أخر نصيحة قبل دفع باقي الفلوس

السلام عليكم و رحمة اللةو بركاتة
يا رجالة أنا دفعت مقدم 50000 جنية للعربية و كنت أتفقت علي أوبترا 2010
و هستلم كامن أسبوع معبال مجهز باقي المبلغ
بس طقت في دماغي حاجة تانية
النيسان الصني
و روحت أتفرجت عليها هي عضمها جامد و متنبك كده و حلو
بس التقفيل حاسس انه عادي مش عارف لية
فواحد قالي مش مهم التقفيل بس أسمها عربية يباني
ما علينا
دلوقت أنتم رأيكم اية أغير للنيسان ولا أخليني في الأوبترا
ملاحظات مهمة يا جماعة
أنا مش ناوي أغير العربية بإذن الله و لو حصل هيبقي مش أقل من 10 سنين قدام بإذن الله
- لو النيسان الصني أحسن ليا ليها بعض الملاحظات وهي
1- مفيس حشو في ظهر الكبوت
2- مفيش غطي للمحرك بتعها
3- حاسس أن الماتور صوته عالي - بس الراجل قالي ده عشان لسة جديدة و كمان عشان انت مشغلها جوة المعرض
4- كان مشغل الراديو علي fm و نزلت الزجاج لقيت في لغوشة في الصوت
يعني الراديو شغال و اول ما انزا الأزاز ألاقي صوت زبزبة
الراجل قالي ده عادي لكن مش بيحصل و أنت مشغل الكاسيت
.... ملاحظة عامة
هو المفروض العربية تكون ماشية كام كيلو لأنى لقيتها ماشية 130 كيلو ؟؟
قولتله اية ده المفروض تكون بالكتير 20 كيلو
قالي لأ عادي مش بتتنقل يا أستاذ ولا إية ؟؟
فأنا مش عارف بصراحة بس حاسس أن النيسان صني شكلها أقيم كده و بت ناس
فياريت النصيحة يا جماعة الله يخليكم

ولقيت النيسان بـ 84000 من غير abs و 86000 بـ abs
فأنهو أحسن ؟؟ و الأثنين فيهم airpage
فسألت الراجل برضة قالي انت مش هتسافر علي هاى واى فعادي ممكن توفر الفلوس و تخليها عادي و كله تمام مش هتحس بحاجة

النيسان عربية يباني محترمة جدا
ومبحبش شكل الاوبترا

Well

I think U have to ask first for the stability od Optra and Chevrolet agent" Masnsour" vs. Elsab3, as an example,


Also remember that U buy Nissan from Nissan Egypt, not from modern motors,


The issue of the radio is the first time to hear about and I know it is nonsense, so sure it is not in all cars.

For the comparison,

Both are old cars,

ask for the spare parts life between Japaneses and Korean cars,

Sunny is really a respectable car

I suggest that U pray Estekharra

and I am sure that U will take the right decisionj for U,

From my side,

All my openions are nonsense to You as You have to take the decision,

If I were You, I would have bought the Sunny, Wallaho A3lam


Thank You


Cheers

السلام عليكم و
رحمة الله وبركاته
نصيحتى ليك النيسان لا تقل عن الاوبترا بل اظن تزيد فى الاتى :الثبات و الامان و كونها يابانى
و عموما الكورى بدأ ينافس اليابانى ولكن اسأل أى حد هيقوللك اليابانى يابانى وعموما برده شوف مواضيع الاعضاء فى منتدى نيسان و شوف برده مش اغلب المواضيع مدح فيها علشان تجيب زيهم و لكن رأيهم محايد هتعرف ممزاتها و عيوبها و يا ريت حد منهم يرد عليك يكون جرب الاتنين وعموما صلى استخاره و ربنا يهديك للخير و اظن الطلب بدأ يزيد على الصنى فأظن ده مش من فراغ.
سبحانك اللهم وبحمدك ، أشهد أن لا إله إلا أنت أستغفرك وأتوب إليك

شكرا يا جماعة علي الإهتمام و الله بجد انا محتار جدا
لدرجة انى قولت أجيب لوجان و خلاص و زى ما تيجي
بجد أنا محتار علي الأخر
ahmediak
انا شايف انك معاك نيسان ياريت تقولي عيوبها الله يخليه
و هل موضوع الشوشرة ايلي بتحصل لما ترفع أو تنزل الأزاز و انت مشغل الأف أم ده طبيعي ولا اية

النيسان عربية محترمه اوى وعلى فكره فيها اوبشنز اكتر من الاوبترا وخصوصاً لو جبتها كامله مانيوال بالabs ومتنساش انها يابانيه ولو كانت بإيدى مصرية

بصراحة ياباشا انا سمعت من ناس كتير ان الاوبترا فيها مشاكل وعربية مش حلوة وواحد معرفة معاة العربية دي بيشتكي منها وقرفاة. فا انا نصيحتي ليك بجد انك تجيب نيسان تيدا فضل من الاتنين في كل حاجة والفرق علي افتراض ان النيسان ب 86 هيكون حوالي 20000 هي التيدا المانيول ب 110 الف بس abs w airbag الاوتو ب 114000 وانا ممكن اظبطهالك علي 112000 وفي اعضاء هنا بيقولو انها بتتجاب علي 110000 اوتوماتيك. بس في كل الاحوال هي افضل من الاتنين بمراااااحل

اقتباس:

---

المشاركة الأصلية كتبت بواسطة mok3336

السلام عليكم و رحمة اللةو بركاتة
يا رجالة أنا دفعت مقدم 50000 جنية للعربية و كنت أتفقت علي أوبترا 2010
و هستلم كامن أسبوع معبال مجهز باقي المبلغ
بس طقت في دماغي حاجة تانية
النيسان الصني
و روحت أتفرجت عليها هي عضمها جامد و متنبك كده و حلو
بس التقفيل حاسس انه عادي مش عارف لية
فواحد قالي مش مهم التقفيل بس أسمها عربية يباني
ما علينا
دلوقت أنتم رأيكم اية أغير للنيسان ولا أخليني في الأوبترا
ملاحظات مهمة يا جماعة
أنا مش ناوي أغير العربية بإذن الله و لو حصل هيبقي مش أقل من 10 سنين قدام بإذن الله
- لو النيسان الصني أحسن ليا ليها بعض الملاحظات وهي
1- مفيس حشو في ظهر الكبوت
2- مفيش غطي للمحرك بتعها
3- حاسس أن الماتور صوته عالي - بس الراجل قالي ده عشان لسة جديدة و كمان عشان انت مشغلها جوة المعرض
4- كان مشغل الراديو علي fm و نزلت الزجاج لقيت في لغوشة في الصوت
يعني الراديو شغال و اول ما انزا الأزاز ألاقي صوت زبزبة
الراجل قالي ده عادي لكن مش بيحصل و أنت مشغل الكاسيت
.... ملاحظة عامة
هو المفروض العربية تكون ماشية كام كيلو لأنى لقيتها ماشية 130 كيلو ؟؟
قولتله اية ده المفروض تكون بالكتير 20 كيلو
قالي لأ عادي مش بتتنقل يا أستاذ ولا إية ؟؟
فأنا مش عارف بصراحة بس حاسس أن النيسان صني شكلها أقيم كده و بت ناس
فياريت النصيحة يا جماعة الله يخليكم

ولقيت النيسان بـ 84000 من غير abs و 86000 بـ abs
فأنهو أحسن ؟؟ و الأثنين فيهم airpage
فسألت الراجل برضة قالي انت مش هتسافر علي هاى واى فعادي ممكن توفر الفلوس و تخليها عادي و كله تمام مش هتحس بحاجة

---

نصيحه ليك من اخ
اسحب الفلوس
ايوه اسحب الفلوس و حطها في جيبك و انسي انك تشتري دلوقتي
انت متردد و محتار و مش عارف تختار
لو اشتريت حاجه و بعد كده معجبتكش هتخسر مش اقل من 8 الاف جنيه
يبقي لما ترسي الاول
و دي اهم نقطه
نيسان بقي ولا اوبترا ولا لوجان
خد لفه في الاقسام بتاعت العربيات دي و شوف كده و احسبها بالعقل
و بعد ما تحسبها بالعقل انزل شوف العربيات دي قدامك و اركب فيهم و شوف انت ميال لأيه فيهم بغض النظر عن الناس بتقولك ايه
و لو ليك اسئله بعد كده عن الصني ادينا موجودين و تحت امرك

النيسان صنى تكسب فى كل حاجه الا وسع الصالون الداخلى فقط
انصح بالصنى

اقتباس:

---

المشاركة الأصلية كتبت بواسطة MOK3336

شكرا يا جماعة علي الإهتمام و الله بجد انا محتار جدا

---

اقتباس:

---

المشاركة الأصلية كتبت بواسطة MOK3336

لدرجة انى قولت أجيب لوجان و خلاص و زى ما تيجي
بجد أنا محتار علي الأخر
ahmediak
انا شايف انك معاك نيسان ياريت تقولي عيوبها الله يخليه
و هل موضوع الشوشرة ايلي بتحصل لما ترفع أو تنزل الأزاز و انت مشغل الأف أم ده طبيعي ولا اية

---

بص يا برنس اولا انا مع رأى د امير انك تسحب فلوسك لحد ما تقرر
و بالنسبه لتحفظاتك على الصنى هقوللك:
"مفيس حشو في ظهر الكبوت و مفيش غطي للمحرك بتعها "أظن دى حاجات هينه مش هتفرق خالص بس ده بيكون استخسار من اللى بيقفل و هقوللك على حاجات من دى بعدين
" حاسس أن الماتور صوته عالي " أظن الراجل رد عليك بأنك جوه المعرض و العربية لسه جديده
"كان مشغل الراديو علي fm و نزلت الزجاج لقيت في لغوشة في الصوت" أولا يا باشا انت شغلت الراديو جوه المعرض و ده مكان مغلق و انا عندى فى الجراج كده برده لكن فى الشارع و الاماكن المفتوحه الراديو 100/100 لانه kenwood و بعدين فيه حاجه مهمه يمكن مكنتش رافع الاريال وده شىء مهم جوه المعرض لكن بره ممكن يلقط من غير الاريال ميتفرد و انا شخصيا مش رافع منه غير حوالى 5 سم وبيلقط ممتاز على ال fm modulator وموضوع الزجاج ده محصلش معايا اما بالنسبه لللكاسيت فده cd mp3 و مفهوش مشكله اطلاقا و لا جوه ولا بره
"المفروض العربية تكون ماشية كام كيلو لأنى لقيتها ماشية 130 كيلو ؟؟ " انا العربيه جتلى كفر الشيغ عامله 120 كم لانها بتيجى من 6 اكتوبر من مصنع النيسان
"فواحد قالي مش مهم التقفيل بس أسمها عربية يباني" يا باشا اللى مقفل العربيه مش توكيل ...ده نيسان موتورز يعنى باشراف مباشر من نيسان و معنى هذا ان نيسان نفسها مشرفه على التقفيل فأظن ده برده مش زى العربيات اللى التوكيل بيقفلها وانا شايف ان تقفيل النيسان جيد .
و بعدين لو عايز مانيوال هات اللى فيها abs لو معاك فلوس و بعدين برده لو عاوز اللى مفيش كلام تانى بعدها هات النيسان تيدا لو فلوسك تسمح من 106000 الى 110000.
بالنسبه لعيوب الاوبترا اسال حد جربها اما بالنسبه لعيوب النيسان فراجع المواضيع دى :
http://www.nilemotors.net/Nile/135348-a.html
http://www.nilemotors.net/Nile/135907-a.html
http://www.nilemotors.net/Nile/135879-100.html
http://www.nilemotors.net/Nile/114998-a.html
http://www.nilemotors.net/Nile/134875-a.html
http://www.nilemotors.net/Nile/134594-a.html
و اخيرا ربنا يقدرلك ما فيه الخير
سبحانك اللهم وبحمدك ، أشهد أن لا إله إلا أنت أستغفرك وأتوب إليك

بصراحه الدكتور احمد السعيد جاب لحضرتك من الأخر
بص يا اخى العزيز
بالنسبه لمعظم مالكى الصنى فهما قبل الشراء كان بيفاضلوا بين الصنى والأوبترا واللألنترا لأن سعرهم قريب جدا بس الصنى فازت فى النهايه وحازت على اعجابهم وانا واحد منهم للأسباب التاليه
1- الصنى عربيه يابانى (اعتماديه رهيبه)
2- سمعة السياره الممتده لسنوات طويله فى الخليج والسوق المصرى بما اضفى عليها ثقه لدى الجميع (الأوبترا لسه سامعين عنها قريب)
3- الأحترام الشديد الذى يعامل به مالك السياره نيسان فى مراكز الخدمه المعتمده (ربنا ينجيك من ايد غبور ومنصور)
4- عوامل الأمان الموجوده فى السياره (بتكلفه اقل)مثلا
ABS +EBD+Air Bags
الحاجات دى موجوده فى عربيات كورى تانيه بس بسعر اعلى بكتير

وفى النهايه
الراحه النفسيه التى تعترى الشخص الذى يملك سياره يابانى تنجيه من كل الوساوس التى تنشأ عند ظهور اى مشكله بالسياره انها مشكله بسيطه ولها حل (لو راكب كورى وحصلتلك نفس المشكله هاتلعن الى شار عليك بالكورى )
وفى النهايه ربنا يهدينا ويهديك للى فيه الخير
وطمنا عليك

و راجع برده المواضيع دى :
http://www.nilemotors.net/Nile/62667-a-10.html
http://www.nilemotors.net/Nile/24263-a-7.html
http://www.nilemotors.net/Nile/97769-a-4.html
http://www.nilemotors.net/Nile/2023-a-11.html
و بالتوفيق

ايه الاخبار مش تشاركنا؟

خلاص يا جماعة أنا قررت اخلص في النيسان بس في ملاحظات بسيطة خالص
1- البطارية عادية مش جافة ؟
2- أجيب ايلي فيها abs ولا مش هحس بفرق
ولو جبتها abs أعرف منين أن فيها abs
3- أجبها لونها اية
4- هل فعلا بتاكل بنزين ياما ( واحد قالي زيها زى أى ماتور 1600 )

[QUOTE=MOK3336;3872504147]خلاص يا جماعة أنا قررت اخلص في النيسان بس في ملاحظات بسيطة خالص
1- البطارية عادية مش جافة ؟
و ايه المشكله
2- أجيب ايلي فيها abs ولا مش هحس بفرق
ولو جبتها abs أعرف منين أن فيها abs

لو فلوسك تسمح اكيد abs هيكون افضل وهتعرف من لمبه هتنور فى التابلوه
3- أجبها لونها اية

باين عليك محتار و متردد خالص ... دى ازواق بس اللون الفاتح زى الفضى مثلا جميل بس تقريبا اغلب الشارع لانسر و غيره فضى (لون الكساء الشعبى فى السيارات) و الالوان الغامقه زى النبيتى و الاسود شكلها ممتاز بس التراب بيبان فيها قوى خصوصا لو هتركن فى الشارع.

4- هل فعلا بتاكل بنزين ياما ( واحد قالي زيها زى أى ماتور 1600 )[/QUOTE]
راجع الموضوع ده :
http://www.nilemotors.net/Nile/62667-a.html

و بالتوفيق

اقتباس:

---

المشاركة الأصلية كتبت بواسطة mok3336

خلاص يا جماعة أنا قررت اخلص في النيسان بس في ملاحظات بسيطة خالص
1- البطارية عادية مش جافة ؟
2- أجيب ايلي فيها abs ولا مش هحس بفرق
ولو جبتها abs أعرف منين أن فيها abs
3- أجبها لونها اية
4- هل فعلا بتاكل بنزين ياما ( واحد قالي زيها زى أى ماتور 1600 )

---

تبعا لقواعد التجميع المحلي لازم العربيه يكون فيها مكونات مصري بنسب معينه
الحاجات المصري في النيسان صني و لو غلطت حد يصححلي:
الكراسي
البلاستيك و الفيبر
الزجاج
الرادياتير
موكيت العربيه
الضفيره
كاوتش حلق الابواب
البطاريه
و ارد بقي علي نقطك مع ان الدكتور احمد رد علبها بس زياده اطمئنان ليك
1-البطاريه هتقعد معاك سنه و شهرين في المتوسط و هتبوظ, و مطلوب من حضرتك شراء بطاريه جافه ساعتها مهما ان اتقالك شعر في البطاريه السابله
2-ال abs هدفه منع الكاوتش من الانغلاق(صوت صرير الكاوتش في الفرامل العنيفه) وقت ما تدوس فرامل قويه فجأه
و ده بيخليك تقدر تحرك الدركسيون يمين و شمال و انت بتفرمل علشان تتفادي العائق الموجود
لو حاولت تعمل كده بعربيه من غير الabs يا اما مش هينفع من اصله يا اما العربيه هتتقلب
بس ده علي حساب مسافه التوقف التام اللي بتزيد(يعني التوقف هيكون في مسافه اطول عن الفرامل العاديه) مع الاخذ في الاعتبار قدرتك بوجود ال abs في تفادي و مناوره العائق
و ال abs بيكون نافع و مفيد بالاخص لما يكون الارض عليها تراب او مياه او زيت(الحاجات اللي بتخلي عربياتنا العاديه كاوتشاتها تتزحلق لما نكبس فرامل فجأه)
خلاصه النقطه دي
معاك تكمل و تجيب الabs هاته مفيد و امان
3- الالوان اذواق شخصيه ولا خاب من استشار
النبيتي حلو في الغوامق بس بلاش اسود مش علشان التراب و بس انما علشان العيال في الشارع بتستهدف العربيات السوده بالخرابيش اكتر من اي لون تاني (متخافوش انا مش منهم بس بلاحظ كده علي طول) غير موضوع انه بيمتص حراره اكتر من الشمس(طبعا في عازل تحت الصاج بس برضو )
بالنسبه للفواتح انا بحب اللون الذهبي جدا فيه
و بالمناسبه عربيتي زي لون عربيه سبعاوي نبيتي
4- موضوع البنزين د احمد حطلك لينك لموضوعي عنه
و لو معدلات الاستهلاك دي كتيره عليك ممكن تفكر في عربيه 1300 سي سي او لو عايز التوفير كله اتجه الي مواتير ال 1100 سي سي الموفره توفير رهيب داخل المدينه بالذات(خد بالك ان جوا البلد مواتير ال 1300 و ال 1600 تكاد تكون متقاربه في الاستهلاك جدا)
و ربنا يوفقك

اقتباس:

---

المشاركة الأصلية كتبت بواسطة amir

تبعا لقواعد التجميع المحلي لازم العربيه يكون فيها مكونات مصري بنسب معينه
الحاجات المصري في النيسان صني و لو غلطت حد يصححلي:
الكراسي
البلاستيك و الفيبر
الزجاج
الرادياتير
موكيت العربيه
الضفيره
كاوتش حلق الابواب
البطاريه
و ارد بقي علي نقطك مع ان الدكتور احمد رد علبها بس زياده اطمئنان ليك
1-البطاريه هتقعد معاك سنه و شهرين في المتوسط و هتبوظ, و مطلوب من حضرتك شراء بطاريه جافه ساعتها مهما ان اتقالك شعر في البطاريه السابله
2-ال abs هدفه منع الكاوتش من الانغلاق(صوت صرير الكاوتش في الفرامل العنيفه) وقت ما تدوس فرامل قويه فجأه
و ده بيخليك تقدر تحرك الدركسيون يمين و شمال و انت بتفرمل علشان تتفادي العائق الموجود
لو حاولت تعمل كده بعربيه من غير الabs يا اما مش هينفع من اصله يا اما العربيه هتتقلب
بس ده علي حساب مسافه التوقف التام اللي بتزيد(يعني التوقف هيكون في مسافه اطول عن الفرامل العاديه) مع الاخذ في الاعتبار قدرتك بوجود ال abs في تفادي و مناوره العائق
و ال abs بيكون نافع و مفيد بالاخص لما يكون الارض عليها تراب او مياه او زيت(الحاجات اللي بتخلي عربياتنا العاديه كاوتشاتها تتزحلق لما نكبس فرامل فجأه)
خلاصه النقطه دي
معاك تكمل و تجيب الabs هاته مفيد و امان
3- الالوان اذواق شخصيه ولا خاب من استشار
النبيتي حلو في الغوامق بس بلاش اسود مش علشان التراب و بس انما علشان العيال في الشارع بتستهدف العربيات السوده بالخرابيش اكتر من اي لون تاني (متخافوش انا مش منهم بس بلاحظ كده علي طول) غير موضوع انه بيمتص حراره اكتر من الشمس(طبعا في عازل تحت الصاج بس برضو )
بالنسبه للفواتح انا بحب اللون الذهبي جدا فيه
و بالمناسبه عربيتي زي لون عربيه سبعاوي نبيتي
4- موضوع البنزين د احمد حطلك لينك لموضوعي عنه
و لو معدلات الاستهلاك دي كتيره عليك ممكن تفكر في عربيه 1300 سي سي او لو عايز التوفير كله اتجه الي مواتير ال 1100 سي سي الموفره توفير رهيب داخل المدينه بالذات(خد بالك ان جوا البلد مواتير ال 1300 و ال 1600 تكاد تكون متقاربه في الاستهلاك جدا)
و ربنا يوفقك

---

الله يا نور يا امير باشا كده انت قلتله على كل حاجة

نصيحة من اخوك
نيسان صني بس تكون من جوا الوكيل و اوعي تشتري من المعارض

توكل على الله و هات الصنى و لن تندم و سيكون إختيار موفق إن شاء الله

نصيحة بدون كلام كتير وعن تجربة للاوبترا 70.000 كم
وحاليا صنى سوبر صالون

الصنى احسن من الاوبترا فى كل حاجة حتى استهلاك البنزين
الاوبترا ميزتها الوحيدة انها اوسع من الصنى (الركاب الى قاعدين ورا فقط)
وفى راى قاعدة الصنى اريح من الاوبترا بمراحل
اثبت على الطريق و خاصة الملفات و الغرز
موتور اقوى
عفشة محترمة جدا
فرامل مية مية
اشيك مع الابانوس و الفرش البيج

اى مركز صيانة حيكون احسن من منصور
سعر المصنعية فى النيسان اقل من النص فى الاوبترا
مش عايز اطول اكتر من كده
انت صاحب القرار

رايى الاوبترا افضل من النيسان