بمناسبة الاستعداد لفصل الصيف والحرارة ومشاكلها
يا ترى انهو افضل الماكينة اللي في محطات البنزين اللي عاملة زي الغسالة الاوتوماتك ...
ولا الأسطى عميش اللي بينظف الريدياتير يدوي بالطريقة الكلاسيكية
العربية 128 موديل 1996
بمناسبة الاستعداد لفصل الصيف والحرارة ومشاكلها
يا ترى انهو افضل الماكينة اللي في محطات البنزين اللي عاملة زي الغسالة الاوتوماتك ...
ولا الأسطى عميش اللي بينظف الريدياتير يدوي بالطريقة الكلاسيكية
العربية 128 موديل 1996
على فكرة بالنسبة لدورة التبريد
تنظيفها فى البنزينة افضل لآن بيتم مرور المياه عبر الدورة كلها حتى نظفتها تماما ويتم اظافة مزيل للصدأ مع الماء وينصح بأضافة المياه الخضراء بعد التنظيف
أولا ...خيرا يا حاج أحمد هيا الاوبترا قلبت على 28 بعد أخبار العلاوه ال 10 % ولا ايه؟
ثانيا...
الاسطى عميش بفك الريدياتير ويغسله ويسلكه ويعيد اللحام مره تانى ويراجع على اللحامات لو ريدياتير نحاس زى بتاع ال 128 لكن فى البنزينه بيركب الخرطوم بتاع الخارج والداخل على الماكينه اللى زى الغساله دى وبيغسل الدوره بما فيها مسار السائل داخل أجزاء الموتور المختلفه......
انا جربت الاتنين فى ريدياتير السوبارو النحاس.....
الاسطى عميش رجعهولى بيبرق زى ما يكون جديد لكن فوت حته من اللحام خلانى الف السبع لفات لغايه ما عرفت الميه بتنقص ليه...!!!
كمان أخد بتاع ساعتين تنظيف وتسليك.....
لو عايز رأيى لو الاسطى عميش اللى عندك كويس توكل على الله طالما 128 لكن فى الاوبترا والريدياتيرات الفايبر والعربيات الحديثه خليك فى البنزينه.....وتخللص فى ربع ساعه من غير فك ولا لحامات وسيليكون اسود ومنيل.....
انا بس خايف من حركات الصنايعية .... وبعدين ده اسمه عميش ...... اكيد مسمينه كدة عشان نظره ضعيف .... وممكن يفوت زي ما انت بتقول .... وبعدين ساعتين كتير اوي .... ومع عميش ح يبقو 3 ساعات على ما يشوف الردياتير والخراطيم والكوع ..... يظهر اني ح اروح لـ بربش بتاع البنزينة .....
وفي الآخر من عميش لبربش يا قلب لا تحزن
بس كدة البنزينة أضمن
بدون شك فى البنزينة احسن 100 مرة الشغل اليدوى بيشتغل على الردياتير فقط - لكن البنزينة بتنظف الدورة كلها
على فكره الغسيل اليدوى بالنسبه للاسطى عميش ده مش صح
النظر مأثر على كل حاجه ..
انا عن نفسى الاسطى وحيد بيفك الرادياتير وبيظبطو وبيدخل الخرطوم فى مدخل الميه وبيفك المخرج
ويعمل دوره للموتور كلو
ومايشيلش الخرطوم غير لما يلاقى الخارج بينزل ميه شفافه تماما
بعد ماكانت بعيد عنكو ملهاش لون
وانا عن نفسى مش مقتنع بموضوع الغساله الفول اوتوماتك دى لانه مهما غسل كويس مش هاينزل الرواسب الى فى قعده الرادياتير زى الاسطى وحيد
واخيرا احب اقولكو بالنسبه لموضوع الميه الزرقه والخضرا ده كلو فى الهجااااااااااايس
المشكله ان احنا المصريين اى حاجه تنزل جديد نجرى عليها ونقول بنواكب التكنولوجيه :
الميه الخضرا دى مش معموله لمصر ولا ببلاد الحاره اساسا .. دى للبلاد الى علطول تلج وبرد
ايه هى اصلا الميه الخضرا ؟؟ هى ميه عاديه جدا زى بتاعنا بس عليها املاح بحيث تمنع تجمد الميه فى البلاد البارده ! مش فى مصر
(هاقولك حاجه هات شوية ميه فى ازازه وحط فيهم شوية ملح طعام وحتها فى الفريزر. وشوف هاتتجمد ولا لا)
احسن حاجه لعربياتنا الميه الى من الحنفيه .. مع عمل دوره نضافه كل تلت شهور
لا زرقا ولا خضرا كلو فلوس عالفاضى
كلام تمام أوىاقتباس:
واخيرا احب اقولكو بالنسبه لموضوع الميه الزرقه والخضرا ده كلو فى الهجااااااااااايس
المشكله ان احنا المصريين اى حاجه تنزل جديد نجرى عليها ونقول بنواكب التكنولوجيه :
الميه الخضرا دى مش معموله لمصر ولا ببلاد الحاره اساسا .. دى للبلاد الى علطول تلج وبرد
ايه هى اصلا الميه الخضرا ؟؟ هى ميه عاديه جدا زى بتاعنا بس عليها املاح بحيث تمنع تجمد الميه فى البلاد البارده ! مش فى مصر
(هاقولك حاجه هات شوية ميه فى ازازه وحط فيهم شوية ملح طعام وحتها فى الفريزر. وشوف هاتتجمد ولا لا)
احسن حاجه لعربياتنا الميه الى من الحنفيه .. مع عمل دوره نضافه كل تلت شهور
لا زرقا ولا خضرا كلو فلوس عالفاضى
وبالنسبه للحاج أحمد
وبعد الكلام الطيب هذا عن عدم جدوى أستخدام الماء المقطر المضاف أليه الأيثيل جليكول
يبقى المفروض برضه مع موضوع الردياتير
نخلينا مع عميش يبوظ ويبهدل براحته ويفك اللحامات ويعمل اللى عاوزه
دا حتى عميش مبوظلى رادياتير قبل كده
لأنهم بيقولوا فى المثل
القديمه تحلى ولو كانت واحله
ولا علم ودياوله
أخدنا أيه من العلم
ما شعبان عبد الرحيم
شغال ميت فل وأربعتاشر
يا جماعه غسيل الرادياتير بالطريقة دي الاقيه في اي بنزينة و يكلف كام الغسيل بمزيل الصداء بتغير ميه خضراء
100 فل و 17 يا باشمهندس سمير
خلاص بقى خلينا مع العلم وبلاش الاسطى عميش .....
لكن بجد في حاجة لفتت نظري
مش مادة الجليكول دي من المواد اللي بتضاف على المشروبات الغازية زي البيبسي والكوكاكولا.... انا قرأت اسم الجليكول ده من ضمن محتويات الكانز ...... وافهم من كدة ان البيبسي بيزيل الصدأ من جسم الانسان ..... ولا عميش ممكن يكون عميل لشركة كوكاكولا ؟؟؟؟؟؟:36_1_34[1]:
السلام عليكم اولا موضوع الغسيل ده مهم جده وخاصة بدخول فصل الصيف بس لازم يتم يطريقه متكامله لضمان النتائج الممتازه
اولا فك الريادتير وتنظيفه وتسليكه لوحده يدويا عند مختص ويفضل عند واحد مضمون لضمان حبك الغلق بعد الانتهاءمنه
ثانيا التوجه الى محطة بنزين لغسل دورة المياه بالموتور بالكامل ويفضل قبل تلك العمليه التوجه للميكانيكى لخلع او تعليق الترموستات ليتم مرور المياه لجميع اجزاء الموتور كما يتعين التاكد من كافة الكوليهات الحاكمه للخراطيم الخاصه بالمياه -
ثالثاغسيل الدوره كامله بالمياه بواسطة الماكينه الخاصه بذلك ومزيل الصدءحتى تخرج المياه صافيه تماما بدون اى لون
يتم اعادة تركيب الترموستات قبل ملء المياه الخضراء حيث يمكن تركيبه فى المحطه ان امكن ومن ثم ملء المياه الخضراء
(ملحوظه) يمكن ضغط الخراطيم بالهواء قبل التعبئه النهائيه للتاكد من عدم وجودتنفيس فى اى مكان والذى قد يؤدى الى سخونة المحرك واهدار المياه حيث ان كفائة التبريد تعتمد على حبك الغلق لكافة الوصلات-
انشاء الله اكون قدمت حاجه مفيده لاحسن اعضاء باحسن منتدى
المياه الخضراء بها مواد مانعة للصدأ أيضاً
اﻷخوة اﻷفاضل
إذا كانت المياه في الردياتير بتقل بعد استخدام السيارة هل ده طبيعي ، والا المياه في الردياتير لا تقل إلا إذا كان الردياتير غير سليم
شكراً
عايز اقول ان فيه ميزه جامده جدا للمياه الخضراء ان لونها بيبين مكان اى تسريب حتى لو الميه نشفت بيبقى اللون وبيحدد مكان التسريب
ولو فرض وكان مثلما تقولاقتباس:
مش مادة الجليكول دي من المواد اللي بتضاف على المشروبات الغازية زي البيبسي والكوكاكولا.... انا قرأت اسم الجليكول ده من ضمن محتويات الكانز ...... وافهم من كدة ان البيبسي بيزيل الصدأ من جسم الانسان ..... ولا عميش ممكن يكون عميل لشركة كوكاكولا ؟؟؟؟؟؟:36_1_34[1]:
فمشى حتعمل حاجه فى مجارى الأنسان ومش حيكون ذا فائده ( ألا وهو شرب الكانز )
طيب ليه الكلام ده ..................؟
شوفت أنسان مبيشربش ميه من الحنفيه
أبدا ................مفيش
وطالما كده بأه ..............
يبقى خلينا مع عميش ......وبلاش الكانز
حرام عليك بجد. أملاح ايه؟ سائل التبريد يضاف اليه مادة Ethylene glycol و هى ذات ميزتين هامتين: منع التجمد فى الاجواء الباردة جدا (antifreeze) و منع الغليان (boilover protection) برجاء معرفة الجانب العلمى للامور قبل اسداء النصيحة.
و بالمناسبة، فإن المياه التى تكون باقى تركيب سائل التبريد تكون منزوعة الاملااااح demineralised water حتى لا تسبب تاكل اجزاء دورة التبريد.
مع احترامى ليك يااخ اولد بس انا معرفش الاسامى العلميه دى
بس كل الى عرفتو من واحد عندو بتاع ستين سنه وعندو خبره كبيره اوى فى العربيات والمواتير
وهو الى قلى المعلومات دى وقلى انت لما تجيب ميه خضرا بترمى فلوسك فى الارض لانها مش معموله للعربيات الى فى البلاد الحاره .. وان احسن حاجه ليك مية الحنفيه وتعمل دوره كل تلت شهور
وانا ماشى على كده بقالى فتره
كلام سليماقتباس:
سائل التبريد يضاف اليه مادة ethylene glycol و هى ذات ميزتين هامتين: منع التجمد فى الاجواء الباردة جدا (antifreeze) و منع الغليان (boilover protection) برجاء معرفة الجانب العلمى للامور قبل اسداء النصيحة.
المادة مفيدة في الحالتين
على فكره ياجماعه
انا هاعترف قودامكو انى اتسرعت فى نصيحتى دى ههههههههههه
لانى قعدت كتير اقرا عن المياه الخضرا دى وسالت ناس كتير اوى ولقيت فعلا انها الاحسن فى كل حاجه
فقررت الاتى :
اولا اروح اجيب مزيل صدأ وانضف الموتور واحط ميه خضرا
ثانيا هاروح اضرب الراجل الى قالى انك هاترمى فلوسك فى الارض
ههههههههههههه
اقتباس:
و بالمناسبة، فإن المياه التى تكون باقى تركيب سائل التبريد تكون منزوعة الاملااااح demineralised water حتى لا تسبب تاكل اجزاء دورة التبريد.
يا جماعة انا اعتقد ان الاملاح ضررها اكبر او يوازي ضرر الصدا
انا شفت عربيات كوعة المية متاكله من الاملاح ومفيهاش حته صدا
انا استعملت الميه العادية لقيت ترسيب كبير للاملاح في الكوعة اللي طالعة من الموتور وراكب فيها الخرطوم الكاوتش لدرجة ان الاملاح لما زادت عملت تسريب للمياه على هيئة بخار ماء وتنقيط ماء لان تراكمها يخلي الدورة غير محكمة الغلق وبالتالي تلاقي المية تنقص
والطاهر انه بيحصل تفاعل مع سخونية المية الشديدة مع الاملاح مع الاجزاء المعدنية للدورة
الخلاصة
مانع الصدا علشان نحمي بلوك الموتور
والماء المقطر منزوع الاملاح علشان نحمي دورة الكاملة للمياه بما فيها الرادياتير
الماء المقطر مع مانع الصدا ممتاز ايضا