الواجا الجديدة ( وهمية ) و ساعدونى يا جماعة----- بالصور

بسم الله الرحمن الرحيم
انا جديد فى المنتدى:Y_hi_3[1]:
وده اول موضوع بالنسبة ليا و انا دخلت على الموقع ده علشان انا عايز اشترى عربية اليومين دول ومحتار جدااااااااااً وكنت حجيب السيراتو الجديده بس لقيت ان العربية شكلها جامد بس كتير عليها السعر بتاعها و كده كده سعرها حينزل لآنها كورى زى الدايو و الهيونداى .
فأنا قولت اشوف ايه اخبار الواجا و شوف الكلام المكتوب عنها ايه لقيت ان كل الناس بتشكر فيها و قولت خلاص انا كده حجيب الواجا رغم انى عارف ان العربية مش منتشره و ان سوق بيعها مش كويس بس انا مش حجيبها و ابيعها الا بعد وقت طويل .
بس انا اتصدمت بعد ما لقين على النت انهم منزلين قريب عربة شكلها جامد جداً جداً جداً .
وفى الاخر عرفت انها الواجا الجديده .:B4_556:http://media2.paultan.org/images/proton-prima.jpg http://media2.paultan.org/images/proton-perwaja-2.jpg

و اسمها بير واجا .:stink[1]:
والعربية من جوه ومن بره ملهاش حل .
انا مش عارف اعمل ايه ؟؟؟؟؟؟؟؟؟؟؟؟؟؟
استنى و لا اروح اجيب اللى موجوده دلوقتى
http://farm4.static.flickr.com/3098/...021a7c36a9.jpg
ارجو الرد فى اسرع و قت ممكن .:M_yes[1]:

طبعا اهلا بيك معانا
ثانيا شكرا على الموضوع
ثالثا من غير تفكير استنااااااااااااااااااااا اااااااااااااهااااااااااا ااااااااااااااااااااااااا اااااااااااا

الصور دى على فكرة تصورات من ناس للأشكال اللى ممكن تكون عليها موديلات بروتون القادمة.. يعنى الصورة اللى مكتوب عليها perwaja تصور واحد اسمه Theophilus Chin اللى اسمه مكتوب على جنب الصورة ودى الصفحة من موقعه Proton Perwaja | Theophilus Chin

وصورة التابلوه لنفس الشخص برضه مع تصور لشكل العربية الخارجى على أساس اللانسر لأن فى اشاعات ان بروتون حتتعاون مع ميتسوبيشى بحيث اللانسر تتباع تحت اسم بروتون واجا بتعديلات بسيطة ودى الصفحة من نفس السايت 2010 Proton Waja/Impian | Theophilus Chin

الصورة اللى باقية تصور لشخص اسمه Kevin Lee وموجود فى الصفحة دى Proton unveils details on its roadmap, new petrol and diesel engines

هو أنا مش عايز أحبطك ... بس أنا أشك إن دى هتنزل فى نفس الفئة السعرية للواجا اللى موجودة دلوقتى أو حتى السيراتو.

اقتباس:

---

المشاركة الأصلية كتبت بواسطة ahmadelsaeed

هو أنا مش عايز أحبطك ... بس أنا أشك إن دى هتنزل فى نفس الفئة السعرية للواجا اللى موجودة دلوقتى أو حتى السيراتو.

---

وكمان ما اعتقدش ان عربية بالحجم ده هتقل عن 1800 او 2000 سي سي مما يرفع سعرها جدا بسبب الجماراك للسيارات فوق 1600 سي سي

يا باشا الوجا الجديده لسه اصلا مفيش تصميم نهائي ليها حتي الان دي مجرد تصورات من مصممين

والوجا الجديده دي هتنزل مصر بعد ماتنزل في ماليزيا بفترة مش هتقل عن سنتين لانه اصلا لسه في اصدار من الواجا منزلش مصر وهوا واجا سبي اس waja cps ودا نوع ماتور غير الي موجود في مصر وهو الكامبرو العادي

انا لو منك اشتري الواجا الموجوده حالا بالامانه العربية ممتازه ثبات وراحه وشكل فخم محترم انا معيا واجا 2009 وبجد مفيش اي مشكلة وجهتني غير عيوب تقفيل بسيطه وعلي البركه ان شاء الله

انا متشكر بجد يا جماعة على اهتمامكم .
و انا بجد محتار وساعات بقول خلينى فى الجين 2 و ساعات بقول الواجا و فى واحد صديقى بيبيع اليومين دول عربيه لانسر 2007 و بيقولى عليها . انا بجد محتار .!

اقتباس:

---

المشاركة الأصلية كتبت بواسطة ahmedfathywaja

انا متشكر بجد يا جماعة على اهتمامكم .
و انا بجد محتار وساعات بقول خلينى فى الجين 2 و ساعات بقول الواجا و فى واحد صديقى بيبيع اليومين دول عربيه لانسر 2007 و بيقولى عليها . انا بجد محتار .!

---

إستخير يا باشا على اللى قلبك مستريحلها وإن شاء الله ربنا يوفقك للخير :vctry:

لسه بدري على ما تنزل مصر

حتى لو نزلت سعرها هيكون معدي خالص
بس بجد هي تحفه
وزي ماحد قالك هتكون 1800 أو 2000 سي سي
والفئه دي بتبقى اسعارها عاليه
عشان نسبة الجمارك اللي بتنضاف عليها
خش ع الموجود وبالتوفيق سواء واجا او بيرسونا وعيييييييييش
ألفي بشرى

استنا
فرق شاسع

طيب أنا عندى شؤال : انا سألت فى التوكيل عن واجا 2010 قالولى هى هى مش حتتغير بس لسه منزلتش عندهم وبصراحة مش عايزين يقولولى ليه اتأخرت كده وبيقولو على اول مايو2010 ومش متأكد من كلامهم انا كمان عايز أشتريها بس محتار أخد 2009 وللا استنى 2010 وللا مش حتفرق خاصة وأنهم منزلين جامد فى أسعار 2009 وده اللى مخلينى أقول أن 2010 حتبقى أفضل وللا هما بس عايزين يخلصوا من مخزون 2009 وبعدين يفكروا فى 2010
برجاء أفيدونى واللى عنده معلومات أكيده من جوه التوكيل يقوللى خاصة كمان انى لقيت موديلات 2009 اللى فى معرض م نصر متبهدله وهملين فيها اوى ومش عارف العجوزة فيها نفس الوضع وللا لأ؟
شكرا للجميع

بص يا باشا راى الشخصى لو عايز تجيب عربية بروتون خليك فى الجين تو او البيرسونا على فكرة الفرق بين الاتنين موضوع شنطة البيرسونا اكبر من الجين تو انما الواجا عربية جامده جدا و لكن فى اعتقادى الشخصى انها من ضمن العربيات اللى مكنش ليها حظ شوية لان شكلها كلاسيك خالص و دة اللى خلا مبيعاتها مش قوى و بالتالى قطع الغيار مرتفعة شوية عن البيرسونا و الجين تو كمان عدم توافر قطع الغيار الا فى التوكيل اللهم الا بعض قطع الغيار فراى البيرسونا و الجين افضل ليك خاصة ان الموتور نفس الموتور و كمان التعليق يعنى تقريبا الفرق فى الشكل و الله اعلم

اقتباس:

---

المشاركة الأصلية كتبت بواسطة itegypt

عايز أشتريها بس محتار أخد 2009 وللا استنى 2010 وللا برجاء أفيدونى واللى عنده معلومات أكيده من جوه التوكيل يقوللى خاصة كمان انى لقيت موديلات 2009 اللى فى معرض م نصر متبهدله وهملين فيها اوى ومش عارف العجوزة فيها نفس الوضع وللا لأ؟
شكرا للجميع

---

استنى ايمن يقولك على المفيد :11:
ربنا يوفق

اقتباس:

---

المشاركة الأصلية كتبت بواسطة ahmedfathywaja

بسم الله الرحمن الرحيم
انا جديد فى المنتدى:y_hi_3[1]:
وده اول موضوع بالنسبة ليا و انا دخلت على الموقع ده علشان انا عايز اشترى عربية اليومين دول ومحتار جدااااااااااً وكنت حجيب السيراتو الجديده بس لقيت ان العربية شكلها جامد بس كتير عليها السعر بتاعها و كده كده سعرها حينزل لآنها كورى زى الدايو و الهيونداى .
فأنا قولت اشوف ايه اخبار الواجا و شوف الكلام المكتوب عنها ايه لقيت ان كل الناس بتشكر فيها و قولت خلاص انا كده حجيب الواجا رغم انى عارف ان العربية مش منتشره و ان سوق بيعها مش كويس بس انا مش حجيبها و ابيعها الا بعد وقت طويل .
بس انا اتصدمت بعد ما لقين على النت انهم منزلين قريب عربة شكلها جامد جداً جداً جداً .
وفى الاخر عرفت انها الواجا الجديده .:b4_556:http://media2.paultan.org/images/proton-prima.jpghttp://media2.paultan.org/images/proton-perwaja-2.jpg

و اسمها بير واجا .:stink[1]:
والعربية من جوه ومن بره ملهاش حل .
انا مش عارف اعمل ايه ؟؟؟؟؟؟؟؟؟؟؟؟؟؟
استنى و لا اروح اجيب اللى موجوده دلوقتى
http://farm4.static.flickr.com/3098/...021a7c36a9.jpg
ارجو الرد فى اسرع و قت ممكن .:m_yes[1]:

---

اهلا بيك أ احمد

اولا كل الصور ديه زى ما قال الاخوه الافاضل عباره عن تعديلات فوتوشوب

الواجا الجديده حتكون مشتركه مع الانسر الجديده فى الشاسيه بنسبه كبيره جدا ... و الكلام ده من ناس شغالين فى بروتون ماليزيا

لسه مافيش شكل نهائى نزل بشكل رسمى على الانترنت ليها ... بس انا اتوقع انها ممكن تنزل على اول او منتصف 2011 لان سياسه بروتون حاليا طرح موديلات جديده كل فتره ...و ده بدأ بالبيرسونا و اتعمل ليها فيس ليفت .. و الدور الجاى على الواجا بس حتتغير بالكامل بموديل جديد اكبر فى الحجم منافس للسيارات اليابانيه متوسطه الحجم كورولا , سيفيك , لانسر .

فكره انك تشترى او تستنى ديه راجعة ليك و مدى احتياجاتك ...

الواجا الحاليا كاداء و سعر و كماليات و عوامل امان ... بدون مبالغه الافضل فى فئتها و حتى افضل من عربيات اغلى منها .

لكن الموديل فى نهايه العمر يعنى بنتكلم فى سنه : سنه و نص و حتتبدل بموديل احدث و اكبر و اعتقد انه حيكون بشكل اجمل و باداء افضل ... بس طبعا حيكون اغلى .

لو مش فارق معاك تغير الموديل بموديل احدث و يهمك الاداء و العمليه و السعر ... فكر فى الواجا الحاليه خصوصا و ان عليها اوفر كويس

و اى استفسار .... انا معاك

اقتباس:

---

المشاركة الأصلية كتبت بواسطة ahmadelsaeed

هو أنا مش عايز أحبطك ... بس أنا أشك إن دى هتنزل فى نفس الفئة السعرية للواجا اللى موجودة دلوقتى أو حتى السيراتو.

---

احمد باشا اخبارك ايه
كلامك صح فعلا بس مش حتكون اغلى من العربيات اليابانى و بعض العربيات الكورى الى فى نفس الفئه .... يعنى ممكن سعرها يكون فى حدود 90 : 120 الف ...

اقتباس:

---

المشاركة الأصلية كتبت بواسطة mahmoodallam

وكمان ما اعتقدش ان عربية بالحجم ده هتقل عن 1800 او 2000 سي سي مما يرفع سعرها جدا بسبب الجماراك للسيارات فوق 1600 سي سي

---

لا بالعكس بروتون مش حتنزل عربيات اكبر من 1600 فى الفتره الحاليه ... كل الفكر متجه ل زياده اداء الموتور بدون زياده السعه اللتريه ... و ده عن طريق الموتور الجديد السى بى اس .. و نسخه تيربو منه .

حاجه كمان ... لانسر بتنزل عندنا بموتور 1500 , و السيفيك و الكورولا 1600 ... الكروز 1600 بالرغم من ان حجمهم كبير .

اقتباس:

---

المشاركة الأصلية كتبت بواسطة ahmedfathywaja

انا متشكر بجد يا جماعة على اهتمامكم .
و انا بجد محتار وساعات بقول خلينى فى الجين 2 و ساعات بقول الواجا و فى واحد صديقى بيبيع اليومين دول عربيه لانسر 2007 و بيقولى عليها . انا بجد محتار .!

---

لو عربيتك صاحبك ديه معاه من الزيرو و انتا عارف تاريخها و حالتها كويسه و سعرها كويس .... فكر فيها بشكل جَدى , الجين 2 من العربيات الجميله جدا و سواقتها الحقيقه ممتعه و لسه قدامها فتره على متغير شكل ... لكن خلى بالك انها اضيق من الواجا بالنسبه للكنبه الخلفيه و مساحه الرأس .

اقتباس:

---

المشاركة الأصلية كتبت بواسطة itegypt

طيب أنا عندى شؤال : انا سألت فى التوكيل عن واجا 2010 قالولى هى هى مش حتتغير بس لسه منزلتش عندهم وبصراحة مش عايزين يقولولى ليه اتأخرت كده وبيقولو على اول مايو2010 ومش متأكد من كلامهم انا كمان عايز أشتريها بس محتار أخد 2009 وللا استنى 2010 وللا مش حتفرق خاصة وأنهم منزلين جامد فى أسعار 2009 وده اللى مخلينى أقول أن 2010 حتبقى أفضل وللا هما بس عايزين يخلصوا من مخزون 2009 وبعدين يفكروا فى 2010
برجاء أفيدونى واللى عنده معلومات أكيده من جوه التوكيل يقوللى خاصة كمان انى لقيت موديلات 2009 اللى فى معرض م نصر متبهدله وهملين فيها اوى ومش عارف العجوزة فيها نفس الوضع وللا لأ؟
شكرا للجميع

---

شوف انتا احتياجاتك ايه و قرر على اساسها ... الواجا دلوقتى عليها تخفيض كويس و لو بتفكر فى الشكل الحالى و مش فارق معاك ان الموديل حيتغير قريب يبقى سيبك من موضوع موديل 2010 ... لانها حتكون اغلى و نفس الكماليات .... خليك فى 2009 و استفيد بفرق الفلوس و يبقى جيبت عربيه ممتازه بسعر اكتر من ممتاز .