ضمان السيارات الخليجى بقوة القانون من المستورد والموزع 0
لاحظت ان كتير من اخواننا فى المنتدى من اصحاب السيارات الخليجى فاكرين ان عربيتهم مادامت خليجى تبقى خلاص مالهاش ديه ، ولا ليها ضمان من أى نوع وانها وصلت المحروسة يتيمة وحتفضل يتيمة فى حين ان إخواتها من الوكيل مدلعين و محروسين عشان مضمونين من الوكيل 0
والكلام ده طبعاً خطأ فادح الكل واقع فيه ، يمكن عشان عدم دراية بالقانون واحكامه 0
وعشان ما أدخلش فى تفاصيل قانونية عاوز أقول ان اى سيارة خليجى يطلع فيها اى عيب صناعى ( لا قدر الله ) - بتكون فى ضمان و رقبة المستورد والموزع يعنى اللى انت اشتريت منه وده بقوة القانون وغصب عنه 0
واللى عاوز تفصيل اكتر انا فى الخدمة 0