كيف يمكن حساب العمر الإفتراضى المتوقع للسيارة ز ممكن امثلة
عرض للطباعة
كيف يمكن حساب العمر الإفتراضى المتوقع للسيارة ز ممكن امثلة
اعتقد ان اى سياره ايا كانت نوعها بامكانك ان تصل معها الى اقصى عمر والعكس صحيح حسب الاستخدام والمحافظه عليها والصيانه الدوريه
غير كده ممكن تهلك حتى لو كانت مرسيدس
مفيش حاجه اسمها عمر افتراضي للسياره
فيه عربيات من سنه 50 مايه لحد انهارده و فيه عربيات من 2003 اتكهنت خلاص و ماعدتش تنفع.
المحافظه و الالتزام بالقواعد بيحافظو علي العربيه
العمر الافتراضى النظرى لأى سيارة هو 100 ألف كيلو أو 10 سنوات و لكن هذا العمر نظرى فقط أما عمرها العملى فأكبر من ذلك بكثير و بعد هذا العمر نطلق عليها سيارة قديمة.
و تتراوح الأعمار الافتراضية للسيارات عموما و هى تختلف من مكون الى أخر, مثلا لو أخذنا المحرك كمقياس لعمرها الافتراضى فسوف نجد أن أى محرك عمره عمرتان فقط ماعدا محركات البيجو التى يجرى لها عدد لا محدود من العمرات. و العمره عمرها بيختلف من سيارة الى أخرى, و اليك الأعمار التقريبية حسب المتعارف عليه بين الميكانيكية :
مرسيدس : 300-400 ألف كيلو قبل أن يحتاج المحرك لعمرة.
بيجو : 250-350 الف كيلو.
فيات : 200-300 ألف كيلو( موديلات فيات الكبيرة و هذا قد لا يسرى على الموديلات الصغيرة مثل ال128 و ال127).
اليابانى و الكورى : 100-150 ألف كيلو.
طبعا هذه الأعمار قابلة للزيادة بشكل كبير اذا قدت السيارة بطريقة هادئة, فقد ترتفع بعمرها الى الضعف, و قد تقصف عمرها الى النصف اذا قدتها بطريقة سريعة.
أما عمر اسطوانة الدبرياج فهو يتراوح قياسيا ما بين 100-200 ألف كيلو حسب القيادة أيضا.
أما بالنسبة لعمر السيارة ككل فالمفترض أنه 10 سنوات تدخل بعدها السيارة فى طور السيارات القديمة.
و لا تنسى أنه يمكنك السير مسافة لا بأس بها ربما تقارب عمرة و المحرك يحتاج لعمرة بدون أن تلاحظ أى شىء, و يطلق على المحرك فى هذه الفترة "خفيف", و هنا يمكن السير به مسافة لا بأس بها قبل أن يطلق عليه محرك "مفوت". و لا يتأثر أداءه كثيرا بل على العكس قد تشعر أن المحرك "الخفيف" أكثر سرعة و قوة و هو الملحوظ فى كثير من السيارات بينما يكون المحرك "قافش" و خشن فى بداية فترة عمله أو بعد العمرات.
أما بالنسبة للأمثلة فأنا مثلا كان معايا عربية نصر 128 1100 سى سى و اشتريتها عاملة 150 ألف و مش عاملة عمرة(أعتقد أنها كانت عاملة أكثر من ذلك لأن العداد كان بايظ الرقم ده حسب كلام مالكها السابق) ووصلت معاها ل250 ألف تقريبا بدون أى مشاكل تذكر, و المحرك كانت حالته جيدة لما اشتريتها, الا انه فى الفترة الأخيرة ابتدا يخف.
أما بالنسبة لمحركات الديزل فان عمرها يبلغ أربع مرات عمر محرك البنزين.
يعنى محركات الديزل ممكن توصل الى 700-900 ألف كيلو بسهولة جدا و بدون عمرة. و لكن طرمبة الديزل غالبا هتحتاج عمرة قبل الفترة دى و عمرة طرمبة الديزل مكلفة زى عمرة المحرك نفسه.
ليه؟؟؟اقتباس:
فسوف نجد أن أى محرك عمره عمرتان فقط ماعدا محركات البيجو التى يجرى لها عدد لا محدود من العمرات. و العمره عمرها بيختلف من سيارة الى أخرى,
هل ده لميكانيكا معينة تتميز بها البيجو عن غيرها من السيارات ام ماذا؟؟
اختلف معاك يا استاذ فادي في هذه الجزئيه
مواتير الفيات و انا مجربها كتير ممكن يتعمل ليها عمره لحد 4 مرات و لو غيرت عمود الكرنك بعد العمره الرابعه ممكن يتعمل ليه اربع عمرات اخري.
لان اول مره بيتخرط اول مره 010 و تاني مره 020 و تالت مره 040 و رابع مره 060 لكن بعد كده ما ينفعش يتخرط
فلازم تجيب عمود كرنك استاندر و تعمر عليه تاني.
نفس الكلام بالنسبه للبيجو
بس اللي بيفرق موتور البيجو انك لما بتشتري البساتم بتيجي بالشميز بتاعها مش بتحتج تخرط شمايز زي الفيات و بتخرط بس الكرنك و لو عاوز تغيره بتغيره.انما عدد لا نهائي للعمرات في البيجو او عمرتان للفيات ف دا غلط
الموتور المتعمر حالتة بتبقي كام فالمية و هوا احسن ولا الاستيراد في الاداء
الموتور لو اتعمر صح حالته بتبقي مقاربه للزيرو لكن بشرط انك تجيب كل حاجه اوريجنال (بساتم .صبابات .الخ)
كده تضمن انه حيبقي تمام و لازم ميكانيكي صح يعمل العمره .
اما بالنسبه للاحسن الاستيراد ولا العمره ف دي ما اقدرش احكم عليها لان كل المواتير الاستيراد اللي جبتها في حياتي (8 مواتير) في عربيات مختلفه و فوق ال 10 عمرات برضه لعربيات مختلفه كلها كانت كويسه لكن انا برجح فكره الموتور الاستيراد لانه بيبقي لسه ما اتفتحش و ببرشام المصنع و لازم ميكانيكي شاطر يجي معاك و يجربو علي الارض