أشتريت اللانوس خلاص وده بفضل نصائحكم الغاليه

**vampire2006** · 12-01-2008 10:00 AM

اشتربت لانوس موديل 2000 ( تكييف - سنتر - باور ) حاله فوق الممتازه - فابريكه بالكامل من الداخل و الخارج - العداد عامل 69000
وبعد رفعها فى البنزينه والكشف عليها اخبرنى الفنى انها تحتاج الى تغيير طلمبه المياه حيث انها تؤدى الى خشانة فى الموتور ...
بخلاف ذلك السيارة لا تحتاج الى اى مصاربف وده بفضل نصائحكم الغاليه والتى استفدت منها كتيرا عند شرائى للسيارة ..انا دفعت فى السيارة 48000 جنيه / مش عارف السعر معقول ولا غالى بس مش مهم الحمدالله ان السياره حالتها ممتازة ..
منتظر ردودكم وارائكم كما عودتمونا دائما ..وياريت لو اطمع فى نصيحه أخرى بشأن تركيب طلمبة المياه سعرها كام والميكانيكى الذى يعتمد عليه
وكل سنة وانتوا طيبين جميعا ..وشكرا

**Hossam_Hassan** · 12-01-2008 10:24 AM

أولا ألف مبروك

الطرمبة بحوالى 120 جنيه و لو تقولى ساكن فين أدلك ان شاء الله على ميكانيكى كويس و يكون مش بعيد عليك

و ياريت تراجع الموضوع ده http://www.nilemotors.net/Nile/showt...E1%C7%E4%E6%D3 علشان ممكن يفيد

**vampire2006** · 12-01-2008 10:26 AM

متشكر يا أستاذ حسام على الرد ..انا ساكن فى العباسية

**wildwest100** · 12-01-2008 10:29 AM

الف مبروك يا باشا وربنا يديك خيرها ويكفيك شرها

**Hossam_Hassan** · 12-01-2008 10:43 AM

الأتنين اللى أثق فيهم واحد فى صقر قريش المعادى و التانى فى الحرفيين و الأتنين جنبهم محلات قطع غيار و أنا شايف ان بتاع المعادى أقربلك مجرد 10 دقايق من العباسية على الأتوستراد، هو أسمه خالد قنديل و كان شغال فى مركز خدمة دايو لغاية ما فتح الورشة و شغله نضيف و أسعاره منطقية.

أنت تاخد الأتوستراد فى اتجاه المعادى و أول ماالأتوستراد يتقاطع مع الدائرى خد يمين و امشى فى الحارة الصغيرة من الطريق، هتلاقى كذا يمين نازليت على ورش امشى بالراحة وانزل اليمين اللى قبل كوبرى عبور المشاه ب 100 متر تقريبا وورشته مكتوب عليها دايوو و تليفونه 0102825905 و الأحسن تكلمه قبل ما تروح علشان تضمن ما تتأخرش لو عنده شغل كتير.

نصيحة أخيرة لو لسه معملتش حاجة فى العربية، غير السيور بالمرة مع الطرمبة علشان فكهم واحد و الأضمن كمان تغير الشداد و أكيد تغير الزيت و أنصحك يا أما أمارات مصر ياأما شل اللى بيقعدوا 5000 كم و الأحسن تغير الزيت عند الميكانيكى علشان كارتيرة زيت اللانوس مش حديد و بتفوت لما بتوع البنزينة يستقوا عليها.

**vampire2006** · 12-01-2008 11:07 AM

متشكر با حسام باشا ..انا اكيد حأعمل بنصيحتك وأغير السيور كلها بالمرة و؛وحأتصل باليمكانيكى قبل ما اروحله .بس يا ترى زيت شل أفضل من موبيل 1 ؟؟

**Hossam_Hassan** · 12-01-2008 11:26 AM

عن تجربة امارات احسن من شل من حيث اللزوجة حتى أخر كم و الأتنين أحسن من موبيل

**badblood** · 12-01-2008 12:31 PM

مبروك عليك وربنا يباركك فيها

**fahd_628** · 12-01-2008 12:43 PM

الف مبروووووووووووك يا باشا

**MMamdouh** · 13-01-2008 01:53 PM

المشاركة الأصلية كتبت بواسطة vampire2006

اشتربت لانوس موديل 2000 ( تكييف - سنتر - باور ) حاله فوق الممتازه - فابريكه بالكامل من الداخل و الخارج - العداد عامل 69000
وبعد رفعها فى البنزينه والكشف عليها اخبرنى الفنى انها تحتاج الى تغيير طلمبه المياه حيث انها تؤدى الى خشانة فى الموتور ...
بخلاف ذلك السيارة لا تحتاج الى اى مصاربف وده بفضل نصائحكم الغاليه والتى استفدت منها كتيرا عند شرائى للسيارة ..انا دفعت فى السيارة 48000 جنيه / مش عارف السعر معقول ولا غالى بس مش مهم الحمدالله ان السياره حالتها ممتازة ..
منتظر ردودكم وارائكم كما عودتمونا دائما ..وياريت لو اطمع فى نصيحه أخرى بشأن تركيب طلمبة المياه سعرها كام والميكانيكى الذى يعتمد عليه
وكل سنة وانتوا طيبين جميعا ..وشكرا

good price indeed... paid almost the same for my car and it is in a similar condition as yours

MMamdouh

الموضوع: أشتريت اللانوس خلاص وده بفضل نصائحكم الغاليه

LinkBack

أدوات الموضوع

عرض

-

-

-

-

-

-

المواضيع المتشابهه

دخنة_مية بتنقص _مية مع الزيت _ خلاص اللانوس فتحت

صور سيارتى الغاليه

خلاص اللانوس أتباعت

خلاص حجزت اللانوس

الغاليه للبيع ( شاهين 96 )

الكلمات الدلالية لهذا الموضوع

المفضلات

المفضلات

ضوابط المشاركة