عرض للطباعة
السلام عليكم ورحمة الله وبركاته.
انا الحمد لله بقالي حوالى سنتين بسوق الكورولا mmt يوم الخميس اللى فات كنت واخد عربية زميل والدي فابيا الجديدة اوتوماتيك ستيب ترونيك 6 نقلات لقيت نفسي مش عارف اتكيف معاها خالص ومش عارف اظبط رجلي علي الدواسة كل شوية الاقي نفسي عملت كيك داوت من غير ما اقصد.
الصراحة احساس غريب لأني عارف ان الأوتوماتيك العادي اريح شوية من الmmt في النمط الأوتوماتيك.....حد جرب الموضوع ده قبل كده.
أنا جوزي من فترة كنا رايحين مشوار بعربيتي الصني الاوتوماتيك و بجد أول ربع ساعة كنت حجيب اللي في بطني من الخضخضة اللي كان بيعملها. و كان بيحلف انه متلخبط و حاسس انه مش عارف يسوقها. مع انها قعدت معاه سنتين و هو معاه ال mmt من شهرين بس. بس كل ما أركب معاه بيقول شعر في ال mmt و التحكم و السحب الرهيب, و لسة امبارح بيقوللي انه نفسه ميركبش بعد كدة غير النوع ده من العربيات سواء تويوتا أو غيرها.
انا الحمد لله بركب كل انواع الفتيس ..
ههههههه الايزى ترونيك (حبيب الmmt)
و متعود عليه و عاجبنى الحمد لله..
تيب ترونيك فى الاوكتافيا (بتاع الوالد)..
مانيوال فى النص نقل ....(احلى عربيه و احلى فتيس فيهم ههههههههه)...
فمش بحس بمشكله ...
هى مره واحده بس قعدت كتييييييييييير مركبش الاوكتافي
و اول ما ركبتها كنت بخف رجلى و هى بتنقل ..هههههههه
بس فعلا الايزى ترونيك و ال mmt قمه التحكم و السيطره ...
خلى بالك يا ابو وليد ..
الفابيا و الاوكتافيا اساسا استجابه دواسه البنزين فيهم بطيئه شويه ..
و الصح انك تحط رجلك بحيث تبقى جايبه الدواسه من اولها لاخرها ...
الى يتعود على سواقة mmtحيحبه جدا خاصة لة بيسوق مانول
فعلا حاجة غريبة لإن الاتوماتيك العادى أسهل و اريح من الـ mmt لإنه بدوس بنزين و خلاص عكس الـ mmt اللى لازم تخفف رجلك كل شويه فى وقت النقلاتاقتباس:
المشاركة الأصلية كتبت بواسطة ابو الوليد المصرى
هو الشيء الغريب اني كنت متوقع اني هدوس وخلاص لكن برضه عمال الاقي كل شوية الموتور صوته علي ابص انا ماشي علي الغيار الكام.اقتباس:
المشاركة الأصلية كتبت بواسطة sharky
يبقى يإما كنت بدوس على الدواسة بطريقة مفاجئة أو كنت كابس على الدواسة فبتنقل عند rpm عالى او ان السيارة فيها حاجة مش مظبوطةاقتباس:
المشاركة الأصلية كتبت بواسطة ابو الوليد المصرى
لأ...انا اتعودت في الmmt ان كل ما اكبس مع طلعة الغيار الrpm يعلي لغاية ما اخف رجلي تروح العربية واخد الغيار اللى بعده لكن في الأوتوماتيك العادي الفتيس بيتلكك علشان ينقل ....مافيش تحكم في العربية.اقتباس:
المشاركة الأصلية كتبت بواسطة Sharky
يعنى ايه الفتيس بيتلكك علشان ينقل ؟؟؟اقتباس:
المشاركة الأصلية كتبت بواسطة ابو الوليد المصرى;3872498172[size=4
و ازاى مافيش تحكم فى العربية ؟؟؟؟
مافيش تحكم في العربية يعني مافيش تحكم في النقلة بتاعتها كل ماتزود بنزين تروح عاملة كيك داون حتي لو زودت سنة بسيطة ماتعرفش تحرق علي الغيار وتوصل لrpm عالى علشان تستفيد من عزم العربية.اقتباس:
المشاركة الأصلية كتبت بواسطة Sharky
هى مش تيب ترونيك ؟اقتباس:
المشاركة الأصلية كتبت بواسطة ابو الوليد المصرى
انقل على المانيوال و انت تقدر تقرص على نفس النقلة براحتك و تتحكم فى ميعاد النقلة :)
على فكرة يا محمد لما العربية تعمل كيك دون يبقى دا معناه جابت نقلة اقل علشان تجيب rpm عالى و تستفيد من عزم العربية
كانت تيب ترونيك...بس حتي لما تجيب النقلة الأقل الrpm مش هيوصل لحدود الخط الأحمر هتلاقي برضه العربية بتنقل بدري يعني في الmmt بجيب وانا علي الوضع الأوتوماتيك 6200لفة ودي اقصي حاجة قبل الخط الأحمر لكن في الأوتوماتيك العادي عمرها ماتوصل لعدد اللفات دي.اقتباس:
المشاركة الأصلية كتبت بواسطة Sharky
اقتباس:
كانت تيب ترونيك...بس حتي لما تجيب النقلة الأقل الrpm مش هيوصل لحدود الخط الأحمر هتلاقي برضه العربية بتنقل بدري يعني في الmmt بجيب وانا علي الوضع الأوتوماتيك 6200لفة ودي اقصي حاجة قبل الخط الأحمر لكن في الأوتوماتيك العادي عمرها ماتوصل لعدد اللفات دي.
دا نتيجة لإنك ما بتفضلش تقرص على النقلة للأخر و بتخف رجلك :)
انقل على المانيوال و انت تقدر تقرص على نفس النقلة براحتك و تتحكم فى ميعاد النقلة :)
عشان فى تكه فى اخر الدواسه ...اقتباس:
المشاركة الأصلية كتبت بواسطة ابو الوليد المصرى
لما تدوس عليها هتوصل معاك ل6200 :36_7_7[1]:
غريبة ! مع ان الاوتوماتيك سهل جداً دوسه واحده والسلام
أيوة بس السواقة بصفة عامة تعود. الواحد أول ما بيبتدي يسوق بيبقى مركز أوي في كل حركة بيعملها, بمرور الوقت بيبتدي يتصرف بشكل تلقائي. يعني ممكن تلاقي واحد سايق و هو مركز مع الراديو أو مع واحد جنبه أو سرحان انما اللي لسة بيتعلم صعب. عشان كدة لما واحد بيسوق مانيوال على طول مثلا ييجي يسوق أوتوماتيك تلاقيه متلخبط في أول شوية مش لصعوبة سواقته, بالعكس زي ما حضرتك بتقول الأوتوماتيك دوس بنزين و خلاص, انما هو التعود ممكن مثلا يخليه يدوس فرامل مع بنزين زي ما بيعمل مع الدبرياج و كدة.اقتباس:
المشاركة الأصلية كتبت بواسطة د.محمود صلاح
طيب حضرتك جرب تشيل رجلك من علي الدواسه وبعد كده دوس لاخر الدواسه :M_yes[1]:
هتلاقي ال rpm وصل ل 6000 مره واحده ( كيك داون )
الموضوع دة عادى جدا
مرتبط بالتعود على عربيتك اللى انتا راكبها
انا بقالى تلات سنين بسوق اوتوماتيك عادى
لما بجى اسوق مانيوال ياما بحرق على الغيار يااما بنقل بدرى اوى
فا دا عشان انتا متعود على طريقة سواقة واحدة
عندك حق ياخالد فعلا الايزى ترونيك ماشاء الله فظيع انا ركبتة مرة كان سحبة جامد بس كانت العربية بتنتش فى الغيارات عشان انا ماكنتش بشيل رجلى من على الدواسةاقتباس:
المشاركة الأصلية كتبت بواسطة khaled ayman
وبعدين انتا اوبلاوى صميم ايه اللى جابك هنا؟
انا بهظر معاك انتا تشرف وتلف المنتديات كلها براحتك
انا بتابع تعليقاتك واستفدت منها كتير فى الفيكترا سى
بجد انتا راجل محترم
والله انا معرفش ايه اللى جاب خالد هنا في قسم تويوتا مع انه بيكره العربية دي اوي وشايل منها جامد واول مابييخرج من قسم تويوتا بيقول عليها كلام غير اللى بيقولوا هنا خالص.اقتباس:
المشاركة الأصلية كتبت بواسطة momo_sunny