بجد انا عايز اسيب الدنيا دي و امشي
بجد انا عايز اسيب الدنيا دي و امشي لاني بجد معنتش لاقي سبب للحياه
المختصر المفيد اني المفروض اشتغل مع واحد صاحبي زي ما كتبت في موضوع قبل كده من كام يوم المهم نزلت النهارده الشغل اتلاقيته بيقولي انا مش عايزك معايا الصبح لانك مش هتنفع ( دي كلمه حد يقولها لواحد صاحبه ) فعايزك معايا بليل و انا طبعا مينفعنيش الشغل بليل لان ايه ربنا بتقول و جعلنا النهار معاشا و غير كده انا بحب بليل اخرج او اتفرج علي التليفزيون او اخش علي المنتدي كده يعني و الصبح الشغل يكون فيه اجيبه شمال اجيبه يمين مش راضي و قاعد يقولي متنهيش في قلبي و الكلام الفاضي ده قلتلته حرام الشغل بليل لانه مش جايب همه اصلا ( لان المحل ايجار ) فقالي اصلا المرتب هيكون 200 او 250 جنيه ده ... بالذمه ده كلام في فلوس ... المرتب ده ميكفنيش اسبوع اساسا لان الواحد الحمد لله رب العالمين مبخدش مليم من اهلي و الواحد مصاريفه كتيره قمت قلتله ده اخر كلام قالي اه و مش هينفع غير كده فقلتله براحتك و سيبته و مشيت ... و هو ده صديقي القدوه اللي بعتبره اخويا الكبير قاعد يقولي انت معايا الصبح و و و و اتلاقاه يقولي الشغل بليل و المرتب 200 جنيه و كمان لا في تلفزيونات و لا نت في المحل يعني شغل ملل من الاخر ... و انا ماشي اتصلت بواحد صاحبي يجيلي بالعربيه بتاعته لاني كنت مخنوق و عايز انزل البلد بس لو سقت كنت هخيش المهم صاحبي جالي و احنا ماشين وقفنا في اشاره قبل المحكمه و لما فتحت بدأنا نتحرك بالعربيه نتلاقي العسكري بيسجل النمر بتاعتنا طبعا انا نزلت اقوله في ايه ؟ يقوم ال........* يرد عليا بتناكه و يقول اننا كسرنا الاشاره و الله العظيم كنا رابطين الحزام و ما في اشاره اتكسرت لغايه ما مسكنا فيه و الناس اتلمت لان حرام مخالفه زي دي صاحبي ياخدها علي الفاضي لان ال........* نازل من بيتهم يسترزق ... و احنا بقه مروحين نتلاقي واحد بعربيه نقل و الله العظيم طااااااااااير بالعربيه و داخل عكس اتجاه في طريق يعتبر طريق سفر المهم عشان نتفاده طلعنا علي الرصيف بالعربيه و جنط صاحبي اتكسر و الواد الشهاده لله ما اعترض علي اللي بيحصله بسببي المهم بدلنا الجنط و قعد معايا تحت بيتنا شويه و قام ماشي و انا قلت لازم اشتغل يعني لازم فقمت داخل علي المصانع بتاعت الاستثمار دخلت اقدم اتلاقي معامله زي الزفت كاني رايح استلف منهم فلوس و كلام بمنتهي التناكه و هو انا يعني عشان مش عايز افتح مشروع خاص بيا في المحافظه التيت اللي انا ساكن فيها يبقي يتعمل فيا كده ... انا مش عارف اعمل ايه بجد ؟ امتي هشتغل شغل محترم زي الناس و ابتدي ابني حياتي عشان اتجوز ... انا بصلي الخمس صلوات و امي راضيه عني و الحمد لله مش عارف اعمل ايه بالظبط ؟
معلش طولت عليكم عشان انا مخنوق