الموضوع: إجراء بسيط جدا وغير مكلف لتحسين اداء عفشة الصنى (صامولة ريجلاش الديريكسيون)

ياباشا الف شكر علي المعلومات القيمة....
وبعدين ياسبعاوي باشا ...انت كل مواضيعك مفيدة وجميلة ....وياريت ما تتاخرش علينا باخبار الصني اول باول..

الف شكر على المعلومات القيمة يا سبعاوي
هكلم الوالد مخصوص يشوف الموضوع ده و هاقولك النتيجة ان شاء الله

المشاركة الأصلية كتبت بواسطة ابوشريف

شكرا سبعاوى باشا على المعلومات القيمه دى

انا كنت بعمل نفس الحركه بتاعة صامولة الرجلاش فى الدوجان

لكن اللى مستغرب له ان الصنى بتعتك زيرو لسه

لحقت تعمل بوش فى العجل لدرجة انك تربط ربع لفه بعد 10000 كيلو ؟؟؟؟؟؟؟؟

وطى صوتك لحسن فادى يسمعك .............:)

فى الواقع هى مبوشتش فى ال 10 آلاف كيلومتر، هى من الأول ناشفة شوية ،وانت عارف ان الحاجات دى مفروض تتظبط فى التوكيل فى صيانة الألف لأن طبيعى ان علبة الديريكسيون محدش بيضبط الريجلاش بتاعها فى التجميع، لكن لأانى مشتكيتش من حاجة فى صيانة الألف فبالتالى فى التوكيل افترضو انها مش محتاجة ظبط، بش ادى القصة

لو حاسس ان العفشة ناشفة جرب حكاية الربع لفة دى،

المشاركة الأصلية كتبت بواسطة ابوشريف

اليابانى ثقتى فيه كبيره لدرجه متتصورهاش وليس لمجرد شخص مجربش اليابانى يمكن ان يغير من وجهه نظرنا

ولمعلوماتك عندى داتسون 180بى موديل 76 وعمرها معايا يبدأ من عام 85

هى دفع خلفى لكن بنظام حر التعليق يعنى كارونه صغيره متعلقه فى سقف الشاسيه

ومتوصله بالعجلتين الخلفيتين عن طريق اكسين واربع صلايب فى نظام يشبه التعليق الخلفى للبيجو 504 الجى إل

لكن مع الفارق فى ان الكبالن فى البيجو مكانها اربع صلايب فى الداتسون

اتنين متركبين فى جانبى الكارونه واتنين فى كل عجله واحده

وحتى الآن مازالت معى ولم افكر مطلقا فى بيعها

عملتلها عمره 3 مرات خلال هذا العمر لانى بسافر كتير

واشتريت دوجان 95 علشان اتمتع بالتكييف وبعض الكماليات لكن كانت نتيجة تجربتى

ان السفر بالداتسون افضل بكثير بل لا يوجد مقارنه اصلا على الرغم من فارق الموديل تخيل

لما بمشى بالدوجان 100 بحس ان العربيه طايره وبخاف من عدم اتزانها ده غير الاصوات الرهيبه

لكن الداتسون بمشى 130 وتبقى موزونه والواحد يبقى مش خايف ولا يحس بالسرعه

ده غير ان كل ما بجرى بيها بحس انها بتنعم اكثر

ولذلك بعت الدوجان وقررت مشتريش غير يابانى لكن لسه محتار بين الصنى والسيتى

وقولى بالنسبه للربط على مسمار رجلاش علبة الدركسيون فى الصنى

حضرتك بتقول تتعمل لما تكون العفشه ناشفه شويه محتاج تفسير اكثر ؟؟؟

لان الربط على المسمار ده بنحتاجه لما بيكون فى دقه خفيفه بتحسها فى الدركسيون فقط مع المطبات

فهل هذا حدث معك ( وجود دقه خفيفه تظهر مع المطبات )

ثانيا الصاموله دى كانت فى الدوجان ومكنش فيها بور

فكنت بربطها شويه واهز الدركسيون شويه لغاية مايبقى على الشعره

ولما امشى بيها تروح الدقه اللى فى المطبات

الصنى فيها بور ولا الدركسيون عادى ؟؟؟؟

اولا بالنسبة لسوالك عن معنى كلمة عفشة ناشفة

احساسك بعفشة العربية كسائق بيوصل لإدراكك من خلال الإحساس ب 3 أشياء،
1-احاسك بهبد السيارة فى المطبات
2- الأصوات الصادرة من العفشة
3-رجرجة عجلة القيادة مع المطبات
الإحساسين الأول والثانى يشارك فيهم الراكب على الكرسى الأيمن اما الإحساس التالت فتشعر به وحدك

فانا اللى كنت بحس بيه مش لدرجة صوت خبط اللى هو ممكن اللى جنبى يسمعة لكن احساس ان عجلة القيادة مش محكومة اوى فى المطبات بدون صوت، وهو احساس ممكن 80% من الناس ما يحسوهوش، لكن انا مشكلتى فى الحياه ومع العربيات انى حساس زيادة اللزوم ، فاقل انحراف على الكمال فى الأداء بيدفعنى للبحث عن علاج له
الحاجة التانية اللى انا معتقدها هى ان غالبا علبة الديريكسيون بتجى مظبوطة على اقل درجة احكام، اللى هى مناسبة للطرق عديمة المطبات بتاعة بره علشان تدى اكثر درجة خفة للباور ستيرنج، وبالتالى بتحتاج اعادة ضبط لمرة واحدة على ظروف بلدنا، وعلى فكرة ده اللى انا كنت بعمله دايما لما اشترى علبة ديريكسيون جديدة لأى عربية، انة لازم اضبطها بإيدى على الوضع اللى بيريحنى

بالنسبة لسؤالك عن الباور ستينج فالعربية مزودة بالباور ستيرنج بكل موديلاتها الموجودة فى مصر

الصنى والسيتى عربيتين احلى من بعض بس انا شايف ميزه الصنى فى الإنتشار والإتساع عن الستى ، كما ان تكنولوجيا الصنى مش معقدة بشدة قياسا على ما هو موجود اليومين دول، السيتى ميزتها فى الأناقة وان هى sophisiticated وسحبها اشد شوية من الصنى(هنا بتكلم عن السيتى 1500 اللى انا جربتها)و طبعا التميز لقلة انتشارها ، وبالتالى حدد احتياجاتك بناء على المعايير دى