ليه بياخدوا المفتاح

**Moh.Fahmy** · 05-04-2010 01:16 PM

المشاركة الأصلية كتبت بواسطة zoro007

انا دايما بسيب المفتاح فى الجراج لان دا الجراج الدائم اللى بركن العربيه فيه بركنها بال4 او 5 ايام اواقات وباخد بالى من عدادا الكيلو مترات وبجده زى مهوه يعنى محدش اتحرك بالعربيه

غير انى متفق مع الراجل بتاع الجراج ان العربيه لو حصلها اى حاجه التكلفه كامله عليه ان اتخدشت او اتخبطت من عربيه تانيه او اى شىء مشابه

الموضوع عادى جدا لو الجراج الدائم اللى بتركن فيه عربيتك لكن لو مؤقت ممكن يبقى فيه قلق

++++++++++111111111111111

**D . a .\ AYMAN** · 09-04-2010 02:04 AM

الحمدلله عمري ماعملت كده غير عدة مرات فقط في حياتي وكلهم كانوا بجوار محكمة النقض في شارع 26 يوليو ودا طبعا لطبيعة المكان أصلا .. بس السبب المهم اللى خلاني أعمل كدا وأقول عادي .. إن السايس اللى هناك أصلا معروف جوا المحكمة وبطاقته وبياناته مسجلين لديها وهو كمان راجل كويس وبيعرف يسوق .. وطبيعة المكان ماتخليهوش ممكن يعرف يعمل حاجة بالعربية

غير كدا أروح أركن بعيد ولا إني أسيب المفتاح لحد لأن أي مصيبة هاتتعمل بالعربية هاتكون في وشي أنا أولا

**zakiali** · 09-04-2010 05:17 AM

أكتر حاجة بتخنقني من البلد دي الزحمه وانعدام الأماكن مع ان الصحرا واسعه يا ولود التيت

**Ahmed Galal** · 09-04-2010 09:52 AM

ما حدش ياخد مفتاح العربية ابدا و لا العربية تتساب مفتوحة تتمور و تنزل الهاند ماشى

**nomercy22** · 09-04-2010 02:50 PM

المشاركة الأصلية كتبت بواسطة karim_monir

مضوضوع غاية في الخطورة لانه لو عمل بيها جناية انتي اللي هاتتحاسبي وبدون زعل وقتها القانون لا يحمي المغفلين
مرة واحد فقط عملتها من سنتين كان عندي مشوار مهم جدا في اسكندرية في منطقة ميامي في شهر 7 وما ادراككم ما مياكي في شهر 7 مفيهاش خرم ابرة يتوقف فيها
لقيت مدخل عمارة بيصف العربيات قاللي 10 جنية في الساعة وتسيب المفتاح
قولتلة موافق وخد العشرة جنية مقدم
ركنت العربية وانا نازل قولتلة خد بالك منها عشان في التابلوة الطبنجة الميري :-)
رجعت لقيته موقفها اول واحدة برة وغاسلها وسايب ال 10 جنية مع امة واقفة حارس جنبها والمفتاح في ايدها :-)
ومش عايزين ياخدو الفلوس خالص
سيبتلها الفلوش حق الغسلة نضفوها بصراحة
هاهاهاها

ههههههههههههههههههههههههه هههههههههه
جامده جدا

**nomercy22** · 09-04-2010 02:51 PM

بأي حال من الاحوال ما بسبش المفتاح لحد

**blazer** · 09-04-2010 03:02 PM

انا مره كنت فى الجراج مع واحد قريبى بنطلع عربيته فلاقيت الست مرات اللى ماسك الجراج بتقولى ممكن تطلعلى العربيه اللى راكنه هناك دى من مكانها عشان قافله على مكان فاضى وراها !!!
اتفجئت ان العربيه لانسر موديل السنه هاى لاين يعنى لو كانت اديت المفتاح لواحد مش بيعرف يسوق وعامل فيها برم كان ممكن يلبسهاله فى اى حته خصوصا ان الجراج ديييييييق جدا وكله عواميد
فنصيحه كله يخاف على عربيته من حاجات كتير اوى اقلها انها ممكن تتوسخ

**menocomp** · 09-04-2010 03:44 PM

أنا بسيب المفتاح الأحتياطى مع الجراج اللى تحت البيت ودة بركن عندة بصفة دائمة.
لكن مش ممكن اسيب مفتاح عربيتى لحد معرفوش أبدا.

**shooter123** · 10-04-2010 10:16 AM

لالالالالالالالا انتم مكبريين الموضوع اوي اوي اوي
انا بسيب مفتاح عربيتي بالجراج عادي جدا والحمد لله محصلش اي مشاكل الي الان
بس انا بشد علي العيال اللي في الجراج وبعملهم ارهاب دائم
وفي مرة طلب مني اني قبل ما انزل من البيت بربع ساعه اتصل به عشان يسخنلي العربية وفعلا وافقت وعملت كدا كذا مرة وفجأة غيرت النظام وبقيت بنزل علي الجراج بدون تليفون وملقتش اي حاجة بصراحة عيال زي الفل هي في الاول والاخر مسألة ضميييييييير