كلمة السر (استاذ محمد الشامى)

السلام عليكم, كنت عملت حادثة بالعربية و الحمد لله جت سليمة, المهم نزلت اجيب حاجات للعربية( كبوت و رفارف واكصدامات و خلافة) من بورسعيد, الصراحة اتبهدلت اوى و لقيت الاسعار اغلى من القاهرة و الناس كأنها ولا عايزة تبيع و لا عاوزة حتى ترد على حد, المهم وانا بتناقش مع واحد هناك قلتلة تعرف استاذ محمد الشامى, قالى طبعا, و بعدها كان عامل معايا الواجب و زيادة, انا اسف يا محمد بك انا قلتله ان حضرتك اللى بعتنى ليية, بس برده انا متشكر لحضرتك جدا :8_8_13:
المهم ان محدش يروح بورسعيد إلا لو كان ليه حد هناك وإلا ...

ربنا يعوضك كل خير

معلش ممكن اذا كنت تعرف سعر الكبوت و الاكصدام الخلفى كام للسيفك 97 في بورسعيد و شكرا

الحمد لله أنها جت سليمة وربنا يعوضك خير وطبعاً أستاذ محمد الشامى لو يعرف أنك رايح كان عمل أكثر من كدة، بس ياريت تكتب أسعار الحاجات اللى جبتها عشان يبقى في استفادة لبقى الأعضاء وشكراً

ربنا يكرمكم يا رجالة, بالنسبة للأسعار انا اعرف اسعار الجيل الخامس بس, الكابوت 400 و الرفرف 200 و الاكصدام امامى 400 و الخلفى 300 والاربع ابواب بمشتملاتهم بحوالى 1000 , كل المرايات هناك للدركسيون اليمين فملهاش لازمة, المساعدين بالسوست و البطاحات ب280 و الطنابير الامامى بالماستر و التيل و البليه و المقص العمودى و المقص الشوكة (اسمهم الدوشمة او الشمعدان) ب300 الجنبين, واللى عاوز يسأل على حاجة تانى نا تحت امره

اقتباس:

---

المشاركة الأصلية كتبت بواسطة anasr

ربنا يعوضك كل خير

معلش ممكن اذا كنت تعرف سعر الكبوت و الاكصدام الخلفى كام للسيفك 97 في بورسعيد و شكرا

---

هو انا مسألتش, بس اسعارهم اقل من الشكل الاقدم لأنهم منتشرين اكتر ده من كلام اصحاب المحلات

اقتباس:

---

المشاركة الأصلية كتبت بواسطة khaled_rafea

ربنا يكرمكم يا رجالة, بالنسبة للأسعار انا اعرف اسعار الجيل الخامس بس, الكابوت 400 و الرفرف 200 و الاكصدام امامى 400 و الخلفى 300 والاربع ابواب بمشتملاتهم بحوالى 1000 , كل المرايات هناك للدركسيون اليمين فملهاش لازمة, المساعدين بالسوست و البطاحات ب280 و الطنابير الامامى بالماستر و التيل و البليه و المقص العمودى و المقص الشوكة (اسمهم الدوشمة او الشمعدان) ب300 الجنبين, واللى عاوز يسأل على حاجة تانى نا تحت امره

---

الله ينور عليك يا أستاذ خالد كدة تمام بالنسبة للمرايات ممكن تتعدل عادى زى المواتير والكنترول يونت اللى بيكون يمين بس بيكون محتاج واحد فاهم والأسعار قريبة للجيل السادس

طب تتعدل ازاى يا باشا, فهمنى بليز المرايه حتجننى

اقتباس:

---

المشاركة الأصلية كتبت بواسطة khaled_rafea

طب تتعدل ازاى يا باشا, فهمنى بليز المرايه حتجننى

---

الكهربائى بيقلب الظفيرة، لو تعرف تروح لى وليد الكهربائى اللى في الحرفيين اللى عند الثلاثى هيعملهم وهو مغمض أنت عاوزهم كهرباء بس ولا كمان مرايات ضم؟

يا باشا المشكلة اللى فى المراية مش فى الكهرباء, المرايات شغالة تمام بس زاوية الرؤية مختلفة, يعنى المرايه الشمال اخرها جايب جنب العربية, يعنى زى قلتها

اه عفواً أنا كنت فاهم حاجه ثانية طيب أنت كشفت عليها وعرفت العيب من اية؟ ممكن تكون محتاجه تتفك وتتظبط بس

لا ده مش عيب, دى مصممه على ان السائق يجلس فى المقعد اليمين مش الشمال, الزاوية مختلفة حوالى 45 درجة, شكرا لمحاولتك المساعدة يا باشا

حمد لله علي السلامة يا خالد باشا
انا كان راي تجيب الكبوت والرفارف جداد من عند ابو قورة اللي في جسر السويس اسعارة كويسة
الاكصدام كان عملة 140 بش طبعا حاجة زبالة بس اهو يأدي الغرض
الرفرف 270
وكلة بيجي علي الرش يعني مفيش معجون و لا وجع دماغ
الكبوت مش فاكر كان عامل كام
تبقيء طمنا اول ب اول

اقتباس:

---

المشاركة الأصلية كتبت بواسطة kalmah

حمد لله علي السلامة يا خالد باشا
انا كان راي تجيب الكبوت والرفارف جداد من عند ابو قورة اللي في جسر السويس اسعارة كويسة
الاكصدام كان عملة 140 بش طبعا حاجة زبالة بس اهو يأدي الغرض
الرفرف 270
وكلة بيجي علي الرش يعني مفيش معجون و لا وجع دماغ
الكبوت مش فاكر كان عامل كام
تبقيء طمنا اول ب اول

---

الله يسلمك يا جميل, انا جبت الاكصدام الامامى جديد ب120 جنيه,ناقص الخلفى, لكن الصاج الاصلى افضل على ما اعتقد, شكرا جزيلا ليكم يا رجالة والله, حنزل ان شاء الله اشترى باقى الحاجات من الحرفيين او جسر السويس, ادعولى ربنا يكرمك

ربنا يكرمك و يحفظك إنت والعربية
دى شكلها كانت حادثة جامدة

اقتباس:

---

المشاركة الأصلية كتبت بواسطة sa7aby

ربنا يكرمك و يحفظك إنت والعربية
دى شكلها كانت حادثة جامدة

---

ربنا يخليك, جزاك الله خير, الحمد لله قدر الله و ما شاء فعل, كانت المشكله ان معايا المدام و حامل, بس ربنا سترها, مش مهم العربية, حتتصلح ان شاء الله

الف سلامة عيك يا خالد باشا
قدر الله وما شاء فعل
بس انت رحت لمين بالظبط؟
اصل انا مش عضو مجلس شعب علشان الناس تعرفني:ma(30):

اقتباس:

---

المشاركة الأصلية كتبت بواسطة khaled_rafea

السلام عليكم, كنت عملت حادثة بالعربية و الحمد لله جت سليمة, المهم نزلت اجيب حاجات للعربية( كبوت و رفارف واكصدامات و خلافة) من بورسعيد, الصراحة اتبهدلت اوى و لقيت الاسعار اغلى من القاهرة و الناس كأنها ولا عايزة تبيع و لا عاوزة حتى ترد على حد, المهم وانا بتناقش مع واحد هناك قلتلة تعرف استاذ محمد الشامى, قالى طبعا, و بعدها كان عامل معايا الواجب و زيادة, انا اسف يا محمد بك انا قلتله ان حضرتك اللى بعتنى ليية, بس برده انا متشكر لحضرتك جدا :8_8_13:
المهم ان محدش يروح بورسعيد إلا لو كان ليه حد هناك وإلا ...

---

الله يسلمك يا أستاذنا العزيز, انا رحت للحاج مجدى الدسوقى طبعا, ده اللى خدت منه العافشة,وخدمنى لمجرد ذكر اسم حضرتك لكن الصاج من محل لسه فاتح جديد

أستاذ محمد أنا لسة جايب سيفيك 2000 بس فيها شوية شغل يا ريت رقم تليفون خحضرتك عشان انا عايز انزل بورسعيد و اجيبلها شوية حاجات

ألف مبروك يا باشا
ربنا يديلك خيرها ويكفيك شرها و شر الطريق
تليفوني
0105164987
تحت امرك في اي وقت
انا موجود في بورسعيد الى يوم 5 ابريل فقط ان شاء الله

اقتباس:

---

المشاركة الأصلية كتبت بواسطة zer0th

أستاذ محمد أنا لسة جايب سيفيك 2000 بس فيها شوية شغل يا ريت رقم تليفون خحضرتك عشان انا عايز انزل بورسعيد و اجيبلها شوية حاجات

---