قلبك جامد ؟؟ ,,, ليك فى الملاهى ؟؟ ,, دفعه ادرينالين مركزة !!
طبعا بعيدا عن ان الموضوع ده غير مخصص لمرضى القلب والسكر والضغط والخوف و فوبيا المرتفعات وحتى انفصام الشخصيه خوفا من ان الشخصيتين يتخانقو فوق وحد يرمى التانى
ده كوستر او ما يعرف بأسم قطر الموت ( اللهم احفظنا ) , هيتم افتتاحه خلال ايام فى شمال كارولينا كأكبر وأطول واسرع كوستر فى الساحل الغربى للولايات المتحده الامريكيه
طوله حوالى 2 كم سرعته تصل الى 130 كم فى الساعه ويرتفع مساره ل 71 متر فى الهواء الطلق ( ما يعادل 23 دور ) وبينزل 65 متر منهم دفعه واحده زى ما هتشوفوا فى الفيديو ( ما يعادل 21 دور ) , تصميم الكوستر على شكل شيفروليه مونت كارلو نسخه الناس كار واللى الامريكيين مهوسيين بيها وطبعا كل الخبراء متوقعين له نجاح ساحق فى عدد الوفيات من الرعب
نكمل بعد الفيديو
YouTube - New Intimidator Coaster at Carowinds
مبدئيا انا تحت اى ظرف ايا كان لا ممكن اركب البتاع ده وبستغرب اساسا ازاى الناس بتروحله وتدفع فلوس فيه , ولو ركبته هيبقى علشان اتصور بس وهو واقف وهنزل قبل ما يمشى
طبعا الكوستر ده محتاج تجهيزات كتير , اكياس بلاستيك مثلا , جهاز صدمات للإنعاش , انابيب اكسجين , اسعاف طائر
ده اول مره فى حياتى اشوف كوستر الناس فيه مش بتصوت من كتر الضغط واللزقه فى الكرسى زى ما يكون ماشى فاضى
مين فيكم فعلا فعلا عنده الجراءه انه يركبه ؟؟
واللى مستعد للأولانى ده , ممكن يشوف اخوه الكبير ده
YouTube - Sheikra - The Most Terrifying Coaster EVER!
التانى ده بقى هو المعنى الحقيقى للى بيتعرض له سواقين الفورميلا كل سباق عشرات المرات من قوه جاذبيه G Force بتوصل ل 5 فى حين انها فى الكوستر ده حسب ما قرأت لا تتعدى ال 4 فى اقصى الاحوال
منتظر ارائكم , شخصيا ان الفيديو وجع بطنى اساسا
