ركبت Parking Sensor و وحدة رفع بالتوكيل للصنى 2010
أعتذر عن التأخير حيث بموضوع سابق عن صيانة الـ 1000 وعدتكم بتفاصيل هذه المغامرة و لكن لظروف عملى الفترة الماضية لم أستطع عمل هذا الموضوع
ندخل فى تفاصيل الموضوع طبعاً أنا قرأت هنا فى المنتدى عن بعض الأراء التى تريد تركيب وحدة رفع و Parking sensor و كانت بعض الأراء بتقول نركبهم بره التوكيل علشان السعر حايبقى أقل و ناس تانية ترد يقولوا كده ممكن العربية تخرج من الضمان و ناس تالتة تقولك خد بالك اللى بره ممكن ما يكونش أصلى و ترد ناس رابعة تقولك و العزيز و الغالى قطع أصلية و مع إحترامى لكل أراء أخوانى و زملائى هنا فى قسم نيسان أنا أتعامل مع التوكيل و بس بالرغم من لسعاتهم الغير حلوة بالمرة (فى أسعارهم دائماً) فى أحيان كثيرة و لكنى أضمن قطع الغيار الأصلية و الخبرة فى التعامل مع السيارة و على هذا الأساس قبل الذهاب لعمل صيانة الـ 1000 لسيارتى الصنى المانيول ABS 2010 سألت فى التوكيل عن تركيب Parking Sensor و وحدة رفع فردوا على بأنهم بالتركيب و بالضريبة بـ 550 جنيه و بأن موديل 2010 المانيول مجهزة لتركيبهم و لكن العربية مش بتنزل بهم و سألت بره فلقيت أن فرق السعر مش كتير و لكن فى النهاية أضمن قطع أصلية و خبرة فى تركيبهم و بالفعل قررت أثناء عمل صيانة الـ 1000 تركيبهم بالمرة و فى الحقيقة كنت متوقع أن تركيبهم سيأخذ وقت طويل و كنت قلقان أن ينتج أثناء تركيبهم مشاكل أجدها بعد إستلامى العربية نتيجة سوء التركيب و لكن فوجئت عكس ذلك تماماً فالموضوع إستغرق ساعة واحدة فقط و بالفعل موديل 2010 مجهز لتركيبهم و مش محتاج لعب كتير فى العربية و بعد تجربتهم قمت بتجربتهم و إطمنت أن كله تمام و بالإستخدام و وجدت بالفعل أنهم ضرورة و ليس رفاهية و عملهم كالتالى:
[OVERLINE]وحدة الرفع:[/OVERLINE]
عند عمل قفل من الريموت و لو أنت فاتح الزجاج كله بيغلق زجاج السائق أولاً ثم بعد 10 ثوان يبدأ بغلق زجاج المجاور للسائق وبعد 10 ثوان الزجاج الخلفى واحد تلو الأخر و لما سألت ليه الـ 4 ما بيقفلوش فى نفس الوقت أفادوا أن هذا لزيادة الامان و الضمان لكفاءة البطارية و الـكتاوت
[OVERLINE]Parking Sensor[/OVERLINE]
بمجرد النقل على الرجوع للخلف يبدأ عداد ديجتال بيتم تركيبه بالتابلوه بينور و على مسافة 60 سم من العربية اللى خلفك يبدأ عداد من 1 تناقص تدريجياً 0.9 ثم 0.8 و هكذا مع سماع صفارة متقطعة لحين الوصول لمسافة 20 سم من العربية اللى خلفك يبدأ العداد يقرأ صفر مع سماع صفارة مستمرة و متواصلة
أرجو أن أكون وفقت فى نقل تجربتى هذه لعلها تكون مفيدة للزملاء فى المنتدى و أتمنى التوفيق لجميع زملائى فى قسم نيسان
مجانا فى مودرن موتورز اسكندرية
1000 مبروووك
ممكن صور للعداد داخل التابلووو
كام سعر park sensor فقط بالمصنعية
فى مودرن موتورز اسكندرية قالولى اختار :
1- نركب park sensor و وحدة رفع مجانا عند الاستلام هدية المعرض
2 - خصم على السايارة
انا لسه معرفش حيعملو خصم كام