لو رسيت على الاوبترا يبقى هاتها بعوامل الامان وما تسترخصش
عرض للطباعة
لو رسيت على الاوبترا يبقى هاتها بعوامل الامان وما تسترخصش
السلام عليكم و رحمة الله و بركاته
نصيحة لوجه الله تعالي العربية الاوبترا ممتازة (بس تغور من وش منصور) علي رأي احد الزملاء بالمنتدي ، وده عن تجربتي الشخصية مع هذا التوكيل السئ
معرفش توكيل نيسان ايه اخباره بس مش حيكون اسؤا من منصور نصيحة لو حتجيب نيسان هاتها بمجموعة الفرامل و بكده تبقي انت اخدت عربية بدون شك افضل من الاوبترا و ازيد 1000 جنيه فقط و صدقني مش حتندم
الاوبترا أحسن طبعا .. كفاية ان التقفيل كوري و جايه كلها استيراد حتي السنتر و الانزار .. مافيش اي حاجه فيها مصري.
أبعد عن اي عربية تقفيل مصري لأن علي الاقل بيبقي 45% من الخامات بتكون صناعة مصرية.
ده بلأضافة ان لايوجد اي مقارنة بالنسبة للوسع الداخلي و راحة الصالون و فخامة التابلوه و جودة التقفيل و الخامات المستخدمة.
انا مستلم اوبترا اوتوماتيك في 20/2/2010 و عدادها كان عامل 22 ك فقط .. 130 ك ده كتيررر جدا
انا بقولك تخليك في الأوبترا
لان من وجهة نظري احسن من الصني في كل شئ ( عن تجربة للسيارتين )
و على فكرة الصني ديقة جداً من جوة و خصوصاً الكنبة الخلفية
و خد في الأعتبار ان توكيل منصور أسوأ توكيل على الأطلاق من وجهة نظري
الأوبترا تتميز بانها استيراد كوريا بالكامل و مفيهش حاجة مصري و أوسع بكتيرررررر من معظم عربيات فئتها بطريقة تجعلك مستغرب انها من برة تقريبا قد الصني بس اوسع........
و لو على التوكيل ممكن تروح للصيانة في مراكز خدمة كتير محترمة زي مقار أو أبوغالي و غيرهم و التوكيل ما تروحلوش غير لما اغير علبة الدركسيون (ان شاء الله لأن ده أساسي لأي أوبترا) و تريح بالك......و تخلي بالك بالراحة عالعفشة ما تهربدش العربية في طرق مكسرة كتير و خليك حنين في المطبات..........غير كده هتلاقيها زي الفل ان شاء الله......
ملحوظة (أمتلكت أوبترا مانيوال 2008 و عملت بيها 39000 كلم و أي أستفسار أنا تحت أمرك)......
من وجهة نظري النيسان افضل بما انك مش هتغير الابعد 10 سنين دي يباني يعني معمرة :vctry:
بص ياباشا كل الى بيكتبولك احتاروا زيك او كان امامهم العربيتين قبل ما يشتروا وكل واحد اختار العربيه الى اقتنع هو شخصيا بيها وبالتالى حيحاول يقنعك بيها لان هو شخصيا مقتنع بيها فالموضوع لازم يجى عن اقتناعك الشخصى باحدهما وتختار بنفسك كل الى انا اقدر افيدك بيه انى اعتقد ان العربيتين من نفس الفئة وانهم قريبين قوى من بعض وفروق المزايا والعيوب مش كبيرة قوى يعنى
انا عن نفسى فضلت الصنى وشاريها من حوالى شهر ونصف وتفضيلى دة كان له عدة اسباب :
1- الصنى يابانى تقفيل مصرى وانا معنديش عقدة الخواجة ولو حبيت يكون عندى عقدة خواجة لازم يكون الخواجة دة المانى او انجليزى او ايطالى انما كورى و صينى وهندى لا واسم نيسان ميقبلش يكون تقفيلة سىء(على فكرة المرسيدس و البى ام بيتقفلوا فى مصرومحدش بيقول انهم وحشين)
2-عربية منتشرة وحتنتشر اكتر ودة حيديها ميزة فى انتشار قطع الغيار واعتدال اسعارها بالاضافة لطول عمرها الافتراضى
3- عربية متينة وقوية (فى فئتها) وثابته على السرعات العالية سحب ممتاز وموتور قوى وتكييف ثلاجة
4- احلى حاجه بقى ان ملهاش وكيل جشع لا مندور ولا بعرور يعنى منك لنيسان عدل اى شكوى اى ملحوظه على مصنع نيسان الام على طول ويهمهم سمعتهم ( انا بعد مشترت عربيتى كلمونى على المحمول وقعدوا يسالونى عن الموزع الى اشتريت منه وازاى اتعامل معيا ولبى رغباتى وجاوب على جميع اسالتى يعنى استقصاء شامل عن الموزع)
بالفعل بعد ما اشتريتها لم تخيب آمالى فيها ابدا كل المميزات الى اشتريتها علشانها لقيتها موجودة فعلا موتور قوى سحب ممتاز عفشة روعة تقفيل نيسان مش لاقى فية غلطه لحد دلوقت فى راى احسن عربية مقابل ما يدفع فيها وفى الاخر دة راى الشخصى ممكن انت متستريحلهاش وتفضل الاوبترا عشان كدة حاول تشوف حد عنده العربيات دى وتجربها بنفسك وتشوف انت مستريح لمين اكتر
والله انا مختلف معاكم
انا لو مكانك اجيب صنى بس تكون تقفيل يابانى
خلاص يا جماعة أنا قررت اخلص في النيسان بس في ملاحظات بسيطة خالص
1- البطارية عادية مش جافة ؟
2- أجيب ايلي فيها abs ولا مش هحس بفرق
ولو جبتها abs أعرف منين أن فيها abs
3- أجبها لونها اية
4- هل فعلا بتاكل بنزين ياما ( واحد قالي زيها زى أى ماتور 1600 )