عرض للطباعة
انا اعتقد يعني ان المستوي التعليمي في منتدانا و اعضائه الكرام جيد جدا
بل و المستوي الثقافي أيضا
فعندما اري مشاركة تحتوي علي الفاظ مثل
هوا نزامه كده
كفاية بأه
انا كان اسدي حاجة تانية
بكتب بالالم الجاف
السماعات بتطلع سدي سوت
ما هو السبب في رأيكم ؟ فكتابه العامية لها قواعد محترمة كذلك !
فهل الكتابة بهذه الطريقة من باب الجهل ام احتقار اللغة ام غير مقصود ؟!!!
تم النقل للقسم المناسب
دعم فني2
مش فاهم ايه الغرض او الهدف من موضوع زي ده!!!!!!!
كل الاحتمالات واردة ممكن يكون تسرع في الكتابة أو من باب الهزار أو حتى مش عارفين يتهجوا الكلمات صح المهم حضرتك عايز تقول ايه من الموضوع ده!!!!!!ده حتى يفط المحلات نفسها بيكون فيها أخطاء تودي في داهية يعني كل البشر بتغلط سواء عمدا أو سهوا !!!!!!
و ياريت جميع الأعضاء المحترمين يخلوا بالهم و هما بيكتبوا علشان محدش يزعل منهم و ينتقدهم ............
و شكرا.........
مش احتقار للغة العربية ولا حاجة,,,بس افتكر ان الكتابة باللغة العامية اسهل....
عندك حق فى نقطة,,,,فى مشاركات ومداخلات كتير بتبقى محتاجة ترجمة من تحت,,,,حتى محصلتش لغة عامية بأى شكل...
انا فعلا بستغرب من مشاركات بالطريقة دة واللغة العامية مصر بتتكلم لغة عامية مش عربية فصحى لاكن العينات دة بتغلط كمان فى اللغة العامية والحمدلله نادرا فى المنتدى
متهيأ لي بيبقى الشخص نفسه ضعيف في العربي
عن نفسى بتنرفز جدا وباعرف إن الزميل اللى بيكتب كده ضعيف لغويا على الأقل وغير دقيق فى حياته ولا يهتم بالتفاصيل.
فعلا موضوع غريب ولغة اغرب
المشكلة مش فى الكلمات دى
المشكلة فى انشاء و اللة (ان شاء الله)
شكرا على طرح هذا الموضوع لأنه فعلا زاد عن حده في كل المنتديات خصوصا الكرة و يا ريت جميع المشاركين يتحرون الدقة في كتابة الحروف كما هي دون ترقيق او تفخيم مثلا الظاء تكتب زال و الضاد تكتب دال و الثاء تكتب سين و هكذا.. فعلا حاجة تنرفس آسف تنرفز...معلش القافية حكمت
ممكن يكون الى بيكتب ألـــــــدغ
اقتباس:
المشاركة الأصلية كتبت بواسطة KoDaK_Gti
الله
بامسك نفسي بالعافية للفت نظر الأعضاء اللي بيكتبوا بالخطأ ومش عارفين السين من الصاد من القاف .... الخ
وده يدل على انهيار التعليم للأسف في مصر
القرااااااااااااااااااااا ااءة ثم القراااااااااااااااااءة "عدمها يعمل أكتر من كده ".
:C_laugh[1]::C_laugh[1]::C_laugh[1]:اقتباس:
المشاركة الأصلية كتبت بواسطة misoalex
المشكلة في التعليم الاساسي
مكنش فيه اهتمام كويس بتعليم اللغة العربية الصحيحة
يعني حتى لما نكتب بالعامية لازم نلتزم بقواعد الاستهجاء الصحيح
فعلا فى حجات بتتكتب بطريقة غريبة فى المنتدى :::
بس مش عارف السبب الصراحة
بس بالنسبة للعامية فدة العادى لاننا بنعمل مناقشة ما بينا وكلنا نتحدث العامية بطلاقة
ولكن الفصحى قل وندر من يجيدها :N_no[1]: :36_1_37[1]:
الفكرة إن العامية ليس لها قواعد في الكتابة ولا النطق وإنما تعود إلى الناحية العرفية التي تتفاوت بين المجتمعات والمدن المختلفة وبالتالي لا يمكن لوم من يستخدمها بطريقة تبدو وكأنها خروج عن قواعد العامية التي اعتادها الإنسان..ما يحدث هو وللأسف نتيجة لترك استخدام العربية الفصحى السهلة وللأسف
الوحد سعات بيتدر إنو يكتب ذي البعد مبيكتب عشان الناس تفهمو ميش أكتر
فعلن معاك حق لاكن مش كل الناس
ثقافة الشات والماسنجر والاختصارات
فرطنا فى اللغة العربية الفصحى ودافع عنها الجيل الاقدم منا باستماتة وسلمنا فى الاخر ورضينا بالعامية
لكن يظهر انه هايجى الزمن وهانكون مضطرين قريب ندافع عن العامية !!!
والكلام ده مش بس فى مصر اتحداك تفهم كلمة من واحد مغاربى ولا خليجى ولا سودانى لو ساب نفسه لعاميته
ماشي يلدغوا في حرفين تلاتة ..اقتباس:
المشاركة الأصلية كتبت بواسطة misoalex
إنما فيه ناس بيلدغوا في نص حروف اللغة
مافيش مانع من العامية ..اقتباس:
المشاركة الأصلية كتبت بواسطة ba7ary
بس لما واحد يكتب ( يا نهار أثود ) .. ( موضوعي في المحظوفات ليه ) .. ( أنا عاوز أئول حاجة ) .. ده مش عامية ده عدم إلمام و معرفة بالحروف التي تتكون منها اللغة ..
الغريب إن نسبة الأخطاء الإملائية عند إنشاء المنتدى كانت شبه معدومة .. و لا أجد تفسير لهذا الأمر
اقتباس:
المشاركة الأصلية كتبت بواسطة dr ahmed abdelghany
+1
اقتباس:
المشاركة الأصلية كتبت بواسطة نور القمر
+1
اقتباس:
المشاركة الأصلية كتبت بواسطة ba7ary
أنا شايف إن المقصود مش إستخدام العامية وفقط ... لكن المقصود معرفة مخارج الألفاظ تعبر عن أي الحروف من اللغة المكتوبة
إحنا كتير جدا بنكتب بالعامية لأن إحنا هنا بنتكلم مع بعض مش بنكتب قصائد أو مسابقات ولن العامية بالنسبة لنا أسهل كتير في فهم العقل لها وإنسيابها به بالنسبة للكثيرين منا
لكن لما ألاقي واحد كاتب كلمة "قصدي" ..بالشكل ده ... "أسدي" يعني حتى ماكتبهاش "أصدي" لأن صعب قوي يكون حد كبير ومش عارف الفرق بين السين والصاد وكيفية نطق كل منهما
الكتابة ليها أصولها سواء كان اللى بيتكتب لغة عامية أو فصحى
دى اساسا لغة عامية ملهاش قواعد
أستاذ تايلور..أستاذ أيمن
أنا معكم في إن المشكلة هي كون الشخص لا يستطيع ضبط مخارج الألفاظ وبالتالي تنعدم قدرته على كتابة الحرف المناسب للنطق الدارج للحرف
ولكن علي أي شئ يكون اللوم هنا؟..اللوم في الحقيقة سببه أن هذا الشخص لا يقرأ الفصحى إلا نادرا ولو فعل تكون القراءة في صفحات الرياضة والفن أو المواد الدراسية لبعض الكليات النظرية التي يترجم أساتذتها النصوص والاقتباسات بلا روح
وبالتالي تكون الثقاقة المغذية الوحيدة هو ما يقرؤه على النت من هذه الألفاظ المشوهة وبالتالي تلتصق في ذهنه
بعد آخر للموضوع
من يقول (أسدي) مش شرط يكون إنسان فرفور متعود على ترقيق الحروف ولكن ممكن يكون عارف كويس إنها (قصدى) ولكنه اختار الكتابة بالعامية فبالتالي قد يعتبر هذه هي الطريقة السليمة لكتابة العامية...أقصد لماذا نلومه على استخدام السين بدلا من الصاد ولا نلومه على استخدام الألف بدلا من القاف..وقس على ذلك
وأنا لي اعتراض على مسألة تقنين الكتابة بالعامية أو اعتبار أن لها قواعد لأن هذه دعوة خطيرة قديمة من أعداء العربية والمتأثرين بالفكر الغربي الذين حاولوا هدم حصون العربية في بدايات القرن الماضي بإنشاء قواعد لغوية بديلة موازية تزاحم اللغة العربية بجرأة، على عكس الوضع الحالي فمن يتكلم بالعامية أو يكتب بها يعلم في قرارة نفسه أنه دون المستوى الأسمى من حيث التحدث بلغة القرآن ولكن تقنين الأمر سيلغي هذا الشعور ومع الوقت يصبح من النادر أن تجد من يحسن الحديث والكتابة بالعربية أو فهمها على الأقل
وعلى كل فالبعض يكتب بالفعل أحيانا بطريقة غاية في الاستفزاز على غرار (يا نهار أثود) ودي فعلا أنا قريتها هنا قبل كده
كان عندي مشروع قديم في تجميع هذه النوعية من الأخطاء المكتوبة على اليفط والمحلات والإنترنت لكن بعد فترة كسلت عن المتابعة لأنني أدركت أن دواوين الأرض لن تكفي لمثل هذه الأخطاء التي تزداد يوميا بازدياد البشر
اقتباس:
المشاركة الأصلية كتبت بواسطة ba7ary
أتفق تماما مع سيادتكم فيما ذهبتم اليه .. ولكن كان إعتراضي فقط على نقطة واحدة وهي لماذا نكتب من الحروف مالم تنطقه أفواهنا على الأقل
بعبارة أخرى وبذات المثال فكلمة "قصدي" تنطق بالعامية بحرف الألف بدلا من القاف ولذا قد يكون مقبولا لدى البعض كتابتها هكذا .. لكنها وفي جميع الأحوال لن تنطق بحرف السين بدلا من الصاد حتى وإن كان ناطقها ممن لا ينطقون بشكل جيد بعض الحروف لأن صوت الحرف يأتي أولا من العقل وليس اللسان ... وهنا في حالة الكتابة فاللسان لا دور له فالأمر يصدر من العقل وتنفذه اليدان
والنتيجة هنا إنحدار آخر يمكن وضعه بعد قائمة الإنحدارات التي وصلنا اليها في هويتنا العربية
دوما لم أكن ممن يعرفون الكتابة بغير الفصحى وإذا وقفت عند كلمة لا يمكنني إعرابها وأنا أكتبها فقد لايمكنني إكمال ما أكتب (مع الإعتراف بضعف مستواي في علم النحو مما يسبب لى العديد من الوقفات) ... ولكن ومع الوقت وجدتني تماشيا مع ما يتطلبه الأمر من الحوارات السلسة والمفهومة على العديد من مواقع الإنترنت أنحدر الى الكتابة بالعامية المصرية حتى أتمكن من التفاعل مع الآخرين
أما أن أكتب أيضا مخارج ألفاظي بحروف خاطئة فهو إنحدار آخر لا أريد أن أتقبله
مع تقبلي التام لأية كلمات قد تكون تمت كتابتها بطريق الخطأ المطبعي .. فمثلا كلمة "يانهار إثود" فأنا أعتبرها مجرد خطأ مطبعي لأن حرفي السين والثاء متقاربين على لوحة الأزرار وقد يكون كاتبها ضغط على حرف الثاء وهو يقصد حرف السين ... وليس منا من لا يفعل ذلك
وفي النهاية فكل إنسان له عذره فيما يفعل ... والله أعلم بخلقه
وأصلح حالنا جميعا ... آمين
وجزاكم الله خيرا
عندك حأ في المودوع ده !
اقتباس:
المشاركة الأصلية كتبت بواسطة n.y.s.m.a
وجزاكم الله خيرا
طريقة تحليلك جميلة جدا ما شاء الله....غالبا ستكون حافظا أو قارئا للقرآن لذلك تنطق (قصدي) بالصاد بتلقائية ولا تشعر بها على غير ذلك النحو (متبرمج كده)...
النقطة أن هناك الكثير ينطقها فعلا بالسين وليس بالصاد.. وذلك لاتحاد مخرج السين والصاد وأن كلاهما من حروف الصفير
والصاد تحتاج إلى استعلاء في النطق بينما السين تحتاج إلى استفال والاستفال أسهل بالطبع من الاستعلاء فيكون هو الغالب في النطق
وهذا خطأ شائع ويحتاج إلى التدرب على تحاشيه في الصغر
لذلك فتعليم التجويد والنطق الصحيح للحروف يكون في غاية الأهمية بالنسبة للأطفال في السن الصغيرة
بس لو عملنا كدة يا نور هاتلاقي "صدقني" بقت "سدأني" و باقوللك بقت "بأوللاك" :stink[1]:اقتباس:
المشاركة الأصلية كتبت بواسطة نور القمر
بس انا باتفق معاكي فعلاً إن المشكلة كانت في مرحلة التعليم الأساسي
على فكرة
معزم اللي موجودين هنا على الماوكع ... خريجي وظارت التعليم العالي!!
و دي كارثة !!