ارخص سيارة في العالم ( العدد 2 ) - الرد الصيني القــــــاتل !

الصين مش حتسكت :)

اول سيارة صينية تمنها 2500 دولار بالظبط و جاهزة للصناعة في 2008
مزاياها عن التاتا :
- جميع كماليات السبارة الحديثة
- محرك حقيقي
- شكل جيد عصري
- وسائل امان اقوى
- حجمها اكبر من التاتا

السيارة من الشركة البحجة اياها ... BYD
اسمها F1 , و هي نسخة منقولة من ال التويوتا Aygo اليابانية و لكن اصغر سنة .

http://www.chinacartimes.com/wp-content/byd.jpg
http://www.chinacartimes.com/wp-content/bydfront.jpg


المحرك :
محرك ياباني التصميم CVVT
5 سرعات - 1100 سي سي - 65 حصان - 90 عرم

محرك اخر ياباني التصميم CVVT
5 سرعات - 800 سي سي

الكماليات :
4 زجاج كهرباء
سنتر لوك
جهاز كاسيت - راديو - سي دي
باور ستيرنج هايدروليك

مواصفات الامان :
دعامات فلاذية في الابواب
وسادة هوائية للسيائق -- بس في موديلات اعلى قليلا من حاجز ال 2500 دولار
فرامل ABS --بس في موديلات اعلى قليلا من حاجز ال 2500 دولار

سعر السيارة بالمواصفات المذكورة بالاعلى 2550 دورلا بالظبط
و حتوصل 3000 دولار للمواصفات الاختيارية الزائدة .

السيارة شوهدت بالصين اكثر من مرة بجوار مصانع الشركة تجري اختبارات و متوقع انها تدخل خطوط الانتاج في النصف التاني من 2008

كما اعلنت شركة شيري و ليفان الصينية عن نيتهم لعمل سيارة منافسة في نفس الفئة السعرية
مع العلم ان سيارة شيري كالعادة ستكون من تصميم بيرتوني الايطالي .

-------------------------------------------------------

و في موديل حيبقى في فتحة سفق كهرباء

اقتباس:

---

السيارة من الشركة البحجة اياها ... Byd
اسمها F1 ,

المحرك :
محرك ياباني التصميم Cvvt
5 سرعات - 1100 سي سي - 65 حصان - 90 عرم

---

بجد بتعجبني الناس دي في اختيار اسماء العربيات
ههههههههههههههههههههههههه هههههه

اقتباس:

---

محرك اخر ياباني التصميم Cvvt
5 سرعات - 800 سي سي

---

طبعا 1100 65 حصان
دي مش حتعدي ال30 هههههههههههههه




بس انت مش حاسس يا كريم باشا ان الامان في العربيات دي شبه يكون معدوم ؟؟

ومازالت المنافسة مستمرة


تانى أرخص سياره فى العالم

!!!!
F1=Help
!!!!

شكلها تحفة..............حلوة فعلا

شكلها احلى شوية صغيرة من تاتا نونا

يانهار ازرق ياجدعان

الناس دى مابتضيعش وقت واحنا قاعدين نتفرج عليهم

شكلها احلي كتير من الهندي.
شكلها عربيه بجد

اقتباس:

---

المشاركة الأصلية كتبت بواسطة Nader

!!!!
F1=Help
!!!!

---

هههههههههههههه

عقبال العربية ال ESC

الشكل جميل جداً عن الهندى

و المواصفات عليها علامات إستفهام
معقول تبقى بالسعر ده ؟؟؟؟؟؟

فعلا شكلها حلو اوى

اجمل كلمة قلتها (( من الشركة البجحه اياها))

ايه الارقام دي
ايه المكونات اللي قدروا يوصوا بيها للرقم ده
وايه مكسبهم
دول بيستوردوا بترول والبترول كسر ال 100 دولار للبرميل
الموضوع مابقاش ايدس عاملة وخلاص
فين ال الإنا

الإنا هى الجودة و الجودة هى الإنا

و على رأى المثل العبقرى (من بره هلا هلا و من جوه يعلم الله)

الآنة هي العامل في مصنع شيري بياخد اقل من $1 للساعة بينما في امريكا نفس العامل بياخد $50 في الساعة :)

في الهند حتلاقيهم $5
في مصر بقى لا في مرتب و لا في انتاج :)

علي فكرة
شيري كانت قالت قبل كدة ان مكسبها في سيارة زي الQQ عارف كام يا كريم ؟؟
من $50 الي $70 في السيارة الواحدة .

بسبيبعوا منها 150 الف سيارة سنويا . =9000000 دولار
شيري مثلا في 2007
رابع شركة في المبيعات ( 350 الف سيارة في الصين و خارجها )
و 35% من دول تصدير
معدية كل الماركات العالمية في مبيعات الصين باستثناء جي ام - فولكس فاجن

احنا فارحاناين ان احنا بعنا 260 الف سيارة في 2007
شيري باعت 350 الف سيارة في 2006 lol
و هدفهم انتاج و بيع 1 مليون سيارة سنويا بحلول عام 2010
ربنا يديهم الصحة !

اقتباس:

---

المشاركة الأصلية كتبت بواسطة CryptonX

الآنة هي العامل في مصنع شيري بياخد اقل من $1 للساعة بينما في امريكا نفس العامل بياخد $50 في الساعة :)

في الهند حتلاقيهم $5
في مصر بقى لا في مرتب و لا في انتاج :)

علي فكرة
شيري كانت قالت قبل كدة ان مكسبها في سيارة زي الQQ عارف كام يا كريم ؟؟
من $50 الي $70 في السيارة الواحدة .

بسبيبعوا منها 150 الف سيارة سنويا . =9000000 دولار
شيري مثلا في 2007
رابع شركة في المبيعات ( 350 الف سيارة في الصين و خارجها )
و 35% من دول تصدير
معدية كل الماركات العالمية في مبيعات الصين باستثناء جي ام - فولكس فاجن

احنا فارحاناين ان احنا بعنا 260 الف سيارة في 2007
شيري باعت 350 الف سيارة في 2006 lol
و هدفهم انتاج و بيع 1 مليون سيارة سنويا بحلول عام 2010
ربنا يديهم الصحة !

---

+ 1

حاجة تانية عامة دول العالم الثالث و بالذات الصين بتحط هوامش ربح بسيطة ،،

غير دول العالم الأول ،،

اللي بيعمل مشتريات دولية عارف إنه لازم يفاصل بنسبة 40 % لو منتج من دول العالم الأول ،،

لكن دول العالم الثالث يفاصل في 10% علي الأكثر لأنهم مبيبالغوش في أسعارهم ،،

ده غير التشجيع الحكومي و الحوافز والميزات ،،

لو فتحت مصنع في الصين و اثبتت إنك بأرباحك بتوسع وتفتح استثمارات جديدة بيرجعولك الضرايب اللي دفعتها

غير الضرايب و التأمينات الخرافية في الدول المتقدمة

مش معني كده إن الجودة واحدة بس فرق السعر مش كله جودة

ana msh 3arf l7ad amta hnfdl kda we bntfarg
feen as7ab r2os el2mawal fe elblad de
a7na 3ndena shbab y3mlo a7san 7aga feldonia me7tagen bas 7ad ymawil

laky Allah ya mesr

اقتباس:

---

الشكل جميل جداً عن الهندى

---

+10000
ولسة ولسة ولسة

واللة مشترسهاش لو علي جثتي
دانا اشتري vispa
ولا اشتري العربية دي

هو يا جماعة العمر بعزقة

abs eih we AIRBAG MEEN
ولا الهوا
ابقي قابلني في حادثة صغيرة بالعربية دي

ان الايرباج التابلوة حيقع بية
وساعتها سلملي علي الامان اللي ب 2500 $

ولسه ياما هنسمع ونشوف منك يا صين

بص هى لو فعلا المواصفات ديه و بالسعر ده اى كانت بلد المنشأ هيتكتبلها النجاح فى اى مكان تنزل فيه و بعدين انت بتدفع مقابل مادى قليل فمش معقول تكون متوقع تاخد عربية فى مواصفات بورش مثلا يعنى اعتقد انك هتاخد عربية على اد فلوسك بص اعتقد عربية بالمواصفات ديه بالسعر ده هتستحق كل اللى يدفع فيها مهما كانت عيوبها و انا عن نفسى شايف ان شكلها حلو بص متحطوش امل انها لو جت مصر هتبقى رخيصة لأنها على ما يضاف على سعرها الحبشتكنات المصرية المعروف ممكن يوصلوها ل 35.000

اذا نزلت مصر حتى 25 الف فى احتمال كبير اجبها بس كبدل لسيارة 128 و ليس لحبى فى الصناعة الصينية

مش ناقص غير انهم يقلدو علامه تويوتا او ياخدو العربيه من عند تويوتا و يحطوا عليها علامتهم
Baga7a Ya Donya

العربيه فعلا ممتازه لكن المهم متى هتكون فى مصر وبكام ؟

هو ده المهم

انا شايف ان سعرها مناسب بس مش على شكلها رحتوصل مصر بكام مش اقل من 20000 ويمكن تزيد

جميل ياجماعه بس لو حبيت اشترى العربيه دى من الصين توصل مصر بكام

3000$=16500
30% جمرك=4950
15% ضريبة ميبعات=2475
كدا 23925 جنيه غير الشحن و الأرضية و التخليص و مكسب المستورد!

النظريه ان شايف انها قريبه جدا من موصفات الqq مع ذلك شوف العربيه Qq بكام فى مصر دى نقطه
يعنى لو نزلت مصر اكيد هتنزل مش اقل من 35.000 بعد ما يظبطوا الناس الكبار والتاجر بيكسب والتوكيل يكسب هى دى الفكره فاحنا مش هنستفيد اى حاجه

بس طبعا لو نزلت ب20 الف الواحد يشتريها بدل ال128 او127

يا سلام لو نزلت بالسعر دة - حتبقى فرصة عظيمة جدا وبالذات للسيدات وربات البيوت

ال Qq في الصين اغلي من هذه السيارة بحاولي 2000 دولار .

شكلها تويوتا تويوتا تويوتا تويوتا ..مش دي الشركة اللي سرقت لوجو البي ام دبليو ؟هههههه:p

بجد بقي انا كل يوم بزيد خنقة لما اشوف الناس دي بتعمل عربيات شكلها حلو اوي من برة و تصاميم مسروقة
و يزغللوا عين المشتري بالكماليات التعبانة..و بيبيعوا اكتر:(


و ايرباجز ايه و دعامات فولاذ ايه؟ لما الشاسيه يكون اصلا تعبان ..ايه بقي هيفرق من اير باجز و غيره. ده كله كلام فاضي ..زغللة عين و بس

بصوا علي البريليانس "فيها كل الكماليات +اير باجز"
http://youtube.com/watch?v=F06LjugtIUo

_
http://i92.photobucket.com/albums/l3...y/RoadRage.jpg

المشكلة أنهم لو نزلوها مصر هيبة سعرها 40 50 الف جنية لان المبدأ بتاع تجار العربيات لية تكسب كتير لما ممكن تكسب كتير جدا جدا أوي خالص و بالطبع سعر الفانوس الامامي هيعدي 700 جنية و مش هتلقية في التوكيل.

تقليد تويوتا ولا جاجور

هو احنا عرفين نعمل مخرطة مولوخية