لمن تعطي صوتك في إنتخابات الرئاسة الأمريكية ؟

لو كان ليك صوت في انتخابات الرئاسة الأمريكية .. تديه لمين ؟

وهو عموما الحملات الأكثر نجاحا في أمريكا حملة باراك اوباما و حملة هيلاري كلينتون

و في حالة فوز اي منهما فسيكون حدثا للمرة الأولي في تاريخ أمريكا .. اوباما أول رئيس أسمر اللون و هيلاري أول رئيسة للبلاد
انا لو كنت مواطن أمريكي كنت هدي صوتي لباراك اوباما لأني كنت شفته قبل كدة في عدة برامج قبل موضوع الإنتخابات بكتير (من سنوات ) اما كان حاكم لأحد الولايات الأمريكية ، إلي جانب أرائه الإيجابية بالنسبة لحرب العراق و رفضه لها و رفضه لعدة مواقف في سياسة حكومة بوش

و شايف ان هيلاري مبالغة في حاجات كتير و بتحاول تستعطف النساء من الشعب الأمريكي عشان تاخد صوتهم و بتلزق نفسها في سكة "المرأة" و طبعا جزء كبير من حملتها قائم علي شعبية جوزها الرئيس السابق بيل كلنتون .

انت ايه رأيك ؟

طبعا نبايع السيد الرئيس محمد حسنى مبارك

اقتباس:

---

المشاركة الأصلية كتبت بواسطة t5554983

طبعا نبايع السيد الرئيس محمد حسنى مبارك

---

هههههههههههههههههه

سمعت نكته بتقول ايه

استعان بوش برجال الرئيس مبارك للاستفاده من خبراته فى كيفيه النجاح فى الانتخابات بنسبه 99 %

تفتكروا كانت النتيجه ايه فى انتخابات الرئاسه الامريكيه

قفوا النتيجه الى 99% لمبارك برده

شخصيا حديه لباراك اوباما :)

هيلاري مبالغه اوي في موضوع التلوث و البيئه و السيارات كل شويه اخبارها منرفزه
كل محبين السيارات هههههههههههه

جيمي طبعا !!!!!!!!!!
طبعا انتوا فاهمين ههههههههههههههههه

ياجماعه اذا كان باراك او هيرارى كده كده هي ورقه بتبقي مكتوبه هيعمل ايه طول ماهو في البيت الابيض

اقتباس:

---

و طبعا جزء كبير من حملتها قائم علي شعبية جوزها الرئيس السابق بيل كلنتون .

---

لأ جزء كبير من حاملتها قايم على "علاقة مونيكا" :D:D:D:D

اقتباس:

---

المشاركة الأصلية كتبت بواسطة hamedo0

ياجماعه اذا كان باراك او هيرارى كده كده هي ورقه بتبقي مكتوبه هيعمل ايه طول ماهو في البيت الابيض

---

+ 1000

صندوق زبالة ،،،

هيخرج ايه منه ؟؟؟؟

اقتباس:

---

جيمي طبعا !!!!!!!!!!
طبعا انتوا فاهمين ههههههههههههههههه

---

لا يا باشا مش فاهمين خالص مالص :D:D
يا ريت حضرتك تشرح شوية كمان;)

معلش يا جماعه مع إحترامى ل I2 و لنوكيا و لكل الحبايب فى الحالة دى أحمد هو هو الحاج أحمد هو هو عم أحمد

أى حد هايجى هاينفذ سياسة نظام سواء بمزاجة أو غصب عنه هو ممكن يكون ليه جزء من الحرية فى إتخاذ قرارات فى مساحة صغيرة وهنا بس بتختلف القرارات ودى حاجة مش هاتفرق معانا نهائى لكن الأجندة واحدة لأنه نظام واحد و إللى يحاول يخرج عن النظام هايتفـــــرم قبل ما يفكر يخرج

بصراحه انا صوتي مكتوم بقاله سنين ومش بديه لحد

صوتى طبعا لزميلنا فادى بعد حملته العظيمة للدفاع عن المصالح السياراتية الأمريكية

اقتباس:

---

المشاركة الأصلية كتبت بواسطة memo_hefnawy

معلش يا جماعه مع إحترامى ل I2 و لنوكيا و لكل الحبايب فى الحالة دى أحمد هو هو الحاج أحمد هو هو عم أحمد

أى حد هايجى هاينفذ سياسة نظام سواء بمزاجة أو غصب عنه هو ممكن يكون ليه جزء من الحرية فى إتخاذ قرارات فى مساحة صغيرة وهنا بس بتختلف القرارات ودى حاجة مش هاتفرق معانا نهائى لكن الأجندة واحدة لأنه نظام واحد و إللى يحاول يخرج عن النظام هايتفـــــرم قبل ما يفكر يخرج

---

بالظبط احمد هو الحاج احمد هو ابن عم اخت الحاج احمد هو ابن خالت جوز ام خالت الحاج احمد واحمد بنفسه
لأن كله بيلبس ماسك وخلاص واحنا بنتفرج

أنتم فكرتوني بحكاية قديمة .. أبويا الحاج الله يرحمه كان دايما يحكيها لي ..
كان في أثنين يهود .. وهو عاشرهم لأنه طبعا لحق الأنجليز .. والأجانب .. والحاجات القديمه دى
المهم .. أثنين يهود أخوات .. بيشتغلوا في نفس المحل .. واحد وشه سمح قوى وواحد وشه كشرى ( من تكشير مش من كشرى ) .. ودايما الزبون الجديد يصدروله أبو وش مقلوب ده .. يعكنن عليه ويديله سعر عالي ويقرفه .. وقبل ما الزبون ما يمشي .. ييجي التاني من جوه المحل جرى .. ويلحق الزبون .. ويتخانق مع أخوه .. ويزعق له .. وبعدين يريح الزبون ويفضل يعتذرله .. لغايه ما يهدى ويطمن .. وبعدين كمان يديله هديه صغيره كده فوق البيعه .. أو يخفضله السعر .. ويضرب صحوبيه معاه .. ومن ساعتها .. يبقي الزبون زبون المحل .. وعمره ما يشترى من بره .. ويقبل أى سعر يقولوله البياع السمح .. بس ..
وهي دى اللعبة .. الجمهوريين يضربونا علي قفانا .. وقبل ما نبتدى نتحرك .. يطلعوا الديمقراطيين من جوه الدكانه يطبطبوا علينا ويضبطونا علشان مانشتريش من غيرهم .. طبعا أحنا وبقية العالم كله .. والكلام ده بينسحب علي الجماعة التانيين برضه .. فاكرين لعبة حزب العمل وحزب الليكود .. والأسطوانه الشهيرة بتاعة .. الصقور والحمائم .. حتي ولو علي مستوى الوزارة الواحدة ..
بس هي دى اللعبة .. ولا حول ولاقوة إلا بالله ..
ويموت الحمار ( البلاد المتخلفة ) .. ولا يتعلم ...

وفّر صوتك .. الاتنين نسخة واحدة مهما اتخيلنا غير كده.

مهما كان مش عاوز هيلاري :(

اقتباس:

---

المشاركة الأصلية كتبت بواسطة t5554983

طبعا نبايع السيد الرئيس محمد حسنى مبارك

---

كنت حقولها و الله
احنا لنا بركه غيرررررره

اقتباس:

---

المشاركة الأصلية كتبت بواسطة memo_hefnawy

معلش يا جماعه مع إحترامى ل I2 و لنوكيا و لكل الحبايب فى الحالة دى أحمد هو هو الحاج أحمد هو هو عم أحمد

---

مش للدرجة دى يا محمود

مشروع المحافظين الجدد لسحل العراق وافغانستان الذى بدأه بوش الكبير تأجل حوالى 12 سنة بسبب خروج الجمهوريين من البيت الأبيض، وعاد للحياه مع دخول بوش الضغنن الى البيت الأبيض وتم تنفيذه فى ايام المذكور الميمونة

على المستوى الداخلى فى امريكا ، كل الأمريكان بيقولوا "اللى حوشناه فى ايام كلينتون اتصرف ايام بوش"

وعلى مستوى الشرق الأوسط اتفاقية السلام المصرية الإسرائيلة نفذت فى فترة حكم كارتر الديمقراطى وكل المعاهدات الجادة بين الجانب العربى واسرائيل تم توقيعها والبدء فى تنفيذها فى فترة كلينتون الديمقراطى، وبعد ان عاد المحافظون الجدد للحكم من خلال الحزب الجمهورى ممثلا فى بوش الزوغانان توحشت اسرائيل وتم لحس جميع المعاهدات بلا رداع وغتيل احمد ياسين والرنتيسى وحوصر ياسر عرفات وبقيت الشبهات قوية جدا حول تسميمه

فى هذة الحالة انا اتمنى ان اللى يوصل للحكم يكون ديمقراطى، ولو انى شايف ان فرصهم مش قوية لأنهم البديلين المرشحين لديهم هما سيدة ورجل ملون، وايا كان منهما سيصل لصدارة الحزب والمنافسة على كرسى الرئاسة امام المرشح الجمهورى فستكون لديه نقطة ضعف امام المرشح الآخر لأن المرشح الديمقراطى سيكون أول امرأة تحكم امريكا او أول رجل غير WASP (اختصار كلمات تعنى ابيض من اصل انجلوساكسونى بروتستانى وهى الشريحة الغالبة على النسيج الأمريكى) يحكم امريكا وهذة مخاطرة ارجو ان تكون محسوبة من الديمقراطيين ، علشان العالم يهدا شوية بدل ما الدنيا تولع فى إيران وسوريا ولبنان

أنا كان نفسي بس ياباشمهندس أنك تغير تعبير " أيام المذكور الميمونة " إلي أيام المذكور الميمون .. لأن ده أحلي تشبيه ليه ..

وأنا معاك في أن الديمقراطيين إيديهم أخف علينا من الجمهوريين .. وأن الأجنده بتاعة بوش الكبير أتأجلت .. رغم أن كلينتون الدميقراطي علي ما أتذكر ..ضرب أفعانستان بالتوماهوك وضرب ليبيا بالـ F118بس أنا برضه مع فكرة أن الموضوع بينقسم إلي مراحل .. وده زى ما التاريخ إللي أحنا عشناه دايما يقوله .. سواء معاهم أو مع اليهود .. مرحلة التسخين ومرحلة التهدئة .. والوضع دلوقتي بيستدعي التهدئة .. علشان المستنقع العراقي والأفغاني .. ومحاولة العودة من جديد إلي الدبلوماسية .. الأقل تكلفة والأطول نفسا ..

وأنا برضه بالتأكيد معاك في نقطة الضعف بتاعة الحزب الديمقراطي .. لكن برضه الوضع بيخضع للظروف وممكن الناس دى تكون أسهل في التعاطي من جماعات الضغط نتاج نقاط ضعفهم ..

رغم أني كنت أتمني أنه يبقي لينا أولا حق الأختيار علي المستوى المحلي .. قبل ما يكون لينا علي المستوى الدولي .. وربنا يسترها معانا جميعا ..
تقبل تحياتي ..

وعلي فكرة شفتم لفة الشحاته والمجاملة ..إللي الميمون بيلفها اليومين دول

اقتباس:

---

المشاركة الأصلية كتبت بواسطة Abouelela

وعلي فكرة شفتم لفة الشحاته والمجاملة ..إللي الميمون بيلفها اليومين دول

---

و اللي يغيظك ،،

بيطلب الخليج يزود إنتاج النفط ،،

عشان سعره ينزل ،، و دخلهم يقل ،،

و في نفس الوقت عمال يعقد صفقات اسلحة بمليارات ،، عشان يستنفع

بأسلحة أكيد مالهاش لازمة

اقتباس:

---

المشاركة الأصلية كتبت بواسطة Ahmed Anwer

و اللي يغيظك ،،

بيطلب الخليج يزود إنتاج النفط ،،

عشان سعره ينزل ،، و دخلهم يقل ،،

و في نفس الوقت عمال يعقد صفقات اسلحة بمليارات ،، عشان يستنفع

بأسلحة أكيد مالهاش لازمة

---

المصيبة ان بشاير الزيارة بدات تهل

خدت كده عناوين الاخبار

تدمير مبنى وزارة الداخلية السابق بغزة وتحويل زفاف ببيت مجاور لمأتم

حكومة حماس تدعو مصر إلى ''قرار جريء'' بفتح المعابر لإنقاذ جرحى العدوان


الصورة اللى فى المرفقات ديه نتيجة اخر قصف على وزارة الداخلية


حقا

انها فعلا عائلة محترمة - محدش يقوللى فسر-

على فكرة انا عايز اقول راى فى موضوع الانتخابات الامريكية على اساس انى بتابعها من و انا فى تانية اعدادى
حتى انى كابتن ال جور ساعتها ونائبة اليهودى ليبرمان على ما افتكر وكنت مؤيدهم عن بوش المهم يعنى

ا

انا اول ما افوق شوية من الامتحانات حيكون فيه مشاركة مطولة عن رائى فى الموضوع ده



بس بداية انا اكيد مع باراك حسين اوباما


ولنا فى الحديث بقية

مش لما انتخب في بلدنا الاول؟؟