العربية متبهدلة معايا في فواصل كوبري أكتوبر
الأول كان شغلي في ميدان لبنان، فماكنتش باعدي على كوبري أكتوبر خالص.. دلوقتي نقلت في شغل جديد ورا نادي الصيد في الدقي و عشان بيتنا عند معهد ناصر تقريبا فطريقي هو كورنيش لحد كوبري أكتوبر و بعدين أنزل منه نزلة الدقي و ادخل من جنب وزارة الزراعة على شارع نادي الصيد.
فواصل الكوبري في الحتة دي مش ممممممممممكن.. حاجة بجد مهزلة.. أنا حاسة إني لو مشيت ع الكوبري كل يوم بحالته دي هاغير مساعدين قريب و العفشة هاتبقى في الباي باي :stink[1]:
و كله كوم و المطب الصناعي الغبي اللي على مطلع الكوبري من التحرير ده كوم تاني.. بتبقى العربية واخدة سرعتها عشان ده مطلع كوبري، و تبص تلاقي مطب صناعي مدبب كده بيخلي العربية تنط و هي طالعة :B4_556:
بيقولوا إنهم بيصلحوا الفواصل يوم الجمعة و السبت.. بس كده يا إما الشغل ماشي بطييييييييييييييييييئ.. يا إما ده كان مجرد خبر في الجرنان و خلاص، لإني مش شايفة أي تقدم في الوضع على الإطلاق.