إجراء بسيط جدا وغير مكلف لتحسين اداء عفشة الصنى (صامولة ريجلاش الديريكسيون)

**sab3aawy** · 13-01-2008 01:45 PM

المشاركة الأصلية كتبت بواسطة جندى مجند

باشمهندس سبعاوى ... أنا عايز أعمل الحركة دى فى السيتى برضو لكن السيتى الباور بتاعها الكترونى EPS فهل برضو ينفع معاها موضوع صامولة الرجلاش؟ هى السيتى كنت بأحس فى الأول ان عفشتها ناشفة لكن من بعد ما عملت بيها حوالى 15 أو 20 ألف كيلو حسيت ان عفشتها أحسن بكتير لدرجة انى ركبت مرة كورولا 2007 عاملة 15 ألف كيلو حسيت ان الفرق بين العفشتين طفيف جداً (الاختلاف فقط ان احساس الـ damping أنعم شوية لكن فى المقابل فى منحنيات كنت بأخدها بالسيتى بسلاسة شديدة كانت تخوف فى الكرورلا على سرعات أقل) ... لكن كل المشكلة ان احساسى بالمطبات من جهة الدركسيون بيبقى عالى شوية و جربت عدة مرات لما أكون معدى على cat eyes على سرعة عالية أسيب الدركسيون فبأحس ان الرجة بتكون أخف من لو ماسك الدركسيون ... فما رأيكم دام فضلكم؟ :)

محتاجة بصه تحت العربية، عموما لو جيت المقابلة اللى جاية ممكن اشوفهالك، بس فكرنى بالموضوع ده علشان اجيب معايا اوفر أول او اى لبس يصلح للنزول تحت العربية

**Karim_Monir** · 13-01-2008 02:58 PM

ها ها سبعاوي انا هارفعهالك في بنزينة مخصوص تبص تشوفهالي
انا العفشة عندي فل والحمد لله بس زيادة استطلاع مش اكتر لكن والحمد لله اخر حاجة افكر اشتكي منها العفشة
---------
ابو شريف انا عارف احساسك ده لان مرة كان واحد اعرفه معاه كرولا موديل 80 نازل بيها من السعودية
حتي مرة كنت بحاول ابيعها هنا في المنتدي .... العربية دي لما ركبتها وجبت بيها 140
وكان عندي وقتها كسيل 96 فول اوبشن
كانت الكرولا موديل 80 احسن منها في العزل والثبات والنعومة