الحقوني يا جدعان.....صوت غريب جدا
السلام عليكم ورحمة الله وبركاته
وحشتوني يا بروتوناوية .... يارب كلكوا جميعا تكونوا بخير
امبارح في صوت غريب و عالي جدا ظهر عندي فالعربية:Zb_sor1[1]:
العربية كانت تمام و مفيهاش اي مشاكل خالص.... عاملة 26 الف كيلو ... التيل لسه متغيرش و معرفش حالته ايه لكن قالولي عند ال 22 الف كدا انه لسه تمام...
المهم..................
وانا مسافر علي طريق اسماعيلية علي 90 كدا ماشي و كله تمام .
اذ فجاة كدا.... وانا ماشي... خدت المطبات الي عالسريع الجديدة دي الي ورا بعض " حسب الله و نعم الوكيل فالي عملها " , بعد لما خدت اول واحد علي طول لقيت صوت احتكاك حديد عالي جدا جي من ناحية العجلة اليمين...!!!!
طبعا انا اتخضيت و ركنت... جيت امشي مفيش اي صوت و كله تمام
و جربت العربية بعد كدا كويسة بس لما باخد نقرة صغيرة او مطب من الصغيرين دول الي عالسريع الصوت بيظهر جامد و مش بيختفي الي لما بهدي خالص و امشي تاني!!
ايه دا بقا ان شاء الله:stink[1]: