العمر الإفتراضى المتوقع للسيارة

**mmido32** · 13-01-2008 04:15 PM

طب اتا عايز افهم قصة ظبط الهوا والبنزين و مساميرهم اللي في الكربراتير بالتفصيل الممل
وليه بتقول انها تاكيهات انا حاسس ان المتور صوته بيعلى والسحب مش اد كده اوي فكنت فاكر انه مشكلة تشبيع بنزين زياده او نقصان

**hazem_khidr** · 13-01-2008 06:55 PM

حكايه المسامير اللي في الكاربيراتير ما اقدر ارحها نظري لازم يكون في كربيراتير قدامي علشان اعرف اشرح عليه.
التاكيهات لو مش مضبوطه بتاكل بنزين و سحب العربيه بيضعف و بتأثر في كل الحاجات دي

**mmido32** · 13-01-2008 07:27 PM

يعني اشيل حكاية الهوا والبنزين من دماغي
طيب ازاي اعرف ان الاسطوانة الدبرياج سليمة (عايز اختبرها)
لما اكون ماشى وبسحب وانقل علي النقلة الاعلى واشيل دبرياج قبل مادوس بنزين العربيه بتتحجم في السرعة اوي (بحس انها بترجع ) ده طبيعي ولا ايه ولا ده اسطوانه ولا ايه

**hazem_khidr** · 13-01-2008 07:49 PM

دي كده سده في البيكات او عندك بيك صغير .
الاسطوانه علشان تختبرها ممكن انك تقف و من الثبات تجيب الرابع و تحاول تطلع بالعربيه بالراحهه و لو العربيه طلعت و مشيت يبقي كويسه لو العربيه بطلت يبقي الاسطوانه وحشه بس ما تعملش الحركه دي كتير

**mmido32** · 13-01-2008 10:50 PM

البكات عندي تقريبا 125 و160

**hazem_khidr** · 13-01-2008 10:53 PM

معقول!!!!!!
اول مره اسمع الارقام دي.
المفروض بتبقي 110 و 115 او115 و 120 ......

**mmido32** · 13-01-2008 11:33 PM

دي 1800 وبعدين انا كنت روحت لواحد تخصص رادياتير خلاها 110و120 فعلاو سخنها 10 دقايق وبعدين كانت حلوه لمسافة 200 متر وبتسحب كويس وبعدين الموتور اتخنق وبقي سحبة اضعف من الاول فروحت لواحد تاني قالي انت ليه عملت كده وراح عاملهم 115و 125 الخنقة راحت والسحب زاد شوية بس مرجعش زى ال200 متر فضغطت علي الراجل وهو كان رافض الحقيقة وزودتهم الى 125و 160 حسب واحد قريبي عنده لادا 1300 cc و قلت لو حصل اى مشكلة ارجعهم تاني بس محصلش حاجة تذكر غير البنزين زاد استهلاكة شوية انا مشكلتى كلها اني عايز العربية تسحب وهى تقدر علي فكرة
اية رايك ارجعهم 115و 120 تاني

**mmido32** · 13-01-2008 11:38 PM

اسف اقصد تخصص كاربراتير وبعدين ليه السحب عندى بيبقي اعلي لما الدواسة بتاعة البنزين متكنش لاخرها زي ماحد كان قال في مشاركة من المشاركات انه لمل يدوس ويشيل في 132 العربيه بتسحب احسن وده حقيقة ولو دوست علا الاخر العربيه بتاخد راحتها ليه

**hazem_khidr** · 14-01-2008 04:26 AM

بس يا باشا اللي عندك دا كله حله سهل جدا
و هو انك تشوف صنايعي محترم و تيل تانك البنزين تغسله و تجيب طقم بوجيهات نضيف شامبيون او بوش انسب حاجه لمواتير الفيات و ياسلام لو كان تلاته او اربعه شمعه و فلتر بنزين و تخليه ينضف الكاربيراتير و يظبط التاكيهات و يظبط التاكيهات و يظبط التاكيهات شوف انا بكررها كام مره .
و تركب البيكات بتاعها حتلاقي العربيه بتشد معاك و استهلاكها قل.دا في حاله لو الكرونه و الفتيس بتوعك كويسين.
لو استهلاك البنزين عندك بالبيكات دي مش فارق قوي يبقي خليهم .
حكايه الدواسه دي مش لاقي ليها تفسير لكن نا كنت بعمل كده في ل 132 و الفيات عموما كنت بكارك في اخر ربع الدواسه .
علي فكره لو بتحاول تشد علي الخامس مش حتلاقي نتيجه لو عاوز تشد يبقي علي التالت او الرابع
في ال 132 ال 2000 دي كانت سرعتها علي الغيارت
الاول 52
التاني 98
التالت 148
الرابع افتح عليه زي ما انت عاوز
بالمقارنه ب ال 1800 المفروض الفرق مش حيبقي كبير مع مراعاه العمر يعني العربيه لو وصلت 40 اول و 70 تاني و 110 تالت يبقي كده تمام اوي

**mmido32** · 14-01-2008 05:42 AM

استني خد الارقام ده عندك
الاول عندي 30 وصوت الموتور بيعلي اوي وال rpm بيوصل لل4000 والثاني حوالي 50 بس هبقي اتاكد لك والثالت 80
قولي بأه ليه بتعمل معايا كده
كانت بتعمل استهلاك كام معاك ال2000 في الصفيحة
انا سمعت ان ال1800 نفس حجم بساتم ال2000 بس هوه طلع عليها الاسم ده علشان بتوفر في البنزين عنها شويه صح
كان اخر سرعة العربية كام