
انا طبعا انا ضحكت ومشيت

طبعا الواحد اخطاءه كتير مره كنت بجري ورا عربيه باسات وكان راكبها راجل كبير وكان معايا العيله وحمايا وحماتي كنا خمسه المهم الراجل يشد بالباسات وانا عاوز اثبت للي معايا اني راكب احسن عربيه في العالم وصلنا 170 بعد شويه انا هديت لاني اتزنقت بين عربيات بتاع الباسات طبعا اختفي ومعنتش شايفه قولت هيروح مني فين هجيبه يعني هجيبه فوجئت وانا علي 160 اني طالع كوبري علوي ونزلت من الكوبري لقيت ملف جامد جدا طبعا انا شوفت الملف وروحي راحت العربيه صفرت ومالت جامد انا اعتقد انها يمكن مللي وكنا بالسلامه واللي كانو معايا نزلو صويت لكن الحمد لله ربنا ستر من يومها وانا معنتش بشد مع حد خالص الكلام ده كان طريق المنصوره القاهره

على طريق المحله طنطا ....
ماشى حوالى 175 او 180 ...
طبعا سرعه كبييييييره جدااااااااااااااا
لقيت ادامى عربيه مرور فى اليمين ..
و جمبه عربيه تانيه مش فاكر ايه ..
المهم قلت انا لو فرملت هفرمل جااااااامد اوى و ممكن متجبنيش ...
قلت اخد غرزه...
هوووووب
داخل الغرزه ...
اكتشفت انها متجبنيش اصلا ...ههههههههههههههههه
لانى كنت سرحان ابص اشوف عربيه المرور راكبها عسكرى بس ولا معاه ظابط ..!!
مش عايز اقولها الحركات الى عملتها بالعربيه فى نص الطريق ..
وااااااااااااقف على الفرامل ..
و عمال اجيب العربيه يمين و شمال على ما تهدى ...
و الحمد لله عدت على خير ...

مره تانيه معدى من ادام معرض عربيات فى طنطا ..
و الطريق ادامه واقف ...
صحبى بيقولى بصصصصصصصص العربيه دى ..
اديرت ابص ...
و سرحت
طاااااااااااااااااااااااا اااااااخ
دخلت فى الى ادامى هههههههههههه


مش فاكر ايه تانى بس المواقف كتير !!ههههههههه

يا ما فى الجراب يا حاوى
هههههههههههههههههه
مش عارف احكى عن كل يوم بسوق فيه العربية
يييووووووووووو ما تعدش
هههههههههههههههههه
بلاش فضايح وخلينا مستورين
................................*
محمود عينو

غلطه عمرى انى جريت ورا بى ام فى صلاح سالم و مشين على 100 تقريباً مش بجنون وعلى الشمال , عربيه اصفر كنارى 127 عايزه تلف و ترجع , انا لمحت حاجه صافره دخلت قدام البى ام و نور فرامل البى ام نور و العربيه وقفت :C_laugh[1]: و اتسوحت انا وكل الناس الورايا و لقيت واحد معدى من جمبى بالفرامل و فى ظرف ثانيه الطريق كله كان حيلبس فى بعضه انا اساساً لحد دلوقتى معرفش وقفت ازاى من غير مدخل فيه دى الفرامل قفشت و زحلقه و عينى وجعتنى و صدعت و رجلى سابت :C_laugh[1]: و هو ولا الهوا ولا كأنه كان ماشى على 20 , من سعاتها و انا استحاله امشى ورا بى ام تانى

انا كنت ماشى فى طريق زراعى بسرعه
والرؤيه كانت صعبه من الاتربه
ومره واحده اتفاجئت بمطب عالى جدا
ولحظات وطوخ طاخ طوخ
ومش عارف مين اللى طفى النور ساعتها
والحمد لله كانت شوية خساير بسيطه

اقتباس:

---

المشاركة الأصلية كتبت بواسطة m2die4

غلطه عمرى انى جريت ورا بى ام فى صلاح سالم و مشين على 100 تقريباً مش بجنون وعلى الشمال , عربيه اصفر كنارى 127 عايزه تلف و ترجع , انا لمحت حاجه صافره دخلت قدام البى ام و نور فرامل البى ام نور و العربيه وقفت :c_laugh[1]: و اتسوحت انا وكل الناس الورايا و لقيت واحد معدى من جمبى بالفرامل و فى ظرف ثانيه الطريق كله كان حيلبس فى بعضه انا اساساً لحد دلوقتى معرفش وقفت ازاى من غير مدخل فيه دى الفرامل قفشت و زحلقه و عينى وجعتنى و صدعت و رجلى سابت :c_laugh[1]: و هو ولا الهوا ولا كأنه كان ماشى على 20 , من سعاتها و انا استحاله امشى ورا بى ام تانى

---

هو يا باشا كلوكوا بتجروا ورا البي ام ولا ايه:36_1_34[1]:

أنا بقى عملت حاجه مش متخيل الغباء دا جالى منين!
مره كنت بجرى على مصر السويس بعربيتى القديمه
وهفت فى دماغى أشوف لو دوست فرامل وبنزين العربيه هتمشى ولا هتقف
غباء غباء مستحكم
وعلى 100 كم فى الساعه روحت ضارب فرامل بالشمال مع بنزين باليمين
طبعا العربيه فرملت فرمله!
غير صوت الفرمله الى سورنى
كان فى أصوات ناس بتنده على حيوانات
وماشاء الله أبويه أتشتم وأمى أتبهدلت وأجدادى وأسلافى
و كل فرد فى العيله أتشتم فى اليوم دا
أنا بعدها كنت ماشى واحده واحده من هول الصدمه
عايز أقول أنى كأنى كنت ماشى وكل الناس الى ورايا بيعدوا واحد واحد يشتمنى وأنا طبعا مقدرش أرد
أتذليت فى اليوم دا وعمرى مهنسى قد أيه أنا كنت "حمااااااااااااااار" :))

اقتباس:

---

المشاركة الأصلية كتبت بواسطة cryptonx

اول ماكنت بتعلم سواقة ... واحد طلع من uturn قدامي بعربية شاهية و خمس في ال uturn و حرق و طلع !

قلت انا مش اقل من الشاهين ... و رحت عامل زيه .. بس طبعا متوقعتش رد فعل السيارة و النتيجة اني لفيت نصف لفة و كنت حكمل في الرصيف .. علشان تاخر رد فعلي في رد الدركسيون .. و طلعت ,, و الناس ضحكت عليا .. و بطلت الف من ال u-turn ده من ساعتها :)

---

جامد أوى الموقف دا :))))))
وحته أنك لما تعمل حاجه غلط فى مكان متعتبوش تانى
أنا كدا بردو :)))))

اقتباس:

---

المشاركة الأصلية كتبت بواسطة normal

جامد أوى الموقف دا :))))))
وحته أنك لما تعمل حاجه غلط فى مكان متعتبوش تانى
أنا كدا بردو :)))))

---

اه بحس اني لو رحت هناك .. الناس هي هي حتعد تضحك ! عقدة نفسية بقى :)

زي برده مرة لقيت تجمهر قبل كوبري الميرغني .. و بي امات و ميني كوبر و مش عارف ايه .. و لقيت واحد بجراند بونتو متروشة واقف .. قلت اهه ... انضف مني .. بس نفس الماركة .. رحت دايس بنزين كدة اي كلام قلت اسمعهم حتى صوت الفلتر الk&n :)

العربية بطلت ....

لعنت اليوم الي جبتها و اليوم الي سقت فيه .. و طلعت اجري .. و دي كانت اخر مرة امر جنب الناس دي :)

اقتباس:

---

المشاركة الأصلية كتبت بواسطة medo2o1o

هو يا باشا كلوكوا بتجروا ورا البي ام ولا ايه:36_1_34[1]:

---

و الله و لا كان فى دماغى اصلاً بس بعد الموقف ده بقى فى دماغى :M_yes[1]: بقيت ببعد عن ايه عربيه بى ام او مرسيدس ماشيه او بتجرى و على فكره يا باشا انا مفهمتش حاجه من الموضوع التانى :C_laugh[1]: دى انا غلبان والله :C_laugh[1]: لو قلتلى ده احسن من ده من غير دليل حقلك ماشى علشان مش بفهم فى الحاجات دى لحد دلوقتى عمال اقرأ و احاول افهم باقى الموضوع مش فاهم حاجه

اقتباس:

---

المشاركة الأصلية كتبت بواسطة m2die4

و الله و لا كان فى دماغى اصلاً بس بعد الموقف ده بقى فى دماغى :M_yes[1]: بقيت ببعد عن ايه عربيه بى ام او مرسيدس ماشيه او بتجرى و على فكره يا باشا انا مفهمتش حاجه من الموضوع التانى :C_laugh[1]: دى انا غلبان والله :C_laugh[1]: لو قلتلى ده احسن من ده من غير دليل حقلك ماشى علشان مش بفهم فى الحاجات دى لحد دلوقتى عمال اقرأ و احاول افهم باقى الموضوع مش فاهم حاجه

---

المرسيدس الاول يجى بعد كدة البى ام :I_angr1[1]:

الموضوع التانى crypton x جاب من الاخر و اى حاجة انا فى الخدمة

موضوع زي العسل

انا بقى ولسه من كذا يوم وموقف ما يتحكيش
وكأنى لسه بتعلم السواقة

كنت مع صاحبى ورحنا طنطا ورجعنا ونزلنا من العربية وراجعين تانى وهو كان شايل حااجات فهو ادانى مفتاح عربيته عشان اديرها
هو كان موقف العربية جنب جدار بالظبط بينه وبين الجدار حاجة بسيطة والجدار على شماله
والمفروض انى عشان ادير هاجى بالعربية قدام شوية لحد ما ابقى في نص الشارع بعدين ارجع بضهرى واكسر يمين وانا راجع عشان اخش في الشارع اللى ورانا واعدل نفسى
قام هو زي الباشا وبعد مانا عشقت الاولانى
قاللى لا لا لا انت ترجع ورا بضهرك احسن
وقام هو معشقلى المارشدير ووقف هو برة
قلت له اركب قاللى لا خلينى برة عشان ابقى شايف معاك
طبعا في اللحظة دى انا نسيت الجدار اللى جنبى ولخمنى من حركة المارشدير اللى هو عشقهولى واعتمدت على توجيهاته من برة

ورجعت بالعربية وانا باصص ورا وناسى بوز العربية وكسرت يمين وانا لسه جنب الجدار ( مانا نسيته بقى ) وطبعا هوووب صديت فيه ببوز العربية من الشمال و الفانوس والاكصدام طلعوا والرفرف حك ودخل لجوة حتة بسيطة جنب الاشارة
طبعا انا اتلخمت جبت الاول وعدلت بسرعة وجاى اجيب مارشدير تانى مش راضى ييجى
اتارى له سوستة وهو ما قالليش
نزلت اتفرج طبعا على اللى حصل
وطبعا انا اتنكدت في اليوم ده و اليوم باظ بعد ما كان يوم زي الفل
بس الحمد لله ركبنا كل حاجة ورجعت زي ماكانت باستثناء الحكة اللى في الرفرف


فنصيحة خلى بالك لو حد هيقف يشاورك وانت بتدير برضه تعتمد على نفسك وما تعتمدش على كلامه بس ولازم تبص ووانت راجع لورا اوعى تنسى تبص قدام وبص بصة واحدة لورا وبعد كدة استخدم المرايات

اقتباس:

---

المشاركة الأصلية كتبت بواسطة medo2o1o

المرسيدس الاول يجى بعد كدة البى ام :I_angr1[1]:

الموضوع التانى crypton x جاب من الاخر و اى حاجة انا فى الخدمة

---

اه ماشى المرسيدس و بعدين البى ام :M_yes[1]: مع ان البى ام اقوى :36_6_3[1]: بهزر معاك يا باشا
و هو فعلاً crypton x رده حلو , و اى حاجه فى التكنولجيا حجيلك يا باشا :Ta_clap[1]:

فعلاً الواحد اتعلم ميكبسش ورا بي إم أبداً

http://i201.photobucket.com/albums/a...A4-BMW525i.jpg

لأنه لما بيقرر يقف .. بيقف في نص ثانية ، مهما كانت سرعته :B4_048:

لكن إحنا غلابة عايزين تلات أربع أيام على ما نقف

اقتباس:

---

المشاركة الأصلية كتبت بواسطة cryptonx

زي برده مرة لقيت تجمهر قبل كوبري الميرغني .. و بي امات و ميني كوبر و مش عارف ايه .. و لقيت واحد بجراند بونتو متروشة واقف .. قلت اهه ... انضف مني .. بس نفس الماركة .. رحت دايس بنزين كدة اي كلام قلت اسمعهم حتى صوت الفلتر الk&n :)

العربية بطلت ....

لعنت اليوم الي جبتها و اليوم الي سقت فيه .. و طلعت اجري .. و دي كانت اخر مرة امر جنب الناس دي :)

---

ههههههههههههههههههههههههه ههههههههههههههههه


انا عملت موقف غبي جدا بس كان بعربية واحد معرفة
كانت عربية زيرو و اداهاني اجربها
و كانت اول مرة اسوق اتوماتيك

و حضرتي بنصاحتي جبت ال p قبل ما العربية تقف تماما

أول لما جيت أمريكا من ١٢ سنة كان ال-snow بالنسبة ليا حاجة جديدة ، وكان معايا ساعتها نيون السنة بتاعتها. وكنا راجعين أنا وأصحابي الساعة ٢ الفجر ومشغلين أغاني عربي لزوم تحلية مرارة الغربة وكدة . وال-snow كان عامل أكتر من سبعة إنش ( 7 inch ) وداه كتير جداً ، أكتر من 5 الطريق ماتعرفش تمشي عليه غير 4 في 4 ،دة غير إن ال-insurance مش بيغطي لو عملت حادثة . بس الكويس إن البوليس ماكنش لسة قفل الطريق وساعتها مفش غير اننا ننام فالعربية . ف قررت أعمل خمسات على الثلج وديه أسهل خمسات ممكن تعملها في حياتك .الثلج ناعم والعربية بتزحلق من غير أي مجهود . وفعلاً عملت ثلات خمسات يمين في اتنين شمال وبعمل الثالثة وطراااخ. نزلت أشوف فيه إيه لاقت العربية لبست ف الرصيف العالي إلي كان مستخبي تحت الثلج وفردة الكاوتش مفرقعة والجنط ضايع. شكرت ربنا إن أير بج مفتحش أو حصل حاجة في الصاج علشان لو كان ، كنت كعت ثمن العربية من ثاني ، ومفش insurance هيدفع.
إلي إتعلمتو اني أعمل خمسات في حتة أنا عارفها ومش فالشارع ،ذي ال-parking ، بس صدقوني أحلى خمسات بتاعة ال-snow ، ده حتى مبتتعبش الموتور أو تحرق الكاوتش

معلومة ، العربيات السحب أمامي أحسن بكتر من الجر الخلفي على ال-snow . الخلفي ممكن تغرس منك ولو حاولت تدوس وتطلع ، تغرس أكتر . الأمامي عمرها متغرس أبدا . بس 4 في 4 هي التوب في المواقف ديه

زي برده مرة لقيت تجمهر قبل كوبري الميرغني .. و بي امات و ميني كوبر و مش عارف ايه .. و لقيت واحد بجراند بونتو متروشة واقف .. قلت اهه ... انضف مني .. بس نفس الماركة .. رحت دايس بنزين كدة اي كلام قلت اسمعهم حتى صوت الفلتر الk&n :)

العربية بطلت ....

لعنت اليوم الي جبتها و اليوم الي سقت فيه .. و طلعت اجري .. و دي كانت اخر مرة امر جنب الناس دي
ههههههههههههههههههههههههه هههههههههههههههههههههه
موقف جامد
انا برضة حصل معايا موقف زية
كنت مرة فى المعمورة وطبعا انتو عارفين المعمورة واللى بيعملوه العيال هناك
وانا كنت لسة بتعلم السواقة وراكب عربيتنا اللادا (الله يرحمها ) وسخنت بقى من واحد ببى ام وعمال يامرك وهو ماشى على الغيارات وادام سلطانة ابل المطب روحت حارق بنزين جامد
وجيت اطلع
هوووووووووووب
العربية بطلت وكان فى عيال واقفة وماتو على نفسهم من الضحك وانا كنت فى نص هدومى:stink[1]:

اقتباس:

---

المشاركة الأصلية كتبت بواسطة cryptonx

رحت دايس بنزين كدة اي كلام قلت اسمعهم حتى صوت الفلتر الk&n :)

العربية بطلت ....

لعنت اليوم الي جبتها و اليوم الي سقت فيه .. و طلعت اجري .. و دي كانت اخر مرة امر جنب الناس دي :)

---

ههههههههههههههههههههههههه هههههههههه
جاااامد قووووي الموقف دة
ههههههههههههههههههههههههه هههه

اقتباس:

---

المشاركة الأصلية كتبت بواسطة cryptonx

اه بحس اني لو رحت هناك .. الناس هي هي حتعد تضحك ! عقدة نفسية بقى :)

زي برده مرة لقيت تجمهر قبل كوبري الميرغني .. و بي امات و ميني كوبر و مش عارف ايه .. و لقيت واحد بجراند بونتو متروشة واقف .. قلت اهه ... انضف مني .. بس نفس الماركة .. رحت دايس بنزين كدة اي كلام قلت اسمعهم حتى صوت الفلتر الk&n :)

العربية بطلت ....

لعنت اليوم الي جبتها و اليوم الي سقت فيه .. و طلعت اجري .. و دي كانت اخر مرة امر جنب الناس دي :)

---

ياااااه
أنا بحرج جدا بردو من المواقف دى :)))))))
بس أنت راجل زى العسل :)

اتكلمة لمسيرة الاهانة من البى امات .......كان ماتش مصر والجزاير الاول وكنت مع ابويا بنجيب سراميك وعايز الحق الماتش وكان الشوط الاول بدا ....طبعا مع الحج معرفش اجرى تماما واول ما وصلتة البيت ........عيشت الانوس دور الفيرارى ههههه وضربت انتظار مع النور العالى علشان الحق صحابى والماتش .................المهم مكنتش بشيل رجلى خالص من على البنزين ومقضيها غرز للاسف تقريبا كلها مقفولة وقابلنى مطب وبهدى ولسة بطلع الاقى عربية بى ام كبرلية الدبانة بتفرك جمبى وبتشد .... سبحان الله انا طلعت منة فى الطلعة معرفش ازاى فكملت معاة اول ما جبت التانى عدانى وقلت عادى مش فاضيك وسبتة وبحود ....لقيتة حود جمبى وبيكلمنى وبيقولى حلوة روح المنافسة بتاعتك وبيضحك ....قولتلة مش عيب عليك انى ب 85 حصان اطلع منك لحد 50 ....الاخ الدم جرى فى عروقة وكمل ورايا تانى وشد معايا لتانى مرة بس بس ههههههه علمنى الادب بجد وعملى باباى .....وهدى تانى عند مطب ومستنينى قال ... قلت اخدها من قاصرها دة فاضى وكفاية احباط لحد كدة ........اول ما وصلتة لقيتة بيضحك يبقولى ها تيجى تانى ولا كفاية عليك كدة قلتلو ربنا يسهلك يا عم عارف انا عربيتى عجوزة ملهاش فى الكلام دة ....وهووووووب لسة بيطلع وبينزل من المطب عربيتة بطلت منة ........حقيقى عمرى ما هعرف اوصف شكلة وهو بيقولى عمرها ان اول مرة تحل معاه ومكسوف وصاحبة بيضحك جمبة وخصوصااا عربيتة كابورلية ...........بس للامانة خلانى قربت احلم بيها بليل فى اليوم دة ....

بصراحه كتيييييييييييييييير
بس اهمها اني خدت طريق الزقازيق المنصوره في تلت ساعه لما بلوغوني بوفاه جدتي طرت على هناك

اغبى حاجة انك وانت داخل على الكافيتريا تبص على اصحابك و تشوفهم قاعدين ولا لأ و انت سايب العربية ماشية منك و انت باصص جنبك و تروح خابط فى العربية الى قدامك و فانوس الاشارة اليمين عندك يتكسر

في الايام الاولى من تعليم القيادة ,, حاجات كتيير بتحصل

اقتباس:

---

المشاركة الأصلية كتبت بواسطة medo2o1o

المرسيدس الاول يجى بعد كدة البى ام :I_angr1[1]:

الموضوع التانى crypton x جاب من الاخر و اى حاجة انا فى الخدمة

---

الله يكرمك يا باشا انا بساعد بس في الانا بفهم فيه :)

اقتباس:

---

المشاركة الأصلية كتبت بواسطة m2die4

اه ماشى المرسيدس و بعدين البى ام :M_yes[1]: مع ان البى ام اقوى :36_6_3[1]: بهزر معاك يا باشا
و هو فعلاً crypton x رده حلو , و اى حاجه فى التكنولجيا حجيلك يا باشا :Ta_clap[1]:

---

الف شكر مش كل التكنولوجيا والله .. بس اهو :p

اقتباس:

---

المشاركة الأصلية كتبت بواسطة mero_love

ههههههههههههههههههههههههه هههههههههه
جاااامد قووووي الموقف دة
ههههههههههههههههههههههههه هههه

---

اقتباس:

---

المشاركة الأصلية كتبت بواسطة tlrsiap

ههههههههههههههههههههههههه ههههههههههههههههه


انا عملت موقف غبي جدا بس كان بعربية واحد معرفة
كانت عربية زيرو و اداهاني اجربها
و كانت اول مرة اسوق اتوماتيك

و حضرتي بنصاحتي جبت ال p قبل ما العربية تقف تماما

---

اه هو كان جامد فعلا .. يوميها مكنتش طايق نفسي بس من ساعتها و انا بضحك كل مافتكر .

اقتباس:

---

المشاركة الأصلية كتبت بواسطة NoRmAl

ياااااه
أنا بحرج جدا بردو من المواقف دى :)))))))
بس أنت راجل زى العسل :)

---

الله يخليك يا باشا و المهم كلنا نضحك في الاخر :) ربنا يسلمنا من الحوادث .

قبل ماقول الموقف خدوا الموعظة دية ماتسمعش كلام حد ابدا حتى لو من اهل المنطقة
اللى حصل ان اول مرة كنت اروح عند صاحبى فى المعادى وخدتة من البيت واحنا ماشيين كان الطريق فاضى جدا فقولتلة الطريق دة فاضى يعنى اجرى فية براحتى قالى عيييييييب اجرى وشد يامعلم وهات اللى عندك قولتلة ماشى يدوبك جريت جيبت بتاع 130 بس الكلام دة بالعربية القديمة ,والطريق جميل جدا ومافيش غير عربية واحدة قدامى وماشى عادى وانا خلاص جايب 130 وطاير وفجأة الاقى العربية اللى قدامى مفرملة وانا مالحقتش اعمل حاجة لقيت نفسى قدام مطب صناعى حتى مالحقتش ارفع رجلى من على البنزين خدتة ولقيت نفسى طاير فى السما لمسافة 6 متر ونزلت الحمد لله عدلت نفسى
والناس كلها اللى كانت واقفة عمالة ميتة على نفسها من الضحك وانا اصلا نازل بضحك وبشتم فى صاحبى الله يخربيتك انت مش عارف الشارع وحافظة وخلاص مش قادر امسك نفسى من الضحك
اول مرة اركب عربية بتطير

اقتباس:

---

المشاركة الأصلية كتبت بواسطة ahmedtefagad

اتكلمة لمسيرة الاهانة من البى امات .......كان ماتش مصر والجزاير الاول وكنت مع ابويا بنجيب سراميك وعايز الحق الماتش وكان الشوط الاول بدا ....طبعا مع الحج معرفش اجرى تماما واول ما وصلتة البيت ........عيشت الانوس دور الفيرارى ههههه وضربت انتظار مع النور العالى علشان الحق صحابى والماتش .................المهم مكنتش بشيل رجلى خالص من على البنزين ومقضيها غرز للاسف تقريبا كلها مقفولة وقابلنى مطب وبهدى ولسة بطلع الاقى عربية بى ام كبرلية الدبانة بتفرك جمبى وبتشد .... سبحان الله انا طلعت منة فى الطلعة معرفش ازاى فكملت معاة اول ما جبت التانى عدانى وقلت عادى مش فاضيك وسبتة وبحود ....لقيتة حود جمبى وبيكلمنى وبيقولى حلوة روح المنافسة بتاعتك وبيضحك ....قولتلة مش عيب عليك انى ب 85 حصان اطلع منك لحد 50 ....الاخ الدم جرى فى عروقة وكمل ورايا تانى وشد معايا لتانى مرة بس بس ههههههه علمنى الادب بجد وعملى باباى .....وهدى تانى عند مطب ومستنينى قال ... قلت اخدها من قاصرها دة فاضى وكفاية احباط لحد كدة ........اول ما وصلتة لقيتة بيضحك يبقولى ها تيجى تانى ولا كفاية عليك كدة قلتلو ربنا يسهلك يا عم عارف انا عربيتى عجوزة ملهاش فى الكلام دة ....وهووووووب لسة بيطلع وبينزل من المطب عربيتة بطلت منة ........حقيقى عمرى ما هعرف اوصف شكلة وهو بيقولى عمرها ان اول مرة تحل معاه ومكسوف وصاحبة بيضحك جمبة وخصوصااا عربيتة كابورلية ...........بس للامانة خلانى قربت احلم بيها بليل فى اليوم دة ....

---

هه هه هه انا خلاص هاموت على نفسى من الضحك مش قادر خلاص
:pointi~2[2]: :pointi~2[2]: :pointi~2[2]:

هى حاجات غير مقصودة...
مرة الفردة اللى قادم نزلت فى بلاعة بالكامل والعربية مسنودة على الاكصدام والعتبة...
ومرة وانا راجع بضهرى خبطت فى عمود نور تخين شوية...
ومرة وانا راجع بضهرى ضلعت فوق الرصيف...
وكنت مرة بظبط الكاسيت وانا ماشى وبرضه العربية طلعت فوق الرصيف...
وكان فى شارع مفروش رملة وقلت متجرب تخلى العربية تعوم ياواد يابو عاطف وكانت النتيجة انى لبست فى كومة رمل...
:))