شقق اسكان الشباب ال63م بقت ب219000ج؟؟؟!!!
السلام عليكم ورحمة الله وبركاته....
كان فيه من فترة اعلان لأجدي الشركات في العبور كان كالتالي..
ضمن مشروع اسكان مبارك الأنتخابي
شقق بمقدم 10000ج مساحات 63م بتسهيلات في السداد.
انا كنت متوقع كالعادة ان قسطها مش هيزيد عن 600ج والمفروض اقل لأنها معمولة للشباب مش استثماري.
رحت انا وصاحبي في المعهد كان عايز يقدم فيها وكان عنده استعداد ان يدفع 10000ج ويدفع قسط حتي 400ج.
لقينا النظام كالتالي في التفاصيل:
دعم من الدولة 10000ج
10000ج مقدم حجز.
15000بعد شهرين
28000 عند الأستلام.
920ج*72شهر.
7500ج قسط نصف سنوي.
طبعا مكملناش كلام وصاحبي جاله احباط قالى هما ازاي كاتبين عليها اسكان مبارك هو الرئيس موافق علي كده(ده كلامه وربنا مش كلامي).
طبعا من الواضح ان الشقق ملهاش دعوة ببرنامج مبارك الأنتخابي وان اللى بيبيع الشقق بالنظام ده تاجر مش اكتر والغريب انه حاطط شروط تعجيزية للشراء كأن الناس هتاخد الشقق بأسعار رمزية.
